Samz 22
22
Pou chèf mizisyen-an
Sé an sam David
Sé pou yo chantéʼy èk menm mizik chanté-a ki di “Sèf Lé Bonmaten-an”
An Chanté Pou Glowifyé Bondyé Lè Ou An Lapenn
1Bondyé mwen, Bondyé mwen, pouki ou ja tounen doʼw anlè mwen?
Pouki ou wèsté lwen mwen kon sa
lè mwen té ka pléwé pouʼw vini édé mwen?
2Bondyé mwen, mwen ka kwiyéʼw lajouné,
ou pa ka wéponn.
Mwen ka kwiyéʼw òswè,
mwen pa sa menm dòmi.
3Mé sé ou ki wa-a ki san fòt-la ki asid asou gwan chèz-la ka kondwi-a,
wa-a sé jan Izwayèl-la ka adowé-a.
4Sé gwan gwanpapa lontan nou-an té mété tout konfyans yo an ou,
yo konfyéʼw èk ou délivwé yo.
5Yo kwiyé, èk ou délivwé yo lè yo té an danjé.
Yo mété konfyans yo an ou èk ou sové yo menm kon ou té ja di.
6Mé atjwèlman mwen sé pa menm an nonm ankò, mwen menm kon an vè tè.
Tout moun ka mépwizé mwen, yo ka pwan mwen pou bétiz!
7Tout moun ki wè mwen ka pwan mwen sèvi widitjil,
yo ka tousé né yo èk yo ka fè sin anlè mwen.
8Yo ka di mwen, “Ou mété tout konfyans ou an Bondyé Senyè-a,
en i pa ka délivwéʼw atjwèlman?
Si ou ka plè Bondyé kon sa,
pouki i pa ka délivwéʼw?”
9Mé Senyè, sété ou menm ki té tiwé mwen san danjé an bouden manman mwen,
ou pwotèkté mwen lè mwen té piti.
10Mwen té asou kont ou dépi tan mwen té fèt.
Èk dépi mwen sòti an bouden manman mwen, sé ou ki toujou Bondyé mwen.
11Pa wèsté lwen mwen,
paski twaka ka vini anlè mwen,
èk mwen pa ni pyèsonn pou édé mwen.
12Sé lèlmi mwen-an tout oliwon mwen menm kon towo bèf.
Yo fè won mwen,
menm kon towo bèf mové ki sòti an péyi Bachan.
13Yo ka ouvè djòl yo menm kon lyon,
yo ka gwondé, yo pawé pou dévowé mwen.
14Mwen vini fèb
menm kon dlo ki tonbé atè.
Tout zo mwen sòti an plas.
Tjè mwen menm kon bouji ki fonn.
15Gòj mwen sèk menm kon lapousyè,
lanng mwen ka kolé anba palé mwen.
Ou ja kité mwen pou mò an lapousyè-a.
16La ni an gany nonm méchan tout oliwon mwen.
Yo fè won mwen menm kon chyen mawon.
Yo mòdé lanmen mwen èk pyé mwen.
17Sa mwen wèsté sé zo èk lapo.
Lèlmi mwen ka gadé, yo pa ka tiwé zyé yo anlè mwen.
18Yo jwé gwenndé pou had mwen
èk yo sépawéʼy anpami yo.
19Bondyé Senyè, pa wèsté lwen mwen!
Sé ou ki tout kouway mwen. Vini vit pou sa chapé mwen!
20Délivwé mwen pou yo pa tjwé mwen èk sab-la.
Délivwé lavi mwen anba sé chyen sala.
21Tiwé mwen anba djòl sé lyon sala.
Sové mwen anba kòn sé towo bèf mové sala.
22Mwen kay fè sé fwè mwen-an konnèt sa ou ja fè.
Mwen kay lévé nonʼw lè mwen asanblé èk yo, mwen kay di,
23“Sé pou tout moun ki ni wèspé pou Bondyé Senyè-a lévé nonʼy!
Sé pou ou ki désandan Jakòb-la onnowéʼy!
Sé pou sé jan Izwayèl-la adowéʼy!
24I pa ka néglijé sé maléwé-a, ni tounen fidjiʼy asou soufwans yo.
I pa ka tounen doʼy asou yo,
mé i ka wéponn lè yo kwiyéʼy pou édé yo.”
25Lè mwen asanblé èk tout sé moun ou-an, mwen kay lévé nonʼw pou sa ou ja fè ban mwen.
Anpami sé moun-an ki ka adowéʼw-la,
mwen kay ofè sé sakwifis-la mwen pwonmèt-la.
26Sé maléwé-a kay manjé bouden yo wèd.
Moun ki vini adowé Bondyé Senyè-a kay lévé nonʼy.
Mwen ka swété yo tout an bon lavi pou tout tan.
27Tout nasyon kay chonjé sa Bondyé Senyè-a té fè.
Toupatou an latè-a moun kay tounen vin jwenn li.
Tout kalité moun ki an latè-a kay adowéʼy.
28Sé Bondyé Senyè-a ki wa,
èk sé li ki ka kondwi sé nasyon-an.
29Tout nonm ki ni kwéyans kay bésé tèt douvanʼy.
Tout moun ki ni pou tounen lapousyè kay bésé tèt douvanʼy.
30Jennenwasyon ki ni pou vini kay adowéʼy.
Yon jennenwasyon kay di lòt jennenwasyon-an
konsèné Senyè-a.
31Yo kay fè moun ki pʼòkò fèt atjwèlman konnèt mannyè Bondyé sové sé moun li-an.
Yo kay tann sé Bondyé ki fè sa.
अहिले सेलेक्ट गरिएको:
Samz 22: acfDBL
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© 1999, Wycliffe Bible Translators, Inc. All rights reserved.
