यशैया 43:6-7

शेयर गर्नुहोस्

यशैया 43:6-7 सरल नेपाली पवित्र बाइबल (सरल नेपाली)

तिनीहरूलाई छोडिदिन म उत्तर दिशालाई भन्‍नेछु र तिनीहरूलाई नरोक्‍न दक्षिण दिशालाई भन्‍नेछु। मेरा सन्‍तानहरू टाढा देशबाट, संसारका हरेक कुनाबाट फर्किआऊन्। तिनीहरू मेरा आफ्‍नै सन्‍तानहरू हुन्। मेरै महिमा ल्‍याउन मैले तिनीहरूको सृजना गरें।”

यशैया 43:6-7 नेपाली नयाँ संशोधित संस्करण (NNRV)

म उत्तर दिशालाई भन्‍नेछु, ‘तिनीहरूलाई दिइहाल्‌।’ र दक्षिण दिशालाई भन्‍नेछु, ‘तिनीहरूलाई नथुन्‌।’ मेरा छोराहरूलाई टाढ़ादेखि र मेरा छोरीहरूलाई पृथ्‍वीको पल्‍लो छेउदेखि ल्‍याओ, हरेक जो मेरो नाउँद्वारा बोलाइएको छ, जसलाई मैले मेरो महिमाको निम्‍ति सृष्‍टि गरेको छु, जसको आकार मैले नै रचें र बनाएँ।”

यशैया 43:6-7 पवित्र बाइबल, नेपाली समकालीन संस्करण (NCV)

म उत्तरलाई भन्‍नेछु, ‘तिनीहरू मलाई दिइहाल्!’ र दक्षिणलाई भन्‍नेछु, ‘तिनीहरूलाई नरोक्।’ मेरा छोराहरूलाई टाढा-टाढाबाट ल्याओ; अनि मेरा छोरीहरूलाई पृथ्वीको छेउ-छेउबाट ल्याओ; मेरो नामले बोलाइएको हरेकलाई, जसलाई मैले आफ्नो महिमाको निम्ति सृष्‍टि गरेँ, जसलाई मैले नै रचेँ।”

यशैया 43:6-7 पवित्र बाइबल (NERV)

म उत्तर दिशालाई भन्नेछु मेरा मानिसहरू मलाई देऊ! म दक्षिण दिशालाई भन्नेछु; मेरा मानिसहरूलाई बन्दी बनाएर नराख! मेरा छोरा-छोरीहरू जो टाढा-टाढा छन्, मलाई देऊ। ती सबै मानिसहरू देऊ जो मेरा हुन् मेरो नाउँ तिनीहरूसित संयुक्त छ। मैले ती मानिसहरू आफ्नोलागि सृष्टि गरें। तिनीहरूलाई सृष्टि गरें यसकारण तिनीहरू मेरा हुन्।”