Mateus 15
15
Jesus ma tangunitha ovalinomi
(Mark. 7:1-13)
1Iya okudha mpoka Ovafarisai vamo novalongiveta va dha koJerusalem, have ya kuJesus hava tyaa: 2“Iya omena lyatji ovalongwa woye va lundha odhonteto dhowoihe nowoina? Kave likoho komawoko amava li.”
3We ve yaka ha tyaa: “Iya n̯e omena lyatji hámu kambulitha otjitumino tjaKalunga, himu kambulitha odhonteto dhen̯i ovene? 4Iya Kalunga wa popya ha tyaa: ‘Tumbaleka iho nanyoko. Nguma popi navi ihe ne ina, nga dhipawe.’#Eks. 20:12; 21:17; Lev. 20:9; Deut. 5:16 5Iya n̯e mu tyaa: ‘Nguma heele ihe ne ina ha tyaa: Himbe tje ku popila natjo, mbe tji pa Kalunga.’ 6Iya omuntu ngoka kaa tumbaleke uke ihe ne ina. Iya mwa pedhula odhondaka dhaKalunga mena lyodhonteto dhen̯i. 7Valinomi n̯e! Omuprofeti Jesaja we mu heela nawa hiaa popya ha tyaa:
8‘Ovantu hemba va ntumbaleka vala novinyo,
atjaa omitima vyawo vi li kokule naame.#Jes. 29:13
9Va ndjundapela vala nyahinya,
mena lyokutya va longetha omalongo odhonteto dhovantu.’ ”
Ovipuka mbii lundha omuntu
(Mark. 7:14-23)
10 Jesus wa ithana owingi wovantu, he u heele ha tyaa: “Nteelela ndjen̯i, mu koneke. 11Otjipuka hitji ya motjinyo, hatjo tji lundha omuntu, iya otjipuka hitji dha motjinyo, otjo tji lundha omuntu.”
12Ovalongwa ve ya kuJesus, hava tyaa: “U tji i okutya Ovafarisai hiva tee odhondaka ndhoka, va ningi omitima omivi?”
13Jesus we ve yaka ha tyaa: “Ontwika aihe, Tate owomeulu ndjiha twikile, mai ka tukulwa mo. 14Mboka ve yethen̯i, ovaviyuli ovapot̯i wovapot̯i. Andaa omupot̯i ma koko omupot̯i omukwawo kempangoti, aveevali mava wile metoto.”#Luk. 6:39
15Iya Petrus we mu heela ha tyaa: “Tu thitululila eeli hendi.”
16Iya Jesus we ve pula ha tyaa: “Nan̯i nan̯e wo tuu kamu yuvite? 17Kamu tji i okutya otjipuka atjihe hitji ya motjinyo, tji ya medhimo, hatji piti mo? 18Iya ovipuka mbyoka mbii dha motjinyo, vi dha komutima, iya mbyoka ovyo vi lundha omuntu.#Mat. 12:34 19Iya komutima oko ku dha omalipulo omavi okudhipaa, okulivaka, okuhula, oumpulu, okulikuminina nokulipenya. 20Ovipuka hembi ovyo vi lundha omuntu, iya okulya nomawoko ngahaa kohelwe, katji lundha omuntu.”
Eitavelo lyomukadhintu Omukanana
(Mark. 7:24-30)
21Iya Jesus wa dha ko hoka, ha i kovit̯indwalongo vyaTiro naSidon. 22Iya kovit̯indwalongo vyatjo hoka kwa dha omukadhintu Omukanana, wa wololoka ha tyaa: “Muhona, MunwaDavid, nt̯ila ndje onkenda! Omunwandje omukadhona ma tatethwa navi kondemoni.”
23Iya Jesus ke mu yakele nokanunu. Iya ovalongwa ve ve ya kuye, have mu pula hava tyaa: “Mu lekela, a ende, me tu uyile.”
24Jesus we ve yaka ha tyaa: “Ame mba tumwa vala kodhondhu ndhaa keka dhonganda yaIsrael.”
25Iya omukadhintu we ya, ha twike odhongolo kotjipala tjaJesus, ha tyaa: “Muhona, mpopila ndje!”
26Ye we mu yaka ha tyaa: “Katji li nawa okwiitha po otjithima tjodhondele, ho tji yumbile odhombwa.”
27Iya we mu heela ha tyaa: “Muhona, iinga, iya nodhombwa dhi lya ounyai mbumau u kovitaafula vyovahona vadho.”
28Okudha mpoka Jesus we mu yaka ha tyaa: “O, eitavelo lyoye enene. Ningilwa ngahi mo hala.” Iya omukadhona we okudha powola yatjo ndjoka wa veluka.
