This translation, published by The Bible Society of Uganda, was first published in 1964.The audio bible is recorded in 2017. If you are interested in obtaining a printed copy, please contact The Bible Society of Uganda at www.biblesociety-uganda.org.

Baibuli Erikwera 1964

<div class="version vid1434 iso6393nyn" data-vid="1434" data-iso6393="nyn">
 <div class="book bkGEN">
 <div class="chapter ch12" data-usfm="GEN.12">
 <div class="label">12</div><div class="s1">Okwetwa kwa Abrahamu</div><div class="p"> 1 # 
 Kut 15:7. MUKAMA yaagambira Abramu ati: Ruga omu nsi yaanyu, n'omu ruganda rwanyu n'omu nju ya sho, oze omu nsi ei ndikworeka; 2#Kut 17:6; 18:18; 46:3; 1 Bag 3:8. ndyakuhindura eihanga rihango; kandi ndyakuha omugisha, ndangaanise eiziina ryawe; naiwe oryahaisa abandi omugisha. 3#Kut 24:35; 26:4; 28:14; Gal 3:8. Ndyaha omugisha abarikushabira omugisha, n'orikukyeena ndyamukyeena; kandi omuriiwe enganda zoona ez'omu nsi nimwo ziriheerwa omugisha. 4Atyo Abramu yaagyenda, nk'oku MUKAMA yaamugambiire, na Looti yaagyenda nawe; kandi Abramu akaba ahikize emyaka makumi mushanju n'etaano, obu yaaruga Harani. 5#Heb 11:8. Abramu yaagyenda na Sarai omukazi we, na Looti omwana w'omurumuna, n'ebi baabaire batungire byona, n'abantu abu baatungiire Haraani; baarugayo kuza omu nsi ya Kanaani.</div><div class="p">Ku baahikire omu nsi ya Kanaani, 6Abramu yaaraba omu nsi egyo, yaahika omu mwanya ogurikwetwa Shekemu aha mwela gwa Moore. Omu bunaku obwo aba Kanaani bakaba bari omuri egyo nsi. 7#Kut 17:1; Bir 34:4; Kut 13:4. MUKAMA yaayeyoreka Abramu, yaamugira ati: Ensi egi ndyagiha oruzaaro rwawe. Aho yaayombekyeraho MUKAMA, owaamweyorekire, eitambiro. 8Yaarugayo, yaaza omu kibungo aha rubaju rw'oburugwa-izooba bwa Beseeli, emuri oburengyerwa-izooba na Ai oburugwa-izooba; okwo nayo yaayombekyerayo MUKAMA eitambiro, yaatakira eiziina rye. 9Abramu yaagumizamu, naatoora omu nsi ya Negebu.</div><div class="s1">Abramu okuza Misri</div><div class="p"> 10 # 
 Kut 26:1, 7. Bwanyima haabaho enjara omuri egyo nsi; Abramu yaashuuma Misri kushuhuukirayo; ahakuba enjara ekaba eri nyingi omu nsi egyo. 11Ku yaabaire ari haihi kuhika Misri, yaagambira omukazi we Sarai ati: Reeba nimmanya ku ori omukazi murungi orikureebwa; 12#Kut 20:5-18. kandi aba Misri ku barikureeba, baryagira bati: Ogu n'omukazi we; baanyite, haza iwe bakurekye. 13#Efe 4:25. Mbwenu ninkweshengyereza, ogume ogire oti: Ni munyaanyazi mbone kutunga omugisha ahabwawe, ndekye kufa, nkaba niiwe naazira. 14Abramu ku yaahikire Misri, aba Misri baareeba omukazi ari murungi munonga. 15Abanyiginya ba Faraho baamureeba, baamusiimira Faraho; bwanyima baamutwara omu nju ya Faraho. 16Faraho yaatwaza gye Abramu ahabwa Sarai; kandi Abramu akaba aine entaama n'ente n'enimi z'endogoya n'abahuuku n'abazaana, ebuguma z'endogoya n'engamira. 17#Zab 105:14. MUKAMA yaareetera Faraho n'eka ye ebibonaboneso bingi ahabwa Sarai muka Abramu. 18#Kut 26:10. Faraho yaatuma Abramu, yaamugira ati: Beitu shi, ontuzire ki? Ahabw'enki tongambiire ku ari omukazi waawe? 19Ongiriire ki oti: Ni munyaanazi? Naanye nikyo mmutwariire kuba omukazi wangye. Mbwenu omukazi waawe ngugwo, omutware, oyegyendere. 20Faraho nikwo kuragiira abashaija be oku baraamutwaze; batyo bakamushendekyereza n'omukazi we n'ebi yaabaire aine byona.</div>
 </div>
 </div>
</div>

