Populaire Bijbelverzen uit Mathayo 24

Deel

Ku nhiɛr de juaac abi ya liɛr ne kut bi karac kut. Ku ran ye kɔɔc agut kol ciɛn, yeneka bi luɔk.

Ku keewelpiɛth ke ceŋke aabi lɛk piny nom ebɛn, bi juɔɔr ebɛn bi nyuɔɔth; ku jɔl kol ciɛn bɛn.

Ku we bi tɔɔŋ ya piŋ, ku thook ke tɔɔŋ; ŋɛmka roth kɛlke we bi nhiim ya liap; keekake aabi bɛn dhiil; ku kol ciɛn aŋoot.

Jure ke jure abi ɣeet, ku ceŋ ke ceŋ: ku kabi naŋ pawɛɛr ku aluɛkluɛk tɛɛn ku tɛɛn. Ku keekake kedhia aaye gɔc de dhieu.

Pan nhial ku piny aabi nyaai, ku welcie aaci bi nyaai.

Juaac abi bɛn ne rincie, ku ye jam, Ye ɣan ye Kritho; ku bi juaac ya yiɛc wei.

Ku kaabi we ya yiɛn dhieu, ku yiki we nɔk bak thou: ku we bi ya maan ne juɔɔr ebɛn ne rincie. Ku juaac abi ya kɔth, ku yiki roth gam, ku yiki roth maan. Ku nebii juec ke adhuɔɔm aabi ya tuɔl, ku yiki juaac yiɛc wei.

Go Yecu dhuk yook keek, Ye ŋɛmka roth kɛlke raan bi we yiɛc wei.

Yen yaka roth juiir eya; Wen de raan abi bɛn ne thaa kuɔcke.

Yen yaka tiit: we kuc kol bi Bɛnyduɔn bɛn.

Acin ran toŋ nyic yekole ku thaa, acin malaikai ke pan nhial, ku acin Wa, ee Awa yetok.

Krithoi ke adhuɔɔm ku nebii ke adhuɔɔm aabi tuɔl, ku kaabi cit dit ku kagɛiyeke nyuɔɔth; bik kɔc yiɛc wei, aɣet kɔc cike lɔc.

Caŋ de akol ke Noa, yeneka bi ya cɔɔk de bɛn de Wen de raan. Ɣɔn ŋot aboor wei aake ye cam, ku dekki, ku thiekki, ku mɛk nyiirken, agut kol leere Noa ne rian ditic, ku kucki, agut te biiye piau nyiɛɛi ke; yeneka bi ya caŋ de bɛn de Wen de raan.