Jesus ma velula ovavedhi ovengi
29Iya Jesus hiaa dhi hoka, wa ya kelunga lyaGalilea. Wa londa kondundu, hako a ka kala pohi. 30Engundwa enene lyovantu lye ya kuye, hali mu etele ovingolomena novilema novapot̯i nodhompolo novakwawo ovengi, have ve laleke po podhompadhi dhe, ye he ve velula. 31Iya owingi wovantu we kumwa, hiwa mona odhompolo himadhi tee, novingolomena hivya veluka, novilema himavi ende, novapot̯i hiva twikuluka. Iya va hiva Kalunga kaIsrael.
Jesus ma kutitha ovalumentu omayovi ane
(Mark. 8:1-10)
32 Jesus wa ithana ovalongwa ve, ha tyaa: “Ame ovantu hemba mbe ve etethele mo onkenda, mena lyokutya va ningi omatango atatu pwaame, wo háve na himava li. Iya ame híme hala ndji ve lekele nondjala, mava ka thothaunukila mondjila.”
33Ovalongwa ve mu heela hava tyaa: “Ovikulya mbimavi kutitha engundwa ndii lithike hempa, matu vi vadha pi mokuti hemu kwanyahinya?”
34Jesus we ve pula ha tyaa: “Mu na po omingome vingapi?”
Ve mu yaka hava tyaa: “Epanduvali nouhi oununu.”
35Wa heela owingi wovantu u kale pohi. 36Iya wa itha po omingome mbyoka epanduvali nodhohi. Iya hiaa pandula, we vi nyembula, he vi pa ovalongwa, ovalongwa have vi pa owingi wovantu. 37Ovantu avehe va lya, have kuta. Ovalongwa kon̯ima va ongedha ovinyembu mbyoka mbyaa hupu po, have yulitha odhombwe epanduvali. 38Ovalumentu mboka mbava lya, va li omayovi ane, ovakadhintu nodhondele kava havelwe. 39Jesus hiaa lekele owingi wovantu, wa londa mowato, ha i kotjit̯indwalongo tjaMagadan.
अहिले सेलेक्ट गरिएको:
Mateus 15: DBNT
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Dhimba New Testament © Bible Society in Namibia, 2010.
Mateus 15
15
Jesus ma tangunitha ovalinomi
(Mark. 7:1-13)
1Iya okudha mpoka Ovafarisai vamo novalongiveta va dha koJerusalem, have ya kuJesus hava tyaa: 2“Iya omena lyatji ovalongwa woye va lundha odhonteto dhowoihe nowoina? Kave likoho komawoko amava li.”
3We ve yaka ha tyaa: “Iya n̯e omena lyatji hámu kambulitha otjitumino tjaKalunga, himu kambulitha odhonteto dhen̯i ovene? 4Iya Kalunga wa popya ha tyaa: ‘Tumbaleka iho nanyoko. Nguma popi navi ihe ne ina, nga dhipawe.’#Eks. 20:12; 21:17; Lev. 20:9; Deut. 5:16 5Iya n̯e mu tyaa: ‘Nguma heele ihe ne ina ha tyaa: Himbe tje ku popila natjo, mbe tji pa Kalunga.’ 6Iya omuntu ngoka kaa tumbaleke uke ihe ne ina. Iya mwa pedhula odhondaka dhaKalunga mena lyodhonteto dhen̯i. 7Valinomi n̯e! Omuprofeti Jesaja we mu heela nawa hiaa popya ha tyaa:
8‘Ovantu hemba va ntumbaleka vala novinyo,
atjaa omitima vyawo vi li kokule naame.#Jes. 29:13
9Va ndjundapela vala nyahinya,
mena lyokutya va longetha omalongo odhonteto dhovantu.’ ”
Ovipuka mbii lundha omuntu
(Mark. 7:14-23)
10 Jesus wa ithana owingi wovantu, he u heele ha tyaa: “Nteelela ndjen̯i, mu koneke. 11Otjipuka hitji ya motjinyo, hatjo tji lundha omuntu, iya otjipuka hitji dha motjinyo, otjo tji lundha omuntu.”
12Ovalongwa ve ya kuJesus, hava tyaa: “U tji i okutya Ovafarisai hiva tee odhondaka ndhoka, va ningi omitima omivi?”
