लूका 21:25-27
लूका 21:25-27 पवित्र बाइबल (NERV)
“सूर्य, चन्द्र र ताराहरूमा पनि आश्चर्य घट्नाहरू घट्नेछन्। अनि पृथ्वीमा सबै जाति-जातिहरू सङ्कटमा पर्नेछन्। सागरका गर्जन र उर्लेका झोक्काहरूले तिनीहरूलाई अत्तालाउनेछन्। मानिसहरू भयभित हुनेछन्। संसारमा के हुने हो भनी चिन्ताले तिनीहरू आतङ्कित हुनेछन्। आकाशको शक्तिहरू हल्लाइनेछन्। तब मानिसको पुत्रलाई शक्ति र महा महिमासँग बादल माथि आउँदै गरेको देखिनेछ।
लूका 21:25-27 सरल नेपाली पवित्र बाइबल (सरल नेपाली)
“घाम, जून र ताराहरूमा अनौठा चिन्हहरू देखिनेछन्। समुद्रका गर्जन र डरलाग्दा छालहरूले गर्दा पृथ्वीभरि सबै जातिका मानिसहरू डरले हताश हुनेछन्। पृथ्वीमा आइलाग्ने कुराहरूको डरले मानिसहरू मुर्च्छा पर्नेछन् किनभने आकाश-मण्डलका सबै शक्तिहरू डग्मगाउनेछन्। त्यसपछि मानव पुत्र बादलमा ठूलो शक्ति र महामहिमाको साथ आउँदै गरेको देखा पर्नुहुनेछ।
लूका 21:25-27 नेपाली नयाँ संशोधित संस्करण (NNRV)
“सूर्य, चन्द्र र ताराहरूमा चिन्ह देखा पर्नेछन्, र समुद्रको गर्जन र छालहरूले पृथ्वीका राष्ट्रहरू सङ्कष्टमा परी व्याकुल हुनेछन्। संसारमा हुन आउने घटनाहरूको आशङ्काले मानिसहरू मूर्च्छा पर्नेछन्, किनकि आकाशका शक्तिहरू डगमगाउनेछन्। त्यसपछि मानिसको पुत्रलाई शक्ति र महा महिमासँग बादलमा आइरहेको तिनीहरूले देख्नेछन्।
लूका 21:25-27 नेपाली समकालीन संस्करण (NCV)
“सूर्य, चन्द्रमा र ताराहरूमा चिन्हहरू देखिनेछन्; अनि पृथ्वीमा गर्जिरहेको र उर्लिरहेको समुद्रले राष्ट्रहरू सङ्कष्ट र घबराहटमा पर्नेछन्। संसारमा के आइपर्ने भन्ने आशङ्काले मानिसहरू डरले मूर्छा पर्नेछन्, किनकि आकाशका शक्तिहरू डगमगाउनेछन्। त्यस बेला तिनीहरूले मानिसका पुत्रलाई शक्ति र महा महिमासहित बादलमा आइरहेका देख्नेछन्।