If you have would like a copy of this version please contact info@davaraudiobibles.org

Tumbuka Bible

<div class="version vid1961 iso6393tum" data-vid="1961" data-iso6393="tum">
 <div class="book bkJHN">
 <div class="chapter ch10" data-usfm="JHN.10">
 <div class="label">10</div><div class="s">Ntharika ya muliska</div><div class="p"> 1 Yesu wakati, &#8220;Inya, inya nadi, nkhumunenerani, kuti yose uyo wakureka kunjira pa muryango wa chitupa cha mberere, kweni wakukwerera pa waka, ndi munkhungu, na wakukwapura. 2Kweni munthu uyo wakunjira pa muryango, ndiyo muliska wa mberere. 3Mulinda wa pa muryango nayo wakumujulira. Mberere zikupulika mazgu ghakhe ndipo wakuzichema mberere zakhe na mazina ndipo zikupulika mazgu ghakhe ndipo wakuzirongozgera kuwaro. 4Para wakuzifumya zose, iyo wakudangira panthazi, ndipo mberere zikumurondezga, chifukwa zikumanya mazgu ghakhe. 5Kweni mulendo kuti zikumurondezgapo chara, ndipo zikumuchimbira chifukwa zikumanya chara mazgu gha &#373;alendo.&#8221;</div><div class="p"> 6Yesu waka&#373;atayira ntharika iyi, kweni kuti &#373;akapulikiska chara icho wakayowoyanga kwa iwo.</div><div class="s">Yesu ndi muliska muweme</div><div class="p"> 7Ntheura Yesu wakatiso kwa iwo, Inya, inya nadi, nkhumunenerani kuti ine ndine muryango wa mberere. 8Wose awo &#373;akiza pambere ine ndindize, mbankhungu na &#373;akukwapura, kweni mberere kuti zika&#373;apulika chara. 9Ine ndine muryango. Uyo wakunjira pa ine, wati waponoskeke. Wati wanjirenge na kufuma, na kusanga uryero. 10Munkhungu wakwiza waka chara, kweni kuti wibe, wakome na kusakaza. Ine nkhiza kuti zi&#373;enge na umoyo, ndipo zi&#373;enge nawo wakuzara.</div><div class="p"> 11&#8220;Ine ndine Muliska muweme. Muliska muweme mweneuyo waku&#373;ikira pasi umoyo wakhe chifukwa cha mberere. 12Kweni uyo ngwaganyu ndipo ndi muliska chara, uyo mberere nzakhe chara, para wakuwona mphumphi yikwiza, wakuzireka mberere na kuchimbira. Ntheura mphumphi yikuzikora mberere na kuziparanya. 13Wakuchimbira chifukwa ngwaganyu, ndipo kuti wakupwererako na mberere chara. 14Ine ndine Muliska muweme. Mberere zane nkhuzimanya ndipo zane nazo zikundimanya,#Mat 11.27; Luk 10.22 15nga ndi umo &#372;adada &#373;akundimanyira ine, ndipo naneso nkhumanyira &#372;adada. Ndipo nkhu&#373;ika umoyo wane pasi chifukwa cha mberere. 16Ndili nazo mberere zinyakhe izo kuti za chitupa ichi chara. Nazo nkhwenera kuya kazitora. Zamkupulika mazgu ghane, ndipo zamku&#373;a mskambo umoza, na muliska yumoza.</div><div class="p"> 17&#8220;Pa chifukwa ichi, &#372;adada &#373;akunditemwa chifukwa nkhuwu&#373;ika pasi umoyo wane mwakuti ndiwutoreso. 18Palije na yumoza uyo wamkuwutora kwa ine, kweni nkhuwu&#373;ika pasi umoyo wane kwakuyana na khumbo lane na lane. Ndili nagho mazaza gha kuwu&#373;ika pasi umoyo wane ndiposo ndili nagho mazaza ghakuwutoreraso. Mazaza agha nkhapokera kufuma ku &#372;adada.