يُوحَنَّا 1
1
المسيح هو كلِمة اللّه
1فِي الْبِدَايَةْ الْكَلِمَةْ قَاعِدَةْ. وَ الْكَلِمَةْ قَاعِدَةْ مَعَ اللّٰهْ وَ الْكَلِمَةْ هِي اللّٰهْ. 2فِي الْبِدَايَةْ هِي قَاعِدَةْ مَعَ اللّٰهْ. 3وَ كُلَّ شَيّءْ كَانْ بِالْكَلِمَةْ وَ مِنْ كُلَّ الْأَشْيَاءْ الْكَانَوْا، مَا فِي شَيّءْ الْكَانْ بَلَاهَا. 4هِي عِنْدَهَا الْحَيَاةْ وَ الْحَيَاةْ هِي نُورْ لِلنَّاسْ. 5النُّورْ قَاعِدْ يِضَوِّي فِي الضَّلَامْ وَ لَاكِنْ الضَّلَامْ مَا قِدِرْ يَكْتُلَهْ.
6وَ اللّٰهْ رَسَّلْ نَادُمْ وَاحِدْ أُسْمَهْ يَحْيَى. 7هُو جَاءْ أَشَانْ يَشْهَدْ. وَ شَهَدْ لِلنُّورْ أَشَانْ كُلَّ النَّاسْ يِآمُنُوا بِالنُّورْ بِسَبَبْ شَهَادْتَهْ. 8يَحْيَى ذَاتَهْ هُو مَا النُّورْ لَاكِنْ هُو جَاءْ أَشَانْ يَشْهَدْ لِلنُّورْ. 9وَ النُّورْ الصَّحِيحْ جَاءْ فِي الدُّنْيَا لِيِنَوِّرْ كُلَّ النَّاسْ.
10الدُّنْيَا كَوَّنَتْ بَيَّهْ وَ لَاكِنْ وَكِتْ هُو جَاءْ فِي الدُّنْيَا، نَاسْ الدُّنْيَا مَا عِرْفَوْه. 11هُو جَاءْ لِنَاسَهْ وَ لَاكِنْ نَاسَهْ مَا قِبْلَوْه. 12لَاكِنْ لِكُلَّ النَّاسْ الْقِبْلَوْه وَ آمَنَوْا بِأُسْمَهْ، هُو أَنْطَاهُمْ الْحَقّ أَشَانْ يَبْقَوْا عِيَالْ اللّٰهْ. 13وَ يَبْقَوْا عِيَالْ اللّٰهْ مَا بِوَالُودَةْ وَ لَا بِشَهْوَةْ النَّاسْ وَ لَا بِنِيَّةْ هَنَا أَيِّ رَاجِلْ، لَاكِنْ هُمَّنْ بِقَوْا عِيَالْ اللّٰهْ بِقُدْرَةْ اللّٰهْ.
14وَ الْكَلِمَةْ بِقَتْ إِنْسَانْ وَ هُو سَكَنْ فِي أُسُطْنَا. وَ شِفْنَا قُدُرْتَهْ الْمَجِيدَةْ. وَ قُدُرْتَهْ هِي مَجِيدَةْ بِلْحَيْن وَ مُوَافْقَةْ لِلْإِبْن الْوَاحِدْ الْجَايِ مِنْ اللّٰهْ أَبُوهْ. وَ هُو مَلَانْ بِالرَّحْمَةْ وَ الْحَقّ. 15وَ يَحْيَى شَاهِدْ لَيَّهْ وَ نَادَى النَّاسْ وَ قَالْ: «دَا بَسْ النَّادُمْ الْأَوْرَيْتكُو بَيَّهْ وَ قُلْت هُو الْجَايِ وَرَايِ عَالِي مِنِّي بِلْحَيْن أَشَانْ هُو مَوْجُودْ قُبَّالِي.»
