Populaire Bijbelverzen uit Jon 10

Deel

Iy ndramak ta bahana, iy winiyan bame laleyah bwe, iy eme badeh, ta bahana iri sipsip ma ta adai iri marakon amak au. Jo eme dah badeh, ta edeu koha iri udu luluwen. Ma koha iri winiyan bapwe bwe, idah kameh udu luluwen labai.

“Jo le badeh, jo ndramak mwasin handru ta atondrok iri sipsip. Iy ndramak mwasin ta atondrok sipsip badeh, iy winiyan banoh ta imek ta iri sipsip tan bwe.

Iri sipsip tek anuhun ma iri tanan bohok. Jo tanan iri, ma iri adek an hamon tek.

Jo atehei kohak handru ili tiri, ma iri kameh winiyan bamak bwe, ma ari ndramak winiyan baruwi iri ado minek bala len bwe.

Jo le, jo madasan handru, are lau iy anya keme bolon loboho madasan jo udu aliy, iy kameh winiyan bamak bwe. Iy kameh winiyan edek ili bolon, ano iy eme manan ja, ta asilah nan bwidiu nyorowan badu kapa gwa.

“Jo ndramak ari mwasin labai ta atondrok iri sipsip, jo tanan iri sipsip tek amwenen, ma iri sipsip tek amwenen tanan jo.

Tama amwenen, iy ndratehei iri ndrame tek, iy udu bwele-en labai tiri lakou marakon, ma ari ndramak winiyan baruwi iri ado mine tama ame len bwe. Jo hawe tama, aru ari le.”

I buku tama, iy tanan jo ma jo ale tanan iy, ma jo winiyan banoh ta imek ta iri sipsip tek bwe.

Ari ndramak winiyan bandrei kohak ba-au bwe. Na tanan ma budon tek le amwenen jo edeu kohak iu. Boto-on ta adeu ma boto-on ta akohok eme hamon badeh, tek amwenen. Sahou batanau dah jo akohok badu mine tama amwenen.”

Jises eme asehek sahou san rasan ja, “Jo tiye taha handru, jo madasan handru tiri sipsip.

Iy ndramak ibo gok ta akohok ndramas le, iy ndramak doh iy ta atondrok iri sipsip bwe, ma iri sipsip doh, tan bwe. Buku iy anyolom mwi badu lokei sakaliye eme ta aimon iri sipsip, iy kameh inoh, ma iy ruwani iri sipsip areu, iy kameh atobwak iu. Mwi eme ini iri, ma iri kameh atalan laleyah.

Jises tiye ja i buku doh, “Jo tiye taha handru, are lau iy badek madasan ta kowah tiri sipsip bwe, iy inyek o iy apou ja san kabede kowah, idoh iy ndramak ta bahana.