Populaire Bijbelverzen uit Иуан 3

Deel

– Сыда пӀомэ, Тхьэм дунаим ицӀыфхэр ащ фэдизэу шӀу зэрилъэгъугъэхэм къыхэкӀэу, ежь ы Къо закъо ытыгъ, хэти Тхьэм ы КъокӀэ шӀошъхъуныгъэ зиӀэр мыкӀодэу къэнэжьыным, мыкӀодыжьын щыӀэныгъэ иӀэ хъуным пае.

Тхьэм дунаим ицӀыфхэр ыгъэмысэнхэр арэп ежь ы Къо дунаим къызфигъэкӀуагъэр, ау ы Къо дунаим ицӀыфхэр мыкӀодхэу къыригъэгъэнэжьынхэр ары нахь.

– Шъыпкъэ дэдэр осэӀо, цӀыф горэ икӀэрыкӀэу къамылъфыжьмэ, Тхьэм и Тетыгъошхо ылъэгъун ылъэкӀыщтэп, – риӀожьыгъ Исус.

Тхьэм ежь ы КъокӀэ хэти шӀошъхъуныгъэ зиӀэр ыгъэмысэщтэп, ау хэти шӀошъхъуныгъэ зимыӀэр Тхьэм ыгъэмысэгъах, ы Къо закъокӀэ шӀошъхъуныгъэ иӀэ зэрэмыхъугъэм пае.

Тхьэм цӀыфхэр зыкӀигъэмысэхэрэр мары: нэфынэр дунаим къытехьагъ, ау цӀыфхэм нэфынэм нахьи шӀункӀыр нахьышӀу алъэгъугъ, сыда пӀомэ, Ӏофхэу ашӀагъэхэр бзаджэхэшъ ары.

Ежь нахь ин хъун фае, сэри нахь цӀыкӀу сыхъун фае.

Хэти бзэджагъэр зышӀэрэм нэфынэр еуджэгъу, Ӏофхэу ышӀагъэхэри нафэ къэмыхъунхэм пае, нэфынэм екӀуалӀэрэп.

Тхьэм ы КъокӀэ шӀошъхъуныгъэ зиӀэм мыкӀодыжьын щыӀэныгъэ иӀэ хъугъэ, ау ы Къо емыдэӀурэм мыкӀодыжьын щыӀэныгъэ ылъэгъущтэп, Тхьэм игубж телъыщт нахь.

Пегъымбар Мусэ шъоф нэкӀым блэр зэрэщиӀэтыгъагъэм фэдэу, ЦӀыф Лъэпкъым ы Къуи цӀыфхэм аӀэтын фае

Ты лъапӀэм ежь ы Къо шӀу елъэгъу, зэпстэури ыӀэ къырилъхьагъ.