16وَ رَحْمَتَهْ كَامِلَةْ وَ كُلِّنَا لِقِينَا مِنْهَا بَرَكَةْ فِي بَرَكَةْ. 17اللّٰهْ نَزَّلْ شُرُوطْ التَّوْرَاةْ بِوَاسِطَةْ مُوسَى وَ لَاكِنْ اللّٰهْ نَزَّلْ الرَّحْمَةْ وَ الْحَقّ بِوَاسِطَةْ عِيسَى الْمَسِيحْ. 18أَبَداً مَا فِي نَادُمْ شَافْ اللّٰهْ لَاكِنْ إِبْن اللّٰهْ الْوَاحِدْ الْقَاعِدْ جَنْب أَبُوهْ، هُو بَسْ الْبَيَّنْ اللّٰهْ لِلنَّاسْ.
يَحْيَى ردّ لليَهُود
19وَ دِي هِي شَهَادَةْ يَحْيَى وَكِتْ كُبَارَاتْ الْيَهُودْ رَسَّلَوْا لَيَّهْ رُجَالْ دِينْ وَ لَاوِيِّينْ مِنْ مَدِينَةْ الْقُدُسْ لِيَسْأَلَوْه هُو يَاتُو. 20يَحْيَى مَا نَكَرْ شَيّءْ وَ لَاكِنْ شَهَدْ بِكَلَامْ وَاضِحْ وَ قَالْ: «أَنَا مَا الْمَسِيحْ.» 21وَ أَشَانْ دَا، سَأَلَوْه بَتَّانْ وَ قَالَوْا: «إِنْتَ يَاتُو؟ إِنْتَ النَّبِي إِلِيَاسْ#1:21 إِلِيَاسْ: في فِكِر اليَهُود، النبي إِلِيَاس واجِب يقبِّل في الأرْض قُبّال المسيح ما يجي. وَلَّا؟» وَ يَحْيَى قَالْ: «لَا، أَنَا مَا هُو.» وَ قَالَوْا: «إِنْتَ النَّبِي#1:21 النَّبِي الْبَجِي: في التَوْراة، مُوسَى قال نبي كبير يقُمّ بعده في أسط بني إسرائيل. و الإنجيل يعلِّمنا كدر عِيسَى المسيح ذاته هو النبي الكبير. و الكلام دا، تلقوه في تَثْنِية 18:15-19. الْبَجِي وَلَّا؟» وَ رَدَّ لَيْهُمْ وَ قَالْ: «لَا.» 22وَ خَلَاصْ قَالَوْا لَيَّهْ: «إِنْتَ يَاتُو؟ أَوْرِينَا أَشَانْ نِقَبُّلُوا لِلنَّاسْ الرَّسَّلَوْنَا وَ نِأَوْرُوهُمْ. شُنُو الْكَلَامْ التُّقُولَهْ فِي نَفْسَكْ؟» 23وَ هُو رَدَّ لَيْهُمْ بِكَلَامْ النَّبِي إِشَعْيَا وَ قَالْ: <أَنَا حِسّ الْقَاعِدْ يِعِيطْ فِي الْخَلَاءْ وَ يُقُولْ: «عَدُّلُوا دَرِبْ الرَّبّ!»>#1:23 الكلام دا تلقوه في إشَعْيا 40:3.
24وَ فِيَّهْ فَرِيزِيِّينْ بَيْن النَّاسْ الرَّسَّلَوْهُمْ. 25وَ هُمَّنْ سَأَلَوْا يَحْيَى وَ قَالَوْا: «كَنْ إِنْتَ مَا الْمَسِيحْ وَ لَا إِلِيَاسْ وَ لَا النَّبِي الْيَجِي، مَالَا إِنْتَ قَاعِدْ تِغَطِّسْ النَّاسْ فِي الْأَلْمِي؟» 26وَ يَحْيَى رَدَّ لَيْهُمْ وَ قَالْ: «أَنَا نِغَطِّسْ النَّاسْ فِي الْأَلْمِي وَ لَاكِنْ نَادُمْ وَاحِدْ قَاعِدْ مَعَاكُو وَ إِنْتُو مَا تَعَرْفُوهْ. 27هُو بَسْ النَّادُمْ الْيَجِي وَرَايِ. وَ أَنَا مَا تَمَّيْت لَيَّهْ خَدَّامْ كُلَ.»
28وَ الْبَكَانْ السَّأَلَوْا يَحْيَى فَوْقَهْ، هُو فِي حِلَّةْ بَيْت عَنْيَا الْقَاعِدَةْ غَادِي لِبَحَرْ الْأُرْدُنْ. وَ دَا الْبَكَانْ الْيَحْيَى قَاعِدْ يِغَطِّسْ فَوْقَهْ النَّاسْ.
