Populaire Bijbelverzen uit MATTHAI 6

Deel

Cucaah Pathian pennâk le a dinnâk kha kawl hmasa u law, cu thil vialte cu chapchih nan si ko lai.

Cucaah thaizing caah lungretheiin ruat hlah u, zeitintiah thaizing nih amah kong cu tuaktan te ko seh. Nikhat ca i nikhat lungretheih hi a za ko.

“Cucaah nan nunnâk ca i nan ei nan dinmi kongah siseh, nan pum nih â hrukmi hnipuan kongah siseh lungrethei in um hlah u. Rawl nâkin nunnâk a biapi deuh lo maw? Hnipuan nâkin pum zong a biapi deuh lo maw?.

Nang tu cu, thla na cam tikah, na innkhân chungah lut, na innkâ khar law, a thli tein an hmutu na Pa sinah thla va cam. Cuticun a thli tein an hmutu na Pa nih langhngan in ṭuanman an pêk lai.

Cucaah nannih cu hitihin thla cam u; Vancung khua i a ummi kan Pa, na min thianghlim seh. Na pennâk phân ko seh, van i na duhnâk an tuah bangin vulei zongah tuah si ve seh.

Nifatin kan rawl cu nihin zongah kan pe.

Lei a kan battu kan ngaihthiam hna bangin, kan leiba kha kan ngaithiam ve ko.

Tukforhnâk chungah kan hruai hlah, sihmanhsehlaw mi ṭhalopa chungin kan khamh. Zeitintiah pennâk le, ṭhawnnâk le sunparnâk kha zungzal in nata an si. Amen.

“Mi sualnâk kha nan ngaihthiam hna ahcun vanlei nan Pa zong nih an ngaihthiam ve hna lai.

Van i a zuangmi vate khi zoh hna hmanh u, thlaici an tuh lo i an zûn bal lo, rawlrûk chungah an khumh bal lo. Asinain van i nan Pa nih a cawm ko hna. Cu hna nâkin nannih cu nan sunglawi deuh lo maw?

“Lei i rungrul le cirik nih an ei khawh i mifir nih an bauh i an fir khawhnâk ah hin nan ro va khong hlah u; asinain rungrul le cirik nih an hrawh khawh lonâk le, mifir nih an bauh i an fir khawh lonâk van ah nan ro kha va khong deuh u. Zeitintiah nan ro a umnâk pauh ah, nan lungthin zong a um ve lai.

“Ahohmanh nih hotu pahnih rian an kemh kho lai lo; pakhat a huat lai i pakhat a dawt lai, asilo le pakhat a conglomh lai i pakhat a zomhtaih lai. Pathian le phaisa rian cu nan kemh kho lai lo.

Cuticun nihin ah a nung i a rauh hlan i mei i tih awk a simi ramkung hmanh Pathian nih cu tlukin a thomh ahcun, nannih zumhnâk a tlawmmi hna, tam chin chinin an thuam hna hnga lo maw?

Nang nih cun thil na ṭhenh tikah, na orhlei kut nih a ṭhenhmi kha na kehlei kut theihter hlah. Na pêkmi thil kha a thli tein pêkmi a si khawh nâkhnga; cuticun a thli tein an hmutu na Pa nih langhngan in ṭuanman an pêk te lai.

Thil nan ṭhenhmi kha minung mithmuh lawngah ṭhen lo dingin i ralring u; culoahcun van i nan Pa sinin ṭuanman nan hmu lai lo.

“Cuhleiah, rawl nan ulh tikah, mi depde hna bantukin hmaichia in um hlah u. Zeitintiah annih nih rawl an ulh kha mi nih kan hngal hna seh tiah hmai chia ṭiamṭuam in an um tawn. Biataktein kan chimh hna, an ṭuanman an hmuh cang. Nang tu cu, rawl na ulh tikah, sathau i thuh law na hmai i phiah, a thli tein an hmutu na Pa mit dah tilo minung hna hmuh awkah rawl na ulhmi langhter hlah; cun a thli tein an hmutu na Pa nih langhngan in ṭuanman an pêk te lai.