Populaire Bijbelverzen uit MATEO 11

Deel

Laꞌik me ta jtojol ta apisilik jaꞌex te lubenex yuꞌun te tulan aꞌtele sok te ijkatsejele. Joꞌon ya kaꞌbeyex akux awoꞌtanik.

Akꞌa ta anukꞌik te jyukue y nopbikon koꞌtan, joꞌon te lek koꞌtan sok te chꞌin kakꞌoj jbae. Jich me ya xkux te awoꞌtanike.

Jich te yuku kuꞌune ma wokoluk ta kuchel stukel. Sok ma aluk ta kuchel ta ijkatsil kuꞌune —xchi te Jesuse.

Sok la yal xan: —Te jTate yakꞌojbon ta jkꞌab spisil te tutik aye. Maꞌyuk machꞌa ya snaꞌbon jba joꞌon te Nichꞌanilone, jaꞌ nax ya snaꞌbon jba te jTate. Sok maꞌyuk machꞌa ya snaꞌbe sba te jTate, joꞌon nax jtukel te ya jnaꞌbe sbae, sok euk te machꞌa jayeb ya kaꞌbe snaꞌbeyik sbae.

Te Jesus la yaltalanbe: —Baanik, baan albeyaik te Juane te tut la awilike sok te tut la awaꞌibeyik sluwarile. Albeyaik te yipal ta jamel sit te choketike sok te yipal ta lekubel te koxoetike, sok yipal ta lekubel stiꞌbalulik te kꞌaꞌel-chameletike, sok yipal ta jamel xchikin te machꞌatik ma xyaꞌiy kꞌope, sok yipal ta chaꞌkuxel te machꞌatik chamenikixe, sok yipalix ta albeyel sluwaril te meꞌbaꞌetik te tutꞌil ayix skolelike.

Te machꞌa ay xchikine, aꞌ me yaꞌibeyik sluwaril ta lek.