عِيسَى حمل اللّه
29وَ أَمْبَاكِرْ، يَحْيَى شَافْ عِيسَى جَايِ لَيَّهْ وَ قَالْ: «دَا بَسْ الْحَمَلْ الْاللّٰهْ رَسَّلَهْ أَشَانْ يُقُشّ ذَنِبْ نَاسْ الدُّنْيَا. 30دَا بَسْ النَّادُمْ الْأَوْرَيْتكُو بَيَّهْ وَ قُلْت نَادُمْ وَاحِدْ جَايِ وَرَايِ وَ هُو عَالِي مِنِّي بِلْحَيْن أَشَانْ هُو مَوْجُودْ قُبَّالِي. 31أَوَّلْ أَنَا مَا عِرِفْتَهْ. لَاكِنْ أَنَا جِيتْ نِغَطِّسْ النَّاسْ أَشَانْ نِوَصِّفَهْ لِبَنِي إِسْرَائِيلْ.»
32وَ يَحْيَى شَهَدْ لَيَّهْ وَ قَالْ: «أَنَا شِفْت الرُّوحْ الْقُدُّوسْ جَايِ مِنْ السَّمَاءْ وَ نَزَلْ فَوْقَهْ مِثِلْ حَمَامَةْ وَ قَعَدْ فَوْقَهْ. 33أَوَّلْ أَنَا مَا عِرِفْتَهْ لَاكِنْ الرَّسَّلَانِي لِنِغَطِّسْ النَّاسْ فِي الْأَلْمِي، حَجَّى لَيِّ مِنْ أَوَّلْ وَ قَالْ: ‹النَّادُمْ التِّشِيفْ الرُّوحْ الْقُدُّوسْ يَنْزِلْ فَوْقَهْ وَ يَقْعُدْ فَوْقَهْ، دَا بَسْ النَّادُمْ الْيِغَطِّسْ النَّاسْ بِالرُّوحْ الْقُدُّوسْ.› 34وَ خَلَاصْ، أَنَا شِفْتَهْ وَ أَنَا شَاهِدْ لَيَّهْ هُو إِبْن اللّٰهْ».
تلاميذ المسيح الأوّلانيّين
35وَ أَمْبَاكِرْ، يَحْيَى قَاعِدْ فِي نَفْس الْبَكَانْ وَ نَاسَيْن مِنْ تَلَامِيذَهْ قَاعِدِينْ مَعَايَهْ. 36وَ يَحْيَى شَافْ عِيسَى رَايِغْ فِي الدَّرِبْ وَ قَالْ لَيْهُمْ: «دَاهُو حَمَلْ اللّٰهْ.» 37وَ التَّلَامِيذ الْإِتْنَيْن سِمْعَوْا كَلَامَهْ وَ قَمَّوْا تَابَعَوْا عِيسَى.
38وَ عِيسَى أَنْلَفَتْ وَ شَافَاهُمْ جَايِينْ وَرَايَهْ. وَ سَأَلَاهُمْ وَ قَالْ: «تِفَتُّشُوا شُنُو؟» وَ رَدَّوْا لَيَّهْ وَ قَالَوْا: «يَا رَبَّايْ، إِنْتَ سَاكِنْ وَيْن؟» وَ رَبَّايْ مَعَنَاتَهْ سَيِّدْ بِاللُّغَّةْ الْأَرَامِيَّةْ. 39وَ عِيسَى رَدَّ لَيْهُمْ وَ قَالْ: «تَعَالُوا شِيفُوا الْبَكَانْ.» وَ دَا بِقِي فِي الْعَصُرْ. وَ مَشَوْا مَعَايَهْ وَ شَافَوْا الْبَيْت الْهُو قَاعِدْ فَوْقَهْ وَ فِي الْيَوْم دَا، قَعَدَوْا مَعَايَهْ.