Samz 22
22
Pou chèf mizisyen-an
Sé an sam David
Sé pou yo chantéʼy èk menm mizik chanté-a ki di “Sèf Lé Bonmaten-an”
An Chanté Pou Glowifyé Bondyé Lè Ou An Lapenn
1Bondyé mwen, Bondyé mwen, pouki ou ja tounen doʼw anlè mwen?
Pouki ou wèsté lwen mwen kon sa
lè mwen té ka pléwé pouʼw vini édé mwen?
2Bondyé mwen, mwen ka kwiyéʼw lajouné,
ou pa ka wéponn.
Mwen ka kwiyéʼw òswè,
mwen pa sa menm dòmi.
3Mé sé ou ki wa-a ki san fòt-la ki asid asou gwan chèz-la ka kondwi-a,
wa-a sé jan Izwayèl-la ka adowé-a.
4Sé gwan gwanpapa lontan nou-an té mété tout konfyans yo an ou,
yo konfyéʼw èk ou délivwé yo.
5Yo kwiyé, èk ou délivwé yo lè yo té an danjé.
Yo mété konfyans yo an ou èk ou sové yo menm kon ou té ja di.
6Mé atjwèlman mwen sé pa menm an nonm ankò, mwen menm kon an vè tè.
Tout moun ka mépwizé mwen, yo ka pwan mwen pou bétiz!
7Tout moun ki wè mwen ka pwan mwen sèvi widitjil,
yo ka tousé né yo èk yo ka fè sin anlè mwen.
8Yo ka di mwen, “Ou mété tout konfyans ou an Bondyé Senyè-a,
en i pa ka délivwéʼw atjwèlman?
Si ou ka plè Bondyé kon sa,
pouki i pa ka délivwéʼw?”
9Mé Senyè, sété ou menm ki té tiwé mwen san danjé an bouden manman mwen,
ou pwotèkté mwen lè mwen té piti.
10Mwen té asou kont ou dépi tan mwen té fèt.
Èk dépi mwen sòti an bouden manman mwen, sé ou ki toujou Bondyé mwen.
11Pa wèsté lwen mwen,
paski twaka ka vini anlè mwen,
èk mwen pa ni pyèsonn pou édé mwen.
12Sé lèlmi mwen-an tout oliwon mwen menm kon towo bèf.
Yo fè won mwen,
menm kon towo bèf mové ki sòti an péyi Bachan.
13Yo ka ouvè djòl yo menm kon lyon,
yo ka gwondé, yo pawé pou dévowé mwen.
14Mwen vini fèb
menm kon dlo ki tonbé atè.
Tout zo mwen sòti an plas.
Tjè mwen menm kon bouji ki fonn.
15Gòj mwen sèk menm kon lapousyè,
lanng mwen ka kolé anba palé mwen.
Ou ja kité mwen pou mò an lapousyè-a.
16La ni an gany nonm méchan tout oliwon mwen.
Yo fè won mwen menm kon chyen mawon.
Yo mòdé lanmen mwen èk pyé mwen.
17Sa mwen wèsté sé zo èk lapo.
Lèlmi mwen ka gadé, yo pa ka tiwé zyé yo anlè mwen.
18Yo jwé gwenndé pou had mwen
èk yo sépawéʼy anpami yo.
19Bondyé Senyè, pa wèsté lwen mwen!
Sé ou ki tout kouway mwen. Vini vit pou sa chapé mwen!
20Délivwé mwen pou yo pa tjwé mwen èk sab-la.
Délivwé lavi mwen anba sé chyen sala.
21Tiwé mwen anba djòl sé lyon sala.
Sové mwen anba kòn sé towo bèf mové sala.
22Mwen kay fè sé fwè mwen-an konnèt sa ou ja fè.
Mwen kay lévé nonʼw lè mwen asanblé èk yo, mwen kay di,
23“Sé pou tout moun ki ni wèspé pou Bondyé Senyè-a lévé nonʼy!
Sé pou ou ki désandan Jakòb-la onnowéʼy!
Sé pou sé jan Izwayèl-la adowéʼy!
24I pa ka néglijé sé maléwé-a, ni tounen fidjiʼy asou soufwans yo.
I pa ka tounen doʼy asou yo,
mé i ka wéponn lè yo kwiyéʼy pou édé yo.”
25Lè mwen asanblé èk tout sé moun ou-an, mwen kay lévé nonʼw pou sa ou ja fè ban mwen.
Anpami sé moun-an ki ka adowéʼw-la,
mwen kay ofè sé sakwifis-la mwen pwonmèt-la.
26Sé maléwé-a kay manjé bouden yo wèd.
Moun ki vini adowé Bondyé Senyè-a kay lévé nonʼy.
Mwen ka swété yo tout an bon lavi pou tout tan.
27Tout nasyon kay chonjé sa Bondyé Senyè-a té fè.
Toupatou an latè-a moun kay tounen vin jwenn li.
Tout kalité moun ki an latè-a kay adowéʼy.
28Sé Bondyé Senyè-a ki wa,
èk sé li ki ka kondwi sé nasyon-an.
29Tout nonm ki ni kwéyans kay bésé tèt douvanʼy.
Tout moun ki ni pou tounen lapousyè kay bésé tèt douvanʼy.
30Jennenwasyon ki ni pou vini kay adowéʼy.
Yon jennenwasyon kay di lòt jennenwasyon-an
konsèné Senyè-a.
31Yo kay fè moun ki pʼòkò fèt atjwèlman konnèt mannyè Bondyé sové sé moun li-an.
Yo kay tann sé Bondyé ki fè sa.
अहिले सेलेक्ट गरिएको:
:
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© 1999, Wycliffe Bible Translators, Inc. All rights reserved.