Populaire Bijbelverzen uit Matiunu 6

Deel

Ietaini ogoini ane ane nesia da doberegou ufote nono Godinu kobere yawoe anasu orofa doberegou uforo yanu ietaini ane ane nesia yaba mafisu.

Ibago waidumu ane ufisu eno da imuforo wei. Waidumu i ueta sineta ido fafisuna ido imufoita. Kowa demurainu ueta sineta i kowaro torowa imuegou ufoita, Yesuma eno wei.

Enoba yaba watane, yanu ibetaini ofeba da imuforo! Yanu wiroeta ietabairoma da wirofeisi. Yanu ofena i baruetama da ma wirofisu. Iba ietaini barueta torowa woroworo da imuawe.

Yana guriguri utedana yanu su koruro aniawete kasimu garari uawete yanu urero Yamamabai kiwuma guriguri uawe. Eno ufoitana yanu Yamamama yanu kiwuma ueta erasuba ya ma kobererau ufisu.

Guriguri utedana eno wiawe, yanu urero ibinu Baba, Anu ifu kakarawereba Aba ititi kakara utaisi. Anu yawotasu kowa fafie waisi. Anu ununa ua, urero utasuba nasiniro enanari ua.

Awonana yanu ainewaure matebasu ieta mai.

Yanu naiyemutunu ba me ueta yaba utaita, ina mune aika odaisi enanari yanu ba me ueta mune aika odia.

I siosa ue ereta ibaiabai yabai da woure arate i siosabairoma ya woure eta ania.

Yana emenu ba me ueta mune aika odifoitana yanu urero ibinu Yamamama yanu ba me ueta mune aika odifisu.

I gasira imue eawe. I gasirama ana tai waitawa ana tai fira utawa, emabai ietata oeta su mero nono yanu urero ibinu Babama emaba ieta matasu. Godima ema imuteda nono yabana derawere imuegou utasu.

Ibaiabai derawere ewa sakairo deiro deiro da odiawe. Ewaro jirikoini towima ina itaitaro waira ueta uwarama ibaiabai waira utaitaba yanu nauetaini Godibai gaukara ueta ina urero ibaiabai ari iba nauegou uteda ibaiabai ewa sakairo deiro deiro da odiawe. Yanu ibaiabai aboro ibasuna yanu nenoini iro ibasu.

Mui gaukara amarama dera amara sadeinu gaukara da ufisu. Eno ufisuna mui dera amara ma yaru uteda nono mui dera amara ma ibo ufisu. I dera amara demurainu gaukara uegou uteda nono i mui amaranu gaukara me sara ufisu. Enoba Godinu gaukara uteda gugua gubarini Godini nesia da ma demurai ufote gaukara da ufoita wei.

Nono Godima i koe awona ma werei werei ue odasuna nono waidumu i koe inama yafitaita. Godima eno utasuna nono ya kikiratu naueta uwaraini yaba wadia matasude wei.

Yanu ununa ibaiabai me uwaraba ane mafoitana kiwuma maforo emema da efitaita. Ido kiwuma uforo yanu Yamamama i kiwu ueta erasuba ya ma kobererau ufisu Yesuma wei.

Yanu ununa emema yanu ueta sineta efitate yanu ifu we ma derawere ufitae iba da uforo. Emema efitate yanu ifu we ma derawere ufitae ufoitana ina yanu moko muneta nono yanu urero ibinu Babama yaba kobererau me maeta moko da mafisu.

Yana Godibai guriguri ufoe uteda ieta itawa utaitana yanu ibo nawata aika maika da uawe. I meoma weta uwarama Godibai guriguri ufitae uteda ieta itawa utaitana odakoko taraita. Eno da uawe. I uwarama eno utaitaba ina emanu moko muneta. Godibai guriguri ufoe uteda ieta da ifoitana yanu kofirini ibo nawata uroawero emema yanu ieta itawa ueta da efitaro yanu urero ibinu Yamama i yanu kiwuma ueta erasuba yaba kobererau maeta moko mafisu Yesuma wei.