40وَ نَادُمْ وَاحِدْ مِنْ النَّاسَيْن السِّمْعَوْا كَلَامْ يَحْيَى وَ قَمَّوْا تَابَعَوْا عِيسَى، أُسْمَهْ أَنْدَرَيَّسْ وَ هُو أَخُو سِمْعَانْ بُطْرُسْ. 41أَوَّلْ شَيّءْ، أَنْدَرَيَّسْ مَشَى لِقِي أَخُوهْ سِمْعَانْ وَ حَجَّى لَيَّهْ وَ قَالْ: «لِقِينَا مَسِّيَّا.» وَ مَسِّيَّا مَعَنَاتَهْ الْمَسِيحْ بِاللُّغَّةْ الْأَرَامِيَّةْ. 42وَ أَنْدَرَيَّسْ وَدَّى سِمْعَانْ لِعِيسَى. وَ عِيسَى شَافْ سِمْعَانْ فِي عُيُونَهْ وَ قَالْ: «إِنْتَ سِمْعَانْ وِلَيْد يُوحَنَّا. يِسَمُّوكْ صَفَا.» وَ صَفَا مَعَنَاتَهْ حَجَرْ وَ بِاللُّغَّةْ الْيُونَانِيَّةْ دَا بُطْرُسْ.
43وَ أَمْبَاكِرْ، عِيسَى دَوَّرْ يَمْشِي فِي دَارْ الْجَلِيلْ. وَ لِقِي فِلِبُّسْ وَ قَالْ لَيَّهْ: «تَعَالْ تَابِعْنِي.» 44وَ فِلِبُّسْ هُو مِنْ حِلَّةْ بَيْت صَيْدَا وَ دِي حِلَّةْ هَنَا أَنْدَرَيَّسْ وَ بُطْرُسْ. 45وَ فِلِبُّسْ مَشَى لِقِي نَتَنَايِلْ وَ قَالْ لَيَّهْ: «لِقِينَا النَّادُمْ الْمُوسَى كَتَبْ بِسَبَبَهْ فِي التَّوْرَاةْ وَ الْأَنْبِيَاء كَتَبَوْا فَوْقَهْ فِي كُتُبْهُمْ. وَ هُو عِيسَى وِلَيْد يُوسُفْ مِنْ حِلَّةْ النَّاصِرَةْ.» 46وَ نَتَنَايِلْ رَدَّ لَيَّهْ وَ قَالْ: «هَايْ! مَتَى كَيْ يَوْم وَاحِدْ شَيّءْ عَدِيلْ جَاءْ مِنْ النَّاصِرَةْ؟» وَ فِلِبُّسْ قَالْ لَيَّهْ: «تَعَالْ مَعَايِ وَ شِيفَهْ!»
47وَ عِيسَى شَافْ نَتَنَايِلْ جَايِ لَيَّهْ وَ قَالْ: «دَاهُو إِسْرَائِيلِي صَحِيحْ. هُو مَا يُغُشّ أَيِّ نَادُمْ.» 48وَ نَتَنَايِلْ سَأَلَهْ وَ قَالْ: «كِكَّيْف عِرِفْتِنِي؟» وَ عِيسَى قَالْ: «شِفْتَكْ وَكِتْ إِنْتَ قَاعِدْ تِحِتْ شَدَرَةْ التِّينْ قُبَّالْ فِلِبُّسْ مَا يِنَادِيكْ.» 49وَ نَتَنَايِلْ قَالْ: «سَيِّدْنَا، إِنْتَ إِبْن اللّٰهْ! إِنْتَ مَلِكْ هَنَا إِسْرَائِيلْ!» 50وَ عِيسَى قَالْ لَيَّهْ: «إِنْتَ آمَنْت بَيِّ أَشَانْ قُلْت لَيْك أَنَا شِفْتَكْ تِحِتْ شَدَرَةْ التِّينْ؟ تِشِيفْ أَشْيَاءْ كُبَارْ مِنْ دَا!»
51وَ عِيسَى قَالْ لَيْهُمْ: «أَسْمَعَوْا نُقُولْ لَيْكُو الْحَقّ، تِشِيفُوا السَّمَاءْ فَاتِحْ وَ مَلَائِكَةْ اللّٰهْ طَالِعِينْ وَ نَازْلِينْ فَوْق إِبْن الْإِنْسَانْ.»
