Populaire Bijbelverzen uit Yone 19

Deel

Amala hamosebegi, Yesuea wani ödä amo nalahilä sähalea, Hä, hamosa maadei amola säla, ïe busa fuäia idogola ïe namolö amo fisila, hame hä, mosaloi.

Hobeala, Yesuea hamoi hahamola misi amo hä, walio hamosa maadei gabula helësëlahilä, Ne ödä molö gabula säi. Ado säla negei dibe amo gadola gausiala digamäiaïe amala säi.

Yesuea, ïe emele, ïe bëgëla aulo amoligi ea boba hamolo amole ga madefalï neebe amo bealahilä, emema sähalea, Neme-e, dïe malöda egowemelëla säi. Amase, bëgëla aulo amomage sähalea, Dïe diemeda egowemelëla säi. Amalebe, bëgëla aulo amea amo gala säia amila e sigi awäla ea mosöa sigi nelo.

Amalahilä, ilia Yesu dibea maala beahamelebe, eda hä, hame doala asi dibe amo bealahilä, ïe emo giwi made dagabola, afädëa Yesuïe afawa gögë gäwi amole healele ödäle besigai.

Godeïe ado säla negesalea, ïe giwi afädë made dagabomolömelëla säla negei amo gadola gausiala digamäiaïe amala hamoi. Amase, ado elö säla negei dibe amoda gowe. Dolö gögë gäwi amoda ilia bimolömelëla säla negei amo gausiala digamäiaïe amai.

Ea hïle i fügäi amo hï gaulahilä, gaamu amo dïgïla sege ëi Busa Giwi Segela sälo dibea ami asi. Hibulu adoea sege amoda Gologodala sälo.

ami dolö amolia ëfë äyo gägäi gadoia gini busa gadoi nasigïla amalela ïe busagia salugasilahilä, fagulo bëi didiga salugalo afädëge salugasi.