&#8221;</div><div class="p"> 19Ntheura &#373;aYuda &#373;akaga&#373;ikana pakati chifukwa cha mazgu agha. 20&#372;anandi mwa iwo &#373;akatenge, &#8220;Munthu uyu wali na chi&#373;anda, ndipo ngwa kufuntha. Chifukwa uli mukumupulikizga?&#8221;</div><div class="p"> 21Kweni &#373;anyakhe &#373;akati, &#8220;Mazgu agha kuti ghangayowoyeka na munthu wa kukoreka na chi&#373;anda chara. Kasi chi&#373;anda chingajula maso gha munthu wachiburumutira?&#8221;</div><div class="s">&#372;aYuda &#373;amukana Yesu</div><div class="p"> 22Pa nyengo ya chiwuvi kuka&#373;a chiphikiro cha Kupatuliskira Nyumba ya Chiuta ku Yerusalemu. 23Yesu waka&#373;a mu Nyumba ya Chiuta wakendanga mu khonde ilo likuthyika khonde la Solomoni. 24&#372;aYuda &#373;akamuzingirizga ndipo &#373;akati kwa iyo, &#8220;Kasi uti urutilire kutitindika mpaka pauli? Usange ndiwe Mesiya utiphalire pakweru.&#8221;</div><div class="p"> 25Yesu waka&#373;azgora &#373;akati, &#8220;Ndangumuphalirani kale. Kweni kuti mukupulikana chara. Milimo iyo nkhuchita mu zina la &#372;adada ndiyo yikundipanikizgira ukaboni. 26Kweni imwe kuti mukupulikana chara, chifukwa muli &#373;amoza &#373;a mberere zane chara. 27Mberere zane zikupulika mazgu ghane, nkhuzimanya, ndipo zikundirondezga. 28Nkhuzipa umoyo wa muyirayira, ndipo kuti zamkufwa chara. Palije na yumoza uyo wamkuziphanga mu woko lane. 29&#372;adada awo &#373;ali kundipa ine mberere izi mbakuru kuruska wose, ndipo na yumoza wangamanya kuziphanga kufuma mu woko la &#372;adada. 30Ine na &#372;adada tili yumoza.&#8221;</div><div class="p"> 31Penepapo &#373;aYuda &#373;akatoraso mawe kuti &#373;amudine. 32Yesu waka&#373;afumba kuti, &#8220;Ndamurongorani milimo yiweme yinandi ya kufuma ku &#372;adada. Kasi mpha mlimo uli mwa iyi apo mukukhumbira kundidinira na mawe?&#8221;</div><div class="p"> 33&#372;aYuda &#373;akamuzgora &#373;akati, &#8220;Kuti tikukhumba kukudina na mawe chifukwa cha mlimo uweme chara, kweni chifukwa cha mayowoyero ghako gha kutuka Chiuta, na pa chifukwa chakuti iwe paku&#373;a munthu ukujizgora Chiuta.&#8221;#Lev 24.16</div><div class="p"> 34Yesu waka&#373;azgora kuti, &#8220;Kasi chili kulembeka chara mu malembo ghinu kuti, &#8216;Nkhati, muli &#373;achiuta?&#8217;#Mas 82.6 35Usange waka&#373;achema &#373;achiuta kwa awo mazgu gha Chiuta ghakiza &#8216;ndipo malembo ghangateta chara&#8217;, 36kasi mukuyowoya za mweneuyo &#372;adada &#373;ali kumupatula na kumutuma mu charu, &#8216;Ukutuka Chiuta,&#8217; chifukwa nkhayowoya kuti, &#8216;Ndine Mwana wa Chiuta.&#8217; 37Usange nkhureka kuchita milimo ya &#372;adada, ipo mureke kupulikana nane. 38Kweni usange nkhuyichita milimo iyi, nanga kuti mungareka kupulikana nane, pulikanani na milimo yane, mwakuti mumanye na kupulikana kuti &#372;adada &#373;ali mwa ine, ndipo ine ndili mwa &#372;adada.