Uripiv-Wala-Rano-Atchin: Uripiv New Testament New Testament only

Naul On Nga Mimerr Uripiv

<div class="version vid525 iso6393upv" data-vid="525" data-iso6393="upv">
 <div class="book bkMAT">
 <div class="chapter ch3" data-usfm="MAT.3">
 <div class="label">3</div><div class="s">Jon Baptaes ewerwer renge lolo merwer</div><div class="p"> 1Mian mian ko vitunen Jon Baptaes evini ewerwer re lolo merwer ne Jutia, owra 2&#8220;Nolo kami pulululwi, suri otomori le pa batun vanu ne melrin p&#771;irrmali.&#8221; 3Suri Jon evi m&#771;er nga Atua m&#771;ijilwer suri renge nale ngel nga propet Aesea muli tuwi pa, muwra &#8220;Jinibb le san ekail renge lolo merwer, owra &#8216;Kaploli lilane sel se Numal puto metmet terai. Kaploli mesekle sel sen nir parmetet p&#771;irres.&#8217;</div><div class="p"> 4Jon sunsun sen erpe propet Elaeja tuwi. Ori nevlu kamel, ko netatuw sen arloli nevlu buluk e. Ko re devjen nga re nanen sen e, elai nato nga mok-rowrow re m&#246;sm&#246;s ko narrlu sukabak nga m&#771;ierri orivi nanen sen.#narrlu sukabak nga m&#771;ierri: eg blong sugabag; honey. 5Ko nir jijle ne Jerusalem ko ne Jutia ko rrale nuwi seser ne Jortan arivel ko arini jin. 6Arini jin, ko daron nga marwera tweni nololien ser, ko Jon epaptaes nir renge nuwi seser ne Jortan.</div><div class="p"> 7Ko daron nga m&#771;ilesi Parasi ko Satusi, nga marivi jinibb nga marlelep re m&#771;eri Isrel nir, ko Jon owrai tevir: &#8220;Kamivi jinibb nga kamsij O! Kamirpe metka ne num&#771;et. Ko weta, kami kamrongwos kapwolu asi ko renge lolaren se Atua nga pia-vini? 8Poro nolo kami pulululwi, rrek erres kapviseni wenen nen. 9Sete kapwerwerai tevi kami: &#8216;Epram evi metka se kerr, ko ngok rramivi pa jinibb se Atua ko.&#8217; Nu nuwrai tevi kami: Atua orongwos p&#771;ilai nev&#246;t nawon ngel nir ko p&#771;irienir parivi metka se Epram. 10Lelingen ngel artori batu deli oto metmet nga parta ototvi lap&#771;e nai nir; ko nai jijle nga marsij, sete wener marres mun, parta twenir parwirr nir van renge nabb nga m&#771;in. 11Nu nupaptaes nuwi e kami, kami nga nolo kami mulululwi. Ko san nga pivivitu suri inu, ni ean wor mare renge inu. Inu sete nurres rragrrag nuvter re b&#771;esai but sen nga m&#771;irae. Ni pia-paptaese kami re Nem&#771;in On ko nabb. 12Ni otori nai juljule san renge nevren nga pujlujle wene wit e nir, ko dokolvir parwirr lingi jelangir; ko p&#771;iser kortoni jelangir p&#771;ilngir renge b&#771;ep&#771;eim sen, ko pusli dokolvir renge nabb nga sete san orongwose pivsi pini.&#8221;</div><div class="s">Jon epaptaese Iesu</div><div class="p"> 13Vitunen Iesu evel re Galili vini re nuwi seser ne Jortan, pian ji Jon p&#771;ipaptaese ni. 14Ko Jon owra p&#771;iwer ore ni, owra &#8220;Erpese nik kuvini jik nga inu b&#771;epaptaese nik? Erres ma poro nik kuppaptaese inu.&#8221; 15Ko Iesu erij weli, owra tevi ni: &#8220;Puto pirpok ko wor, nga rroporloli nanu jijle nga Atua mimrreni parpelari.&#8221; Ko ni epaptaese ni vajin.</div><div class="p"> 16Ko Iesu daron nga m&#771;ipaptaes jile, evel lingi nuwi evesane, ko elesi melrin etp&#771;ir; ko elesi Nem&#771;in se Atua ojubbul erpe wum&#771;er, ko evini esilvi ni. 17Ko drrelan san eplari re melrin, owra &#8220;Morok evi natuk nga memrreni, nurnge erres elep suri ni.&#8221;</div>
 </div>
 </div>
</div>

