If you have would like a copy of this version please contact info@davarpartners.org

Arabic Chadian - 2019 Edition (OT) Non Drama

<div class="version vid501 iso6393shu" data-vid="501" data-iso6393="shu">
 <div class="book bkGEN">
 <div class="chapter ch6" data-usfm="GEN.6">
 <div class="label">6</div><div class="s">Fasaalit al-insaan</div><div class="p"> 1Wakit al-naas bado yiziidu fi l-ard wa wildo leehum banaat, 2fiyah makhluugiin samaawiyiin wa humman misil al-naas. Wa chaafo banaat al-naas hinna samhaat wa azzalo minhin wa chaaloohin. 3Wa Allah gaal : &#171;Ruuhi ma tagood daayman fi l-naas achaan humman insaan. Wa fi chaan da, umurhum ma yufuut 120 sana.&#187;</div><div class="p"> 4Wa fi l-wakit daak, fiyah naas tuwaal wa chudaad fi l-ard. Wa fi wakithum, al-makhluugiin al-samaawiyiin lammo ma&#700;a banaat al-naas wa hinna wildan leehum iyaal. Wa l-iyaal dool bigo naas fahaliin wa usumhum taali&#700; fi l-zaman daak.</div><div class="p"> 5Wa Allah chaaf fasaalit al-naas bigat katiire fi l-ard wa daayman galibhum yiriid illa l-fasaala. 6Wa isyaanhum bigi leyah murr wa hu hizin le khaliigit al-insaan fi l-ard. 7Wa Allah gaal : &#171;Nuguchch min al-ard al-insaan al-ana khalagtuhum. Nuguchchuhum min al-insaan lahaddi l-bahaayim wa zawaahif al-ard wa tuyuur al-sama. Achaan bigi leyi murr ana khalagtuhum.&#187; 8Wa laakin Nooh ligi rida giddaam Allah.</div><div class="s">Allah amar Nooh yasna&#700; safiina</div><div class="p"> 9Daahu taariikh Nooh. Nooh hu raajil adiil wa saalih fi usut naas zamanah. Wa gaa&#700;id yitaabi&#700; derib al-Rabb. 10Wa Nooh wilid awlaad talaata wa humman Saam wa Haam wa Yaafas.</div><div class="p"> 11Laakin al-ard malaane be zulum giddaam al-Rabb wa unuf mala al-ard. 12Wa l-Rabb chaaf al-ard malaane be zulum wa kulla l-naas gaa&#700;idiin yisawwu al-zulum.</div><div class="p"> 13Wa khalaas, al-Rabb gaal le Nooh : &#171;Ana chilt niiye le nidammir kulla l-makhluugiin al-hayyiin achaan al-ard malaane be l-unuf. Khalaas ! Ana nakhribhum humman wa l-ard kula. 14Ya Nooh, asna&#700; leek safiina kabiire be hatab gawi al-usmah gufar. Wa sawwi fi lubbaha buyuut katiiriin wa tallisha tamaam be l-zift barra wa daakhal achaan almi ma yadkhul foogha. 15Wa daahu kikkeef tasna&#700; al-safiina di. Tuulha yukuun 300 duraa&#700; wa urdaha yukuun 50 duraa&#700; wa tuulha foog yukuun 30 duraa&#700;. 16Wa sidd raas al-safiina wa sawwi leeha chubbaak yukuun duraa&#700; tihit min raas al-safiina wa be nussaha al-aakhar sawwi leeha baab. Wa gassim al-safiina ale talaata darajaat.</div><div class="p"> 17&#171;Wa ana ninazzil al-kharag fi l-ard le nidammir kulla l-makhluugiin al-induhum nafas al-haya al-gaa&#700;idiin tihit al-sama. Wa kulla l-makhluugiin al-fi l-ard yumuutu. 18Wa laakin ana nisawwi ma&#700;aak mu&#700;aahadati. Adkhul fi l-safiina inta wa awlaadak wa martak wa awiin awlaadak. 19Wa dakhkhil ma&#700;aak itneen min kulla nafar hana l-haywaanaat, dakar wa antaay, achaan humman kulla yanjo ma&#700;aak. 20Wa yaju leek dakar wa antaay min kulla nafar hana l-tuyuur wa l-bahaayim wa zawaahif al-ard achaan humman kula yanjo ma&#700;aak. 21Wa chiil kulla cheyy al-bin&#700;akil wa dummah ma&#700;aak achaan yabga ma&#700;aach leek inta wa leehum humman.&#187;</div><div class="p"> 22Wa da l-cheyy al-Nooh sawwaah. Hu sawwa kulla cheyy misil al-Rabb amarah beyah.</div>
 </div>
 </div>
</div>

Arabe tchadien (alphabet latin) Bible © Alliance Biblique du Tchad, 2019.

