यर्मिया 25:11-12

शेयर गर्नुहोस्

यर्मिया 25:11-12 नेपाली नयाँ संशोधित संस्करण (NNRV)

यो सारा देश निर्जन र उजाड़ हुनेछ, र यी जातिहरूले सत्तरी वर्षसम्‍म बेबिलोनका राजाको सेवा गर्नेछन्‌। “तर सत्तरी वर्ष पूरा भएपछि म बेबिलोनको राजा र त्‍यसका जाति, अर्थात्‌ बेबिलोनीहरूको देशलाई उनीहरूका दोषको कारण सदाको निम्‍ति उजाड़ पार्ने गरी दण्‍ड दिनेछु,” परमप्रभु भन्‍नुहुन्‍छ।

यर्मिया 25:11-12 सरल नेपाली पवित्र बाइबल (सरल नेपाली)

यो सारा देश उजाड र ध्‍वंस हुनेछ र यी जातिहरूले सत्तरी वर्षसम्‍म बेबिलोनको राजाको सेवा गर्नेछन्। त्‍यसपछि म बेबिलोन र त्‍यसका राजालाई तिनीहरूका पापको निम्‍ति दण्‍ड दिनेछु। म त्‍यस देशलाई नाश पार्नेछु र सदाकालको निम्‍ति ध्‍वस्‍त पारी छोडिराख्‍नेछु।

यर्मिया 25:11-12 पवित्र बाइबल, नेपाली समकालीन संस्करण (NCV)

यो समस्त देश उजाड र बाँझो भूमि हुनेछ; अनि यी राष्ट्रहरूले सत्तरी वर्षसम्म बेबिलोनको राजाको सेवा गर्नेछन्। “तर जब सत्तरी वर्ष पूरा हुन्छ, तब म बेबिलोनको राजा र त्यसको राज्य बेबिलोनीहरूको देशलाई तिनीहरूको अपराधको कारण दण्ड दिनेछु; अनि त्यस देशलाई सधैँका निम्ति उजाड पारिदिनेछु,” याहवेह घोषणा गर्नुहुन्छ।

यर्मिया 25:11-12 पवित्र बाइबल (NERV)

त्यो सम्पूर्ण क्षेत्र नै मरुभूमि जस्तो उजाड हुनेछ। यी सबै जातिहरूका मानिसहरूले सत्तरी बर्ष सम्म बाबेलका राजाको सेवा गर्नेछन्। “तर सत्तरी बर्ष बिती सके पछि म बाबेलका राजालाई दण्ड दिनेछु। म बाबेलका जातिहरूलाई पनि दण्ड दिने छु।” यो परमेश्वरको सन्देश हो “म बाबेलवासीहरूको भूमिलाई पनि उनीहरूको पापहरूको कारण दण्ड दिनेछु। म त्यो भूमि सदाको लागि बाँझो बनाई दिनेछु।