अहिले सेलेक्ट गरिएको:
يُوحَنَّا 1: ع.د.ت19
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
La Bible en arabe tchadien © Alliance biblique du Tchad, 2019
يُوحَنَّا 1
1
المسيح هو كلِمة اللّه
1فِي الْبِدَايَةْ الْكَلِمَةْ قَاعِدَةْ. وَ الْكَلِمَةْ قَاعِدَةْ مَعَ اللّٰهْ وَ الْكَلِمَةْ هِي اللّٰهْ. 2فِي الْبِدَايَةْ هِي قَاعِدَةْ مَعَ اللّٰهْ. 3وَ كُلَّ شَيّءْ كَانْ بِالْكَلِمَةْ وَ مِنْ كُلَّ الْأَشْيَاءْ الْكَانَوْا، مَا فِي شَيّءْ الْكَانْ بَلَاهَا. 4هِي عِنْدَهَا الْحَيَاةْ وَ الْحَيَاةْ هِي نُورْ لِلنَّاسْ. 5النُّورْ قَاعِدْ يِضَوِّي فِي الضَّلَامْ وَ لَاكِنْ الضَّلَامْ مَا قِدِرْ يَكْتُلَهْ.
6وَ اللّٰهْ رَسَّلْ نَادُمْ وَاحِدْ أُسْمَهْ يَحْيَى. 7هُو جَاءْ أَشَانْ يَشْهَدْ. وَ شَهَدْ لِلنُّورْ أَشَانْ كُلَّ النَّاسْ يِآمُنُوا بِالنُّورْ بِسَبَبْ شَهَادْتَهْ. 8يَحْيَى ذَاتَهْ هُو مَا النُّورْ لَاكِنْ هُو جَاءْ أَشَانْ يَشْهَدْ لِلنُّورْ. 9وَ النُّورْ الصَّحِيحْ جَاءْ فِي الدُّنْيَا لِيِنَوِّرْ كُلَّ النَّاسْ.
10الدُّنْيَا كَوَّنَتْ بَيَّهْ وَ لَاكِنْ وَكِتْ هُو جَاءْ فِي الدُّنْيَا، نَاسْ الدُّنْيَا مَا عِرْفَوْه. 11هُو جَاءْ لِنَاسَهْ وَ لَاكِنْ نَاسَهْ مَا قِبْلَوْه. 12لَاكِنْ لِكُلَّ النَّاسْ الْقِبْلَوْه وَ آمَنَوْا بِأُسْمَهْ، هُو أَنْطَاهُمْ الْحَقّ أَشَانْ يَبْقَوْا عِيَالْ اللّٰهْ. 13وَ يَبْقَوْا عِيَالْ اللّٰهْ مَا بِوَالُودَةْ وَ لَا بِشَهْوَةْ النَّاسْ وَ لَا بِنِيَّةْ هَنَا أَيِّ رَاجِلْ، لَاكِنْ هُمَّنْ بِقَوْا عِيَالْ اللّٰهْ بِقُدْرَةْ اللّٰهْ.
14وَ الْكَلِمَةْ بِقَتْ إِنْسَانْ وَ هُو سَكَنْ فِي أُسُطْنَا. وَ شِفْنَا قُدُرْتَهْ الْمَجِيدَةْ. وَ قُدُرْتَهْ هِي مَجِيدَةْ بِلْحَيْن وَ مُوَافْقَةْ لِلْإِبْن الْوَاحِدْ الْجَايِ مِنْ اللّٰهْ أَبُوهْ. وَ هُو مَلَانْ بِالرَّحْمَةْ وَ الْحَقّ. 15وَ يَحْيَى شَاهِدْ لَيَّهْ وَ نَادَى النَّاسْ وَ قَالْ: «دَا بَسْ النَّادُمْ الْأَوْرَيْتكُو بَيَّهْ وَ قُلْت هُو الْجَايِ وَرَايِ عَالِي مِنِّي بِلْحَيْن أَشَانْ هُو مَوْجُودْ قُبَّالِي.»