Wakit al-naas bado yiziidu fi l-ard wa wildo leehum banaat, fiyah makhluugiin samaawiyiin wa humman misil al-naas. Wa chaafo banaat al-naas hinna samhaat wa azzalo minhin wa chaaloohin. Wa Allah gaal : «Ruuhi ma tagood daayman fi l-naas achaan humman insaan. Wa fi chaan da, umurhum ma yufuut 120 sana.»
Wa fi l-wakit daak, fiyah naas tuwaal wa chudaad fi l-ard. Wa fi wakithum, al-makhluugiin al-samaawiyiin lammo maʼa banaat al-naas wa hinna wildan leehum iyaal. Wa l-iyaal dool bigo naas fahaliin wa usumhum taaliʼ fi l-zaman daak.
Wa Allah chaaf fasaalit al-naas bigat katiire fi l-ard wa daayman galibhum yiriid illa l-fasaala. Wa isyaanhum bigi leyah murr wa hu hizin le khaliigit al-insaan fi l-ard. Wa Allah gaal : «Nuguchch min al-ard al-insaan al-ana khalagtuhum. Nuguchchuhum min al-insaan lahaddi l-bahaayim wa zawaahif al-ard wa tuyuur al-sama. Achaan bigi leyi murr ana khalagtuhum.» Wa laakin Nooh ligi rida giddaam Allah.

Daahu taariikh Nooh. Nooh hu raajil adiil wa saalih fi usut naas zamanah. Wa gaaʼid yitaabiʼ derib al-Rabb. Wa Nooh wilid awlaad talaata wa humman Saam wa Haam wa Yaafas.
Laakin al-ard malaane be zulum giddaam al-Rabb wa unuf mala al-ard. Wa l-Rabb chaaf al-ard malaane be zulum wa kulla l-naas gaaʼidiin yisawwu al-zulum.
Wa khalaas, al-Rabb gaal le Nooh : «Ana chilt niiye le nidammir kulla l-makhluugiin al-hayyiin achaan al-ard malaane be l-unuf. Khalaas ! Ana nakhribhum humman wa l-ard kula. Ya Nooh, asnaʼ leek safiina kabiire be hatab gawi al-usmah gufar. Wa sawwi fi lubbaha buyuut katiiriin wa tallisha tamaam be l-zift barra wa daakhal achaan almi ma yadkhul foogha. Wa daahu kikkeef tasnaʼ al-safiina di. Tuulha yukuun 300 duraaʼ wa urdaha yukuun 50 duraaʼ wa tuulha foog yukuun 30 duraaʼ. Wa sidd raas al-safiina wa sawwi leeha chubbaak yukuun duraaʼ tihit min raas al-safiina wa be nussaha al-aakhar sawwi leeha baab. Wa gassim al-safiina ale talaata darajaat.
«Wa ana ninazzil al-kharag fi l-ard le nidammir kulla l-makhluugiin al-induhum nafas al-haya al-gaaʼidiin tihit al-sama. Wa kulla l-makhluugiin al-fi l-ard yumuutu. Wa laakin ana nisawwi maʼaak muʼaahadati. Adkhul fi l-safiina inta wa awlaadak wa martak wa awiin awlaadak. Wa dakhkhil maʼaak itneen min kulla nafar hana l-haywaanaat, dakar wa antaay, achaan humman kulla yanjo maʼaak. Wa yaju leek dakar wa antaay min kulla nafar hana l-tuyuur wa l-bahaayim wa zawaahif al-ard achaan humman kula yanjo maʼaak. Wa chiil kulla cheyy al-binʼakil wa dummah maʼaak achaan yabga maʼaach leek inta wa leehum humman.»
Wa da l-cheyy al-Nooh sawwaah. Hu sawwa kulla cheyy misil al-Rabb amarah beyah.

Luisteren Takwiin 6