Populaire Bijbelverzen uit Mata 7

Deel

«Ìì dìì nyɛɛ̀mbə̀ ní, bít bə̀ dá ii kíìn piinàá. Ìì dìì saànmbə̀ ní, íí dákíìn bɔbàá. Ìì dìì waàl tɔɔ̀mbə̀ ní, bə̀ dá ii kíìn keràá.

Kàandə, nɛ́ŋə̀ aa dìì nyɛɛ̀mbə̀ rə gə́ kóólé, bə̀ piiù kúnú. Màn aa dìì saànmbə̀ rə kɔ̀, bɔ̀b kúnú, bít màn aa dìì waàl tɔɔ̀mbə̀ rə kɔ̀, bə̀ kèrə̀ waàl kúnú.

«Kə̀ aakíin də, kóó nɛ́ɛ̀réè, kìì nwɔŋ bəraa mə́ gám yée yàá, bít ləə bə̀ì gə́, lúŋ tə́ nɛ́ŋə̀ in bə̀ gabm̀ aa wə̀' wúl oò bəŋ yílə́ roó.

«In aa íí í' nɛ́b bəd boò mà' ii rə gə́ kóólé, aí kɔ̀ ìì mà' bə̀ kɔ̀. Aarə, in aa Musa indaŋ̀mbə̀ bàà roó, bít nwɔŋ bəraa Vɛnɛ́b gám kə̀ gbantumsə̀ oò bəd gú' roó.»

Zá waàl aa tə́ bo'kè rə gə́, kpaŋ̀ gbò'kèá, àà sáá nɛ́ŋə̀ gɔ̀ŋsə́ aa bɛ́d bə gá rə rú, bít nɛ́b aa ìì bàg kpaŋ̀ aarə, bə̀ ká' gbàákù sé.»

«Ìì pìì waàl bo'kè rú. Waàl aa àà sáá nɛ́ŋə̀ laarú rə gə́, tə́ yádkeá. Nɛ́b zùúm bəd pìì bə̀ sáá sə̀n waàl aarə rú.

Íí nɛ́b in vaksə́ bə̀ ma'ǹ bəd máá, íí gàbì yɛb íí bəd insɔ̀ɔ̀nkè bəd piìnmbìá. Ééleè Báá bə́n aa lɛgə́ paà rə, pii taà nɛ́b bəraa nyɛ̀mə̀ in də, insɔ̀ɔ̀nkè bəd gá gú? Vɛ́nà, dákíìn piinàá.

Yéésù tə́ diìn nɛ́b bəd in sáànmbə̀ ní: «Ìì fág nɛ́b bəd sí, bɔ̀b aí kɔ̀ Vɛnɛ́b oò fági sí. Kàandə, Vɛnɛ́b dá ii fágǹ nɛɛ̀n aa íí fág nɛ́b bəd dú rə rú, bít nwɔŋ bəraa íí fág kə̀ nɛ́b bəd də, Vɛnɛ́b kɔ̀ dá ii fágǹ kə̀ kùrú.

Zá kóó nɛ́ɛ̀réè, kìì nwɔŋ bəraa mə́ bàà yée yàá, bít ləə síngə́, lúŋ tə́ nɛ́ŋə̀ nə́ŋ̀ kèéd aa ɛ̀m dá wə̀' wúl oò kàaní, nyìŋsə́ rú roó.

Kə̀ níìbə̀ ḿ bé' taà saal wàà ɔ̀dnə́ŋ̀ ń núùrú, bít ḿ bé' taà téé aa ám núùrú rə gá gú? Ééleè, ń dá taà ɔ̀dnə́ŋ̀ ń báàn baànmbə̀: ‹Ǹ dàà mə́, máà pà' vú' n saal wàà tə́ núùrú›, ám kɔ̀ ń tə́ kə̀ téé wàà ám núùrú gú?

«Ìì gú' yíl aí bə̀ kə̀ Vɛnɛ́b gbantumsə̀ gúsuúm bə̀ bərá. Bə̀ tóò yaànà aí səǹ gə́, bə̀ lúŋ bɛ̀rə̀ bərá, zá boò tɛ́mú gə́, ìì gbàál lɛ̀gsɛ́rə̀ bərá. Íí dá nɛ́b aarə gabm̀ kə̀ tù' boò bəraa ìì tə́ ma'ǹ doó. Insɔ̀ɔ̀nkè vúg nɛ́b vaksə́ bəd naà gá. Ku' nyìì lɛ̀b nwɔ̀dǹ gá, bít gəəku' kɔ̀, lɛ̀b gààm wàà gá.

Kə̀ aarə kíin, téé nyìì sɔ̀ɔ̀n, lɛ̀b sáá téé yɛb sɔ̀ɔ̀ná; téé nyìì vaksə́ kɔ̀, lɛ̀b sáá téé yɛb vaksá.

Téé nyìì sɔ̀ɔ̀n bán wàà vaksə́ lɛbm̀bə̀ gá, bít téé nyìì vaksə́ kɔ̀, bán téé yɛb sɔ̀ɔ̀n lɛbm̀bə̀ gá.

Téé nyìì aa lɛ̀b téé yɛb sɔ̀ɔ̀n síndə, dùb bə̀ dáù kíìn vəràá, bít bə̀ dáù lɛ́'ǹ laarú.