Populaire Bijbelverzen uit LUCAS 10

Deel

Joꞌon kakꞌojbeyex apoderik te ya xjuꞌ xbeenex ta sba te chanetike sok te tseketike, sok yuꞌun ya xjuꞌ awuꞌunik stsalel spisil yip te akontraike. Jich maꞌyuk tut ya xjuꞌ yuꞌun spasbeyex.

Jakꞌbot yuꞌun te Jesuse: —xMarta, bayal te tut baem ta awoꞌtan spasele. Ma me awakꞌ yajtal awoꞌtan yuꞌun. Pero jun nax te tut puersa ya skꞌane. Te xMariae la stꞌujix te tut a te leke. Maꞌyuk machꞌa ya xjuꞌ ya xpojbot yuꞌun —xchi.

Te maestro yuꞌun te mantaliletike la sjakꞌ: —Jich tsꞌbabil: “Kꞌux me xꞌawaꞌi ta awoꞌtan te Kajwaltik Diose sok spisil awoꞌtan sok spisil akuxlejal sok spisil apuersa, sok spisil apꞌijil. Sok kꞌux me xꞌawaꞌi te ajoy ta genteile, jich tutꞌil te kꞌux ya awaꞌi aba atukele”, xchi me —xchi.

Jich a yaltalanbe: —Bayal te kꞌajoje. Yan te jꞌaꞌteletike maꞌyuk bayal. Jaꞌ yuꞌun, kꞌambeyaik te yajwal kꞌajoje te yauk stikon jꞌaꞌteletik ta kꞌajoje.

¿Machꞌa ya awaꞌi a ta yoxebalik te sjoy sba ta genteil a kꞌot sok te winik te taot yuꞌun te jꞌelekꞌetike? —xchi te Jesuse. Te maestro yuꞌun te mantaliletike la sjakꞌ: —Jaꞌ te machꞌa la skꞌuxutaye —xchi. Te Jesuse la yalbe te maestroe: —Baan, jich me xba apas euk te jaꞌate —xyut.

Baanik me, aꞌ me kꞌotuk ta awoꞌtanik te jich kꞌoemex tutꞌil karnera te ya jtikonex bael ta yolil te genteetike, te jaꞌ pajal kꞌoem sok te jweꞌawal chojetike.