Populaire Bijbelverzen uit Mateu 2

Deel

Ka manua inui, e tevanana ayona Mari nui idueyei, e aei ivi‑tupa‑gumi tevanana wayahina, e iaiwaodu wayahina. Ka yai pai vi‑ai iwaei, e am‑venena‑kavovo patana ani‑vainena ivitua‑neiei, iomanei, e tevanina venei, aina goula V , ka pai mau ahiahina ana wava libanosi V , ka kadu aitam pai mau ahiahina ana wava muro V .

Tutana Iesu tupua meagai Betelehem nihenina, Kini V Erodi papani Iudea veimeyei. Ka tuta‑nana wayahina tau nua‑uya tupwai yai papani ponimanea ini‑tawanei iomo meagai Ierusalem wayahina, e taui me Ierusalem ivi‑tanatanaiei, ivona, “Itomi me Iudea yami kini V vovouna aveta? Anamanei avaha tupua, iuna tauna a wadima vin'‑omo adueyei papani ponimanea. Wayahina, aomo ana‑iwaodu wayahina.”

Ka wadima‑nana wayahina tau nua‑uya‑naia idewa‑haiawa ani‑vainena.

Ka munia, avea Yaubada tau nua‑uya‑naia mataedai eha Erodi wayahina imavina. Wayahina, imini, ka mani etawana wayahina imavina yai papani wayahina. Ka avaha tau nua‑uya‑naia ini‑tawanei, akanai aitam anelose Kauvea wayahina avea Iosepa wayahina vin'‑omo, e mataedei ivona, “Emini, ka tevana ayona nui etaini enovoei papani Egipita wayahina, e tenoke umamaei a itoava amataedam baina umavina wayahina. Yami novo taina nau‑wawanimi, iuna mosikuna Erodi tevana taina nenei na‑nau‑vi‑anigi.”