16وَ رَحْمَتَهْ كَامِلَةْ وَ كُلِّنَا لِقِينَا مِنْهَا بَرَكَةْ فِي بَرَكَةْ. 17اللّٰهْ نَزَّلْ شُرُوطْ التَّوْرَاةْ بِوَاسِطَةْ مُوسَى وَ لَاكِنْ اللّٰهْ نَزَّلْ الرَّحْمَةْ وَ الْحَقّ بِوَاسِطَةْ عِيسَى الْمَسِيحْ. 18أَبَداً مَا فِي نَادُمْ شَافْ اللّٰهْ لَاكِنْ إِبْن اللّٰهْ الْوَاحِدْ الْقَاعِدْ جَنْب أَبُوهْ، هُو بَسْ الْبَيَّنْ اللّٰهْ لِلنَّاسْ.
يَحْيَى ردّ لليَهُود
19وَ دِي هِي شَهَادَةْ يَحْيَى وَكِتْ كُبَارَاتْ الْيَهُودْ رَسَّلَوْا لَيَّهْ رُجَالْ دِينْ وَ لَاوِيِّينْ مِنْ مَدِينَةْ الْقُدُسْ لِيَسْأَلَوْه هُو يَاتُو. 20يَحْيَى مَا نَكَرْ شَيّءْ وَ لَاكِنْ شَهَدْ بِكَلَامْ وَاضِحْ وَ قَالْ: «أَنَا مَا الْمَسِيحْ.» 21وَ أَشَانْ دَا، سَأَلَوْه بَتَّانْ وَ قَالَوْا: «إِنْتَ يَاتُو؟ إِنْتَ النَّبِي إِلِيَاسْ#1:21 إِلِيَاسْ: في فِكِر اليَهُود، النبي إِلِيَاس واجِب يقبِّل في الأرْض قُبّال المسيح ما يجي. وَلَّا؟» وَ يَحْيَى قَالْ: «لَا، أَنَا مَا هُو.» وَ قَالَوْا: «إِنْتَ النَّبِي#1:21 النَّبِي الْبَجِي: في التَوْراة، مُوسَى قال نبي كبير يقُمّ بعده في أسط بني إسرائيل. و الإنجيل يعلِّمنا كدر عِيسَى المسيح ذاته هو النبي الكبير. و الكلام دا، تلقوه في تَثْنِية 18:15-19. الْبَجِي وَلَّا؟» وَ رَدَّ لَيْهُمْ وَ قَالْ: «لَا.» 22وَ خَلَاصْ قَالَوْا لَيَّهْ: «إِنْتَ يَاتُو؟ أَوْرِينَا أَشَانْ نِقَبُّلُوا لِلنَّاسْ الرَّسَّلَوْنَا وَ نِأَوْرُوهُمْ. شُنُو الْكَلَامْ التُّقُولَهْ فِي نَفْسَكْ؟» 23وَ هُو رَدَّ لَيْهُمْ بِكَلَامْ النَّبِي إِشَعْيَا وَ قَالْ: <أَنَا حِسّ الْقَاعِدْ يِعِيطْ فِي الْخَلَاءْ وَ يُقُولْ: «عَدُّلُوا دَرِبْ الرَّبّ!»>#1:23 الكلام دا تلقوه في إشَعْيا 40:3.
24وَ فِيَّهْ فَرِيزِيِّينْ بَيْن النَّاسْ الرَّسَّلَوْهُمْ. 25وَ هُمَّنْ سَأَلَوْا يَحْيَى وَ قَالَوْا: «كَنْ إِنْتَ مَا الْمَسِيحْ وَ لَا إِلِيَاسْ وَ لَا النَّبِي الْيَجِي، مَالَا إِنْتَ قَاعِدْ تِغَطِّسْ النَّاسْ فِي الْأَلْمِي؟» 26وَ يَحْيَى رَدَّ لَيْهُمْ وَ قَالْ: «أَنَا نِغَطِّسْ النَّاسْ فِي الْأَلْمِي وَ لَاكِنْ نَادُمْ وَاحِدْ قَاعِدْ مَعَاكُو وَ إِنْتُو مَا تَعَرْفُوهْ. 27هُو بَسْ النَّادُمْ الْيَجِي وَرَايِ. وَ أَنَا مَا تَمَّيْت لَيَّهْ خَدَّامْ كُلَ.»
28وَ الْبَكَانْ السَّأَلَوْا يَحْيَى فَوْقَهْ، هُو فِي حِلَّةْ بَيْت عَنْيَا الْقَاعِدَةْ غَادِي لِبَحَرْ الْأُرْدُنْ. وَ دَا الْبَكَانْ الْيَحْيَى قَاعِدْ يِغَطِّسْ فَوْقَهْ النَّاسْ.