&#8221;</div><div class="p"> 39Sono &#373;aYuda &#373;akapenja kumukoraso, kweni wakafwanthamuka mu mawoko ghawo.</div><div class="p"> 40Yesu wakarutaso ku sirya linyakhe la mronga wa Yorodani pa malo agho Yohane wakabapatiziranga &#373;anthu pakudanga, ndipo wakakhara kwenekura.#Yoh 1.28 41&#372;anthu &#373;anandi &#373;akiza kwa iyo, &#373;akayowoya &#373;akati, &#8220;Yohane kuti wakachita chimanyikwiro cha munthondwe chara, kweni vyose ivyo wakayowoyanga na munthu uyu vika&#373;a vyakuneneska.&#8221; 42Ntheura kwenekura &#373;anthu &#373;anandi &#373;akapulikana na Yesu.</div>
 </div>
 </div>
</div>

Yesu wakati, “Inya, inya nadi, nkhumunenerani, kuti yose uyo wakureka kunjira pa muryango wa chitupa cha mberere, kweni wakukwerera pa waka, ndi munkhungu, na wakukwapura. Kweni munthu uyo wakunjira pa muryango, ndiyo muliska wa mberere. Mulinda wa pa muryango nayo wakumujulira. Mberere zikupulika mazgu ghakhe ndipo wakuzichema mberere zakhe na mazina ndipo zikupulika mazgu ghakhe ndipo wakuzirongozgera kuwaro. Para wakuzifumya zose, iyo wakudangira panthazi, ndipo mberere zikumurondezga, chifukwa zikumanya mazgu ghakhe. Kweni mulendo kuti zikumurondezgapo chara, ndipo zikumuchimbira chifukwa zikumanya chara mazgu gha ŵalendo.”
Yesu wakaŵatayira ntharika iyi, kweni kuti ŵakapulikiska chara icho wakayowoyanga kwa iwo.

Ntheura Yesu wakatiso kwa iwo, Inya, inya nadi, nkhumunenerani kuti ine ndine muryango wa mberere. Wose awo ŵakiza pambere ine ndindize, mbankhungu na ŵakukwapura, kweni mberere kuti zikaŵapulika chara. Ine ndine muryango. Uyo wakunjira pa ine, wati waponoskeke. Wati wanjirenge na kufuma, na kusanga uryero. Munkhungu wakwiza waka chara, kweni kuti wibe, wakome na kusakaza. Ine nkhiza kuti ziŵenge na umoyo, ndipo ziŵenge nawo wakuzara.
“Ine ndine Muliska muweme. Muliska muweme mweneuyo wakuŵikira pasi umoyo wakhe chifukwa cha mberere. Kweni uyo ngwaganyu ndipo ndi muliska chara, uyo mberere nzakhe chara, para wakuwona mphumphi yikwiza, wakuzireka mberere na kuchimbira. Ntheura mphumphi yikuzikora mberere na kuziparanya. Wakuchimbira chifukwa ngwaganyu, ndipo kuti wakupwererako na mberere chara. Ine ndine Muliska muweme. Mberere zane nkhuzimanya ndipo zane nazo zikundimanya, nga ndi umo Ŵadada ŵakundimanyira ine, ndipo naneso nkhumanyira Ŵadada. Ndipo nkhuŵika umoyo wane pasi chifukwa cha mberere. Ndili nazo mberere zinyakhe izo kuti za chitupa ichi chara. Nazo nkhwenera kuya kazitora. Zamkupulika mazgu ghane, ndipo zamkuŵa mskambo umoza, na muliska yumoza.
“Pa chifukwa ichi, Ŵadada ŵakunditemwa chifukwa nkhuwuŵika pasi umoyo wane mwakuti ndiwutoreso. Palije na yumoza uyo wamkuwutora kwa ine, kweni nkhuwuŵika pasi umoyo wane kwakuyana na khumbo lane na lane. Ndili nagho mazaza gha kuwuŵika pasi umoyo wane ndiposo ndili nagho mazaza ghakuwutoreraso. Mazaza agha nkhapokera kufuma ku Ŵadada.”