13Jesus we ve yaka ha tyaa: “Ontwika aihe, Tate owomeulu ndjiha twikile, mai ka tukulwa mo. 14Mboka ve yethen̯i, ovaviyuli ovapot̯i wovapot̯i. Andaa omupot̯i ma koko omupot̯i omukwawo kempangoti, aveevali mava wile metoto.”#Luk. 6:39
15Iya Petrus we mu heela ha tyaa: “Tu thitululila eeli hendi.”
16Iya Jesus we ve pula ha tyaa: “Nan̯i nan̯e wo tuu kamu yuvite? 17Kamu tji i okutya otjipuka atjihe hitji ya motjinyo, tji ya medhimo, hatji piti mo? 18Iya ovipuka mbyoka mbii dha motjinyo, vi dha komutima, iya mbyoka ovyo vi lundha omuntu.#Mat. 12:34 19Iya komutima oko ku dha omalipulo omavi okudhipaa, okulivaka, okuhula, oumpulu, okulikuminina nokulipenya. 20Ovipuka hembi ovyo vi lundha omuntu, iya okulya nomawoko ngahaa kohelwe, katji lundha omuntu.”
Eitavelo lyomukadhintu Omukanana
(Mark. 7:24-30)
21Iya Jesus wa dha ko hoka, ha i kovit̯indwalongo vyaTiro naSidon. 22Iya kovit̯indwalongo vyatjo hoka kwa dha omukadhintu Omukanana, wa wololoka ha tyaa: “Muhona, MunwaDavid, nt̯ila ndje onkenda! Omunwandje omukadhona ma tatethwa navi kondemoni.”
23Iya Jesus ke mu yakele nokanunu. Iya ovalongwa ve ve ya kuye, have mu pula hava tyaa: “Mu lekela, a ende, me tu uyile.”
24Jesus we ve yaka ha tyaa: “Ame mba tumwa vala kodhondhu ndhaa keka dhonganda yaIsrael.”
25Iya omukadhintu we ya, ha twike odhongolo kotjipala tjaJesus, ha tyaa: “Muhona, mpopila ndje!”
26Ye we mu yaka ha tyaa: “Katji li nawa okwiitha po otjithima tjodhondele, ho tji yumbile odhombwa.”
27Iya we mu heela ha tyaa: “Muhona, iinga, iya nodhombwa dhi lya ounyai mbumau u kovitaafula vyovahona vadho.”
28Okudha mpoka Jesus we mu yaka ha tyaa: “O, eitavelo lyoye enene. Ningilwa ngahi mo hala.” Iya omukadhona we okudha powola yatjo ndjoka wa veluka.
Jesus ma velula ovavedhi ovengi
29Iya Jesus hiaa dhi hoka, wa ya kelunga lyaGalilea. Wa londa kondundu, hako a ka kala pohi. 30Engundwa enene lyovantu lye ya kuye, hali mu etele ovingolomena novilema novapot̯i nodhompolo novakwawo ovengi, have ve laleke po podhompadhi dhe, ye he ve velula. 31Iya owingi wovantu we kumwa, hiwa mona odhompolo himadhi tee, novingolomena hivya veluka, novilema himavi ende, novapot̯i hiva twikuluka. Iya va hiva Kalunga kaIsrael.
Jesus ma kutitha ovalumentu omayovi ane
(Mark. 8:1-10)
32 Jesus wa ithana ovalongwa ve, ha tyaa: “Ame ovantu hemba mbe ve etethele mo onkenda, mena lyokutya va ningi omatango atatu pwaame, wo háve na himava li. Iya ame híme hala ndji ve lekele nondjala, mava ka thothaunukila mondjila.”
33Ovalongwa ve mu heela hava tyaa: “Ovikulya mbimavi kutitha engundwa ndii lithike hempa, matu vi vadha pi mokuti hemu kwanyahinya?”
34Jesus we ve pula ha tyaa: “Mu na po omingome vingapi?”
Ve mu yaka hava tyaa: “Epanduvali nouhi oununu.”
35Wa heela owingi wovantu u kale pohi. 36Iya wa itha po omingome mbyoka epanduvali nodhohi. Iya hiaa pandula, we vi nyembula, he vi pa ovalongwa, ovalongwa have vi pa owingi wovantu. 37Ovantu avehe va lya, have kuta. Ovalongwa kon̯ima va ongedha ovinyembu mbyoka mbyaa hupu po, have yulitha odhombwe epanduvali. 38Ovalumentu mboka mbava lya, va li omayovi ane, ovakadhintu nodhondele kava havelwe. 39Jesus hiaa lekele owingi wovantu, wa londa mowato, ha i kotjit̯indwalongo tjaMagadan.
अहिले सेलेक्ट गरिएको:
:
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Dhimba New Testament © Bible Society in Namibia, 2010.