Mian mian ko vitunen Jon Baptaes evini ewerwer re lolo merwer ne Jutia, owra “Nolo kami pulululwi, suri otomori le pa batun vanu ne melrin p̃irrmali.” Suri Jon evi m̃er nga Atua m̃ijilwer suri renge nale ngel nga propet Aesea muli tuwi pa, muwra “Jinibb le san ekail renge lolo merwer, owra ‘Kaploli lilane sel se Numal puto metmet terai. Kaploli mesekle sel sen nir parmetet p̃irres.’
Jon sunsun sen erpe propet Elaeja tuwi. Ori nevlu kamel, ko netatuw sen arloli nevlu buluk e. Ko re devjen nga re nanen sen e, elai nato nga mok-rowrow re mösmös ko narrlu sukabak nga m̃ierri orivi nanen sen. Ko nir jijle ne Jerusalem ko ne Jutia ko rrale nuwi seser ne Jortan arivel ko arini jin. Arini jin, ko daron nga marwera tweni nololien ser, ko Jon epaptaes nir renge nuwi seser ne Jortan.
Ko daron nga m̃ilesi Parasi ko Satusi, nga marivi jinibb nga marlelep re m̃eri Isrel nir, ko Jon owrai tevir: “Kamivi jinibb nga kamsij O! Kamirpe metka ne num̃et. Ko weta, kami kamrongwos kapwolu asi ko renge lolaren se Atua nga pia-vini? Poro nolo kami pulululwi, rrek erres kapviseni wenen nen. Sete kapwerwerai tevi kami: ‘Epram evi metka se kerr, ko ngok rramivi pa jinibb se Atua ko.’ Nu nuwrai tevi kami: Atua orongwos p̃ilai nevöt nawon ngel nir ko p̃irienir parivi metka se Epram. Lelingen ngel artori batu deli oto metmet nga parta ototvi lap̃e nai nir; ko nai jijle nga marsij, sete wener marres mun, parta twenir parwirr nir van renge nabb nga m̃in. Nu nupaptaes nuwi e kami, kami nga nolo kami mulululwi. Ko san nga pivivitu suri inu, ni ean wor mare renge inu. Inu sete nurres rragrrag nuvter re b̃esai but sen nga m̃irae. Ni pia-paptaese kami re Nem̃in On ko nabb. Ni otori nai juljule san renge nevren nga pujlujle wene wit e nir, ko dokolvir parwirr lingi jelangir; ko p̃iser kortoni jelangir p̃ilngir renge b̃ep̃eim sen, ko pusli dokolvir renge nabb nga sete san orongwose pivsi pini.”

Vitunen Iesu evel re Galili vini re nuwi seser ne Jortan, pian ji Jon p̃ipaptaese ni. Ko Jon owra p̃iwer ore ni, owra “Erpese nik kuvini jik nga inu b̃epaptaese nik? Erres ma poro nik kuppaptaese inu.” Ko Iesu erij weli, owra tevi ni: “Puto pirpok ko wor, nga rroporloli nanu jijle nga Atua mimrreni parpelari.” Ko ni epaptaese ni vajin.
Ko Iesu daron nga m̃ipaptaes jile, evel lingi nuwi evesane, ko elesi melrin etp̃ir; ko elesi Nem̃in se Atua ojubbul erpe wum̃er, ko evini esilvi ni. Ko drrelan san eplari re melrin, owra “Morok evi natuk nga memrreni, nurnge erres elep suri ni.”

Luisteren Matiu 3