عِيسَى حمل اللّه
29وَ أَمْبَاكِرْ، يَحْيَى شَافْ عِيسَى جَايِ لَيَّهْ وَ قَالْ: «دَا بَسْ الْحَمَلْ الْاللّٰهْ رَسَّلَهْ أَشَانْ يُقُشّ ذَنِبْ نَاسْ الدُّنْيَا. 30دَا بَسْ النَّادُمْ الْأَوْرَيْتكُو بَيَّهْ وَ قُلْت نَادُمْ وَاحِدْ جَايِ وَرَايِ وَ هُو عَالِي مِنِّي بِلْحَيْن أَشَانْ هُو مَوْجُودْ قُبَّالِي. 31أَوَّلْ أَنَا مَا عِرِفْتَهْ. لَاكِنْ أَنَا جِيتْ نِغَطِّسْ النَّاسْ أَشَانْ نِوَصِّفَهْ لِبَنِي إِسْرَائِيلْ.»
32وَ يَحْيَى شَهَدْ لَيَّهْ وَ قَالْ: «أَنَا شِفْت الرُّوحْ الْقُدُّوسْ جَايِ مِنْ السَّمَاءْ وَ نَزَلْ فَوْقَهْ مِثِلْ حَمَامَةْ وَ قَعَدْ فَوْقَهْ. 33أَوَّلْ أَنَا مَا عِرِفْتَهْ لَاكِنْ الرَّسَّلَانِي لِنِغَطِّسْ النَّاسْ فِي الْأَلْمِي، حَجَّى لَيِّ مِنْ أَوَّلْ وَ قَالْ: ‹النَّادُمْ التِّشِيفْ الرُّوحْ الْقُدُّوسْ يَنْزِلْ فَوْقَهْ وَ يَقْعُدْ فَوْقَهْ، دَا بَسْ النَّادُمْ الْيِغَطِّسْ النَّاسْ بِالرُّوحْ الْقُدُّوسْ.› 34وَ خَلَاصْ، أَنَا شِفْتَهْ وَ أَنَا شَاهِدْ لَيَّهْ هُو إِبْن اللّٰهْ».
تلاميذ المسيح الأوّلانيّين
35وَ أَمْبَاكِرْ، يَحْيَى قَاعِدْ فِي نَفْس الْبَكَانْ وَ نَاسَيْن مِنْ تَلَامِيذَهْ قَاعِدِينْ مَعَايَهْ. 36وَ يَحْيَى شَافْ عِيسَى رَايِغْ فِي الدَّرِبْ وَ قَالْ لَيْهُمْ: «دَاهُو حَمَلْ اللّٰهْ.» 37وَ التَّلَامِيذ الْإِتْنَيْن سِمْعَوْا كَلَامَهْ وَ قَمَّوْا تَابَعَوْا عِيسَى.
38وَ عِيسَى أَنْلَفَتْ وَ شَافَاهُمْ جَايِينْ وَرَايَهْ. وَ سَأَلَاهُمْ وَ قَالْ: «تِفَتُّشُوا شُنُو؟» وَ رَدَّوْا لَيَّهْ وَ قَالَوْا: «يَا رَبَّايْ، إِنْتَ سَاكِنْ وَيْن؟» وَ رَبَّايْ مَعَنَاتَهْ سَيِّدْ بِاللُّغَّةْ الْأَرَامِيَّةْ. 39وَ عِيسَى رَدَّ لَيْهُمْ وَ قَالْ: «تَعَالُوا شِيفُوا الْبَكَانْ.» وَ دَا بِقِي فِي الْعَصُرْ. وَ مَشَوْا مَعَايَهْ وَ شَافَوْا الْبَيْت الْهُو قَاعِدْ فَوْقَهْ وَ فِي الْيَوْم دَا، قَعَدَوْا مَعَايَهْ.
