Populaire Bijbelverzen uit JUAN 13

Deel

Ya kaꞌbeyex te achꞌ mantal to: Te kꞌux me xꞌawaꞌi abaik ta juju-tule, jich te tutꞌil kꞌux a kaꞌiyexe, jich me kꞌux ya awaꞌi abaik ta juju-tul te jaꞌexe. Teme kꞌux ya awaꞌi abaik ta juju-tule, spisil genteetik ya me snaꞌik te jnopojelex kuꞌune —xchi te Jesuse.

Jaꞌ yuꞌun ya skꞌan ya apokbeya aba awokik jich tutꞌil te la jpokbeyex awokik te joꞌon te maestroon awuꞌunike sok te Ajwalilon awuꞌunike. Te joꞌone la kaꞌbeyex awilik jun ejemplo yuꞌun jich me ya apasik te tut la jpas la awilike.

Te Jesuse la sjakꞌbe: —Te ora to ma xꞌanaꞌbe sluwaril te tut ya jpase, pero ta patil ya anaꞌbe sluwaril —xchi.

Jamal ya kalbeyex: Ni jtuluk aj-aꞌtelil te mas kꞌaxem yuꞌun te yajwale. Sok ni jtuluk te machꞌa tikonbil te jaꞌ mas kꞌaxem ta stojol te machꞌa tikonbil tal yuꞌune.

Teme kꞌot ta awoꞌtanike, sok teme jich ya apasike, ben me tsaꞌam alekilik.

Te pukuje ochemix ta yoꞌtan a te Judas, te xnichꞌan te Simon Iscariote, te snopoj ya yakꞌ entregal te Jesuse. Te Jesuse snaꞌoj te talem ta stojol Dios sok te ya sujtix bael ta stojol Diose, y snaꞌoj ta yoꞌtan te aꞌbilix tulan yaꞌtel yuꞌun te sTate. Jaꞌ yuꞌun te yipalik to ta weꞌel ta mexae, tejkꞌa jajchel, la slokꞌes te xkamixe y la xchuk ta xchꞌujt te jun toayae. Te nax a la skꞌeb jaꞌ ta jun basija y lijk spokbe yok te jnopojeletik yuꞌune, y la stakutesbe ta toaya te chukul ta xchꞌujte.