The Bible in Runyankore-Rukiga © United Bible Societies, 1964

MUKAMA yaagambira Abramu ati: Ruga omu nsi yaanyu, n'omu ruganda rwanyu n'omu nju ya sho, oze omu nsi ei ndikworeka; ndyakuhindura eihanga rihango; kandi ndyakuha omugisha, ndangaanise eiziina ryawe; naiwe oryahaisa abandi omugisha. Ndyaha omugisha abarikushabira omugisha, n'orikukyeena ndyamukyeena; kandi omuriiwe enganda zoona ez'omu nsi nimwo ziriheerwa omugisha. Atyo Abramu yaagyenda, nk'oku MUKAMA yaamugambiire, na Looti yaagyenda nawe; kandi Abramu akaba ahikize emyaka makumi mushanju n'etaano, obu yaaruga Harani. Abramu yaagyenda na Sarai omukazi we, na Looti omwana w'omurumuna, n'ebi baabaire batungire byona, n'abantu abu baatungiire Haraani; baarugayo kuza omu nsi ya Kanaani.
Ku baahikire omu nsi ya Kanaani, Abramu yaaraba omu nsi egyo, yaahika omu mwanya ogurikwetwa Shekemu aha mwela gwa Moore. Omu bunaku obwo aba Kanaani bakaba bari omuri egyo nsi. MUKAMA yaayeyoreka Abramu, yaamugira ati: Ensi egi ndyagiha oruzaaro rwawe. Aho yaayombekyeraho MUKAMA, owaamweyorekire, eitambiro. Yaarugayo, yaaza omu kibungo aha rubaju rw'oburugwa-izooba bwa Beseeli, emuri oburengyerwa-izooba na Ai oburugwa-izooba; okwo nayo yaayombekyerayo MUKAMA eitambiro, yaatakira eiziina rye. Abramu yaagumizamu, naatoora omu nsi ya Negebu.

Bwanyima haabaho enjara omuri egyo nsi; Abramu yaashuuma Misri kushuhuukirayo; ahakuba enjara ekaba eri nyingi omu nsi egyo. Ku yaabaire ari haihi kuhika Misri, yaagambira omukazi we Sarai ati: Reeba nimmanya ku ori omukazi murungi orikureebwa; kandi aba Misri ku barikureeba, baryagira bati: Ogu n'omukazi we; baanyite, haza iwe bakurekye. Mbwenu ninkweshengyereza, ogume ogire oti: Ni munyaanyazi mbone kutunga omugisha ahabwawe, ndekye kufa, nkaba niiwe naazira. Abramu ku yaahikire Misri, aba Misri baareeba omukazi ari murungi munonga. Abanyiginya ba Faraho baamureeba, baamusiimira Faraho; bwanyima baamutwara omu nju ya Faraho. Faraho yaatwaza gye Abramu ahabwa Sarai; kandi Abramu akaba aine entaama n'ente n'enimi z'endogoya n'abahuuku n'abazaana, ebuguma z'endogoya n'engamira. MUKAMA yaareetera Faraho n'eka ye ebibonaboneso bingi ahabwa Sarai muka Abramu. Faraho yaatuma Abramu, yaamugira ati: Beitu shi, ontuzire ki? Ahabw'enki tongambiire ku ari omukazi waawe? Ongiriire ki oti: Ni munyaanazi? Naanye nikyo mmutwariire kuba omukazi wangye. Mbwenu omukazi waawe ngugwo, omutware, oyegyendere. Faraho nikwo kuragiira abashaija be oku baraamutwaze; batyo bakamushendekyereza n'omukazi we n'ebi yaabaire aine byona.

Luisteren Okutandika 12