40وَ نَادُمْ وَاحِدْ مِنْ النَّاسَيْن السِّمْعَوْا كَلَامْ يَحْيَى وَ قَمَّوْا تَابَعَوْا عِيسَى، أُسْمَهْ أَنْدَرَيَّسْ وَ هُو أَخُو سِمْعَانْ بُطْرُسْ. 41أَوَّلْ شَيّءْ، أَنْدَرَيَّسْ مَشَى لِقِي أَخُوهْ سِمْعَانْ وَ حَجَّى لَيَّهْ وَ قَالْ: «لِقِينَا مَسِّيَّا.» وَ مَسِّيَّا مَعَنَاتَهْ الْمَسِيحْ بِاللُّغَّةْ الْأَرَامِيَّةْ. 42وَ أَنْدَرَيَّسْ وَدَّى سِمْعَانْ لِعِيسَى. وَ عِيسَى شَافْ سِمْعَانْ فِي عُيُونَهْ وَ قَالْ: «إِنْتَ سِمْعَانْ وِلَيْد يُوحَنَّا. يِسَمُّوكْ صَفَا.» وَ صَفَا مَعَنَاتَهْ حَجَرْ وَ بِاللُّغَّةْ الْيُونَانِيَّةْ دَا بُطْرُسْ.
43وَ أَمْبَاكِرْ، عِيسَى دَوَّرْ يَمْشِي فِي دَارْ الْجَلِيلْ. وَ لِقِي فِلِبُّسْ وَ قَالْ لَيَّهْ: «تَعَالْ تَابِعْنِي.» 44وَ فِلِبُّسْ هُو مِنْ حِلَّةْ بَيْت صَيْدَا وَ دِي حِلَّةْ هَنَا أَنْدَرَيَّسْ وَ بُطْرُسْ. 45وَ فِلِبُّسْ مَشَى لِقِي نَتَنَايِلْ وَ قَالْ لَيَّهْ: «لِقِينَا النَّادُمْ الْمُوسَى كَتَبْ بِسَبَبَهْ فِي التَّوْرَاةْ وَ الْأَنْبِيَاء كَتَبَوْا فَوْقَهْ فِي كُتُبْهُمْ. وَ هُو عِيسَى وِلَيْد يُوسُفْ مِنْ حِلَّةْ النَّاصِرَةْ.» 46وَ نَتَنَايِلْ رَدَّ لَيَّهْ وَ قَالْ: «هَايْ! مَتَى كَيْ يَوْم وَاحِدْ شَيّءْ عَدِيلْ جَاءْ مِنْ النَّاصِرَةْ؟» وَ فِلِبُّسْ قَالْ لَيَّهْ: «تَعَالْ مَعَايِ وَ شِيفَهْ!»
47وَ عِيسَى شَافْ نَتَنَايِلْ جَايِ لَيَّهْ وَ قَالْ: «دَاهُو إِسْرَائِيلِي صَحِيحْ. هُو مَا يُغُشّ أَيِّ نَادُمْ.» 48وَ نَتَنَايِلْ سَأَلَهْ وَ قَالْ: «كِكَّيْف عِرِفْتِنِي؟» وَ عِيسَى قَالْ: «شِفْتَكْ وَكِتْ إِنْتَ قَاعِدْ تِحِتْ شَدَرَةْ التِّينْ قُبَّالْ فِلِبُّسْ مَا يِنَادِيكْ.» 49وَ نَتَنَايِلْ قَالْ: «سَيِّدْنَا، إِنْتَ إِبْن اللّٰهْ! إِنْتَ مَلِكْ هَنَا إِسْرَائِيلْ!» 50وَ عِيسَى قَالْ لَيَّهْ: «إِنْتَ آمَنْت بَيِّ أَشَانْ قُلْت لَيْك أَنَا شِفْتَكْ تِحِتْ شَدَرَةْ التِّينْ؟ تِشِيفْ أَشْيَاءْ كُبَارْ مِنْ دَا!»
51وَ عِيسَى قَالْ لَيْهُمْ: «أَسْمَعَوْا نُقُولْ لَيْكُو الْحَقّ، تِشِيفُوا السَّمَاءْ فَاتِحْ وَ مَلَائِكَةْ اللّٰهْ طَالِعِينْ وَ نَازْلِينْ فَوْق إِبْن الْإِنْسَانْ.»
अहिले सेलेक्ट गरिएको:
:
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
La Bible en arabe tchadien © Alliance biblique du Tchad, 2019