Ntheura ŵaYuda ŵakagaŵikana pakati chifukwa cha mazgu agha. Ŵanandi mwa iwo ŵakatenge, “Munthu uyu wali na chiŵanda, ndipo ngwa kufuntha. Chifukwa uli mukumupulikizga?”
Kweni ŵanyakhe ŵakati, “Mazgu agha kuti ghangayowoyeka na munthu wa kukoreka na chiŵanda chara. Kasi chiŵanda chingajula maso gha munthu wachiburumutira?”

Pa nyengo ya chiwuvi kukaŵa chiphikiro cha Kupatuliskira Nyumba ya Chiuta ku Yerusalemu. Yesu wakaŵa mu Nyumba ya Chiuta wakendanga mu khonde ilo likuthyika khonde la Solomoni. ŴaYuda ŵakamuzingirizga ndipo ŵakati kwa iyo, “Kasi uti urutilire kutitindika mpaka pauli? Usange ndiwe Mesiya utiphalire pakweru.”
Yesu wakaŵazgora ŵakati, “Ndangumuphalirani kale. Kweni kuti mukupulikana chara. Milimo iyo nkhuchita mu zina la Ŵadada ndiyo yikundipanikizgira ukaboni. Kweni imwe kuti mukupulikana chara, chifukwa muli ŵamoza ŵa mberere zane chara. Mberere zane zikupulika mazgu ghane, nkhuzimanya, ndipo zikundirondezga. Nkhuzipa umoyo wa muyirayira, ndipo kuti zamkufwa chara. Palije na yumoza uyo wamkuziphanga mu woko lane. Ŵadada awo ŵali kundipa ine mberere izi mbakuru kuruska wose, ndipo na yumoza wangamanya kuziphanga kufuma mu woko la Ŵadada. Ine na Ŵadada tili yumoza.”
Penepapo ŵaYuda ŵakatoraso mawe kuti ŵamudine. Yesu wakaŵafumba kuti, “Ndamurongorani milimo yiweme yinandi ya kufuma ku Ŵadada. Kasi mpha mlimo uli mwa iyi apo mukukhumbira kundidinira na mawe?”
ŴaYuda ŵakamuzgora ŵakati, “Kuti tikukhumba kukudina na mawe chifukwa cha mlimo uweme chara, kweni chifukwa cha mayowoyero ghako gha kutuka Chiuta, na pa chifukwa chakuti iwe pakuŵa munthu ukujizgora Chiuta.”
Yesu wakaŵazgora kuti, “Kasi chili kulembeka chara mu malembo ghinu kuti, ‘Nkhati, muli ŵachiuta?’ Usange wakaŵachema ŵachiuta kwa awo mazgu gha Chiuta ghakiza ‘ndipo malembo ghangateta chara’, kasi mukuyowoya za mweneuyo Ŵadada ŵali kumupatula na kumutuma mu charu, ‘Ukutuka Chiuta,’ chifukwa nkhayowoya kuti, ‘Ndine Mwana wa Chiuta.’ Usange nkhureka kuchita milimo ya Ŵadada, ipo mureke kupulikana nane. Kweni usange nkhuyichita milimo iyi, nanga kuti mungareka kupulikana nane, pulikanani na milimo yane, mwakuti mumanye na kupulikana kuti Ŵadada ŵali mwa ine, ndipo ine ndili mwa Ŵadada.”
Sono ŵaYuda ŵakapenja kumukoraso, kweni wakafwanthamuka mu mawoko ghawo.
Yesu wakarutaso ku sirya linyakhe la mronga wa Yorodani pa malo agho Yohane wakabapatiziranga ŵanthu pakudanga, ndipo wakakhara kwenekura. Ŵanthu ŵanandi ŵakiza kwa iyo, ŵakayowoya ŵakati, “Yohane kuti wakachita chimanyikwiro cha munthondwe chara, kweni vyose ivyo wakayowoyanga na munthu uyu vikaŵa vyakuneneska.” Ntheura kwenekura ŵanthu ŵanandi ŵakapulikana na Yesu.

Luister naar Yohane 10