Populaire Bijbelverzen uit Лука 13

Deel

– Къэлэпчъэ зэжъумкӀэ шъузэрэдэхьащтым зэрэшъулъэкӀэу ыуж шъуит, – ариӀожьыгъ Исус, – сыда пӀомэ, сэ шъосэӀо, цӀыфыбэхэр дэхьанхэу ыуж итыщтых, ау алъэкӀыщтэп.

Бзылъфыгъэ горэ илъэс пшӀыкӀуй хъугъэу, зыгъэсымаджэрэ джынапцӀэ хэсэу ащ дэжьым чӀэтыгъ. ЗиузэнкӀыжьын ымылъэкӀэу, ытхыцӀэ уфагъэу щытыгъ. Исус ар зелъэгъум, къеджи, риӀуагъ: – Нын, джы щегъэжьагъэу ухъужьыгъ, ушъхьафит.

ЕтӀанэ ыӀэхэр а бзылъфыгъэм зытырелъхьэм, ардэдэм ащ зиузэнкӀыжьи, хъужьыгъэ, Тхьэми щытхъу фишӀыгъ.

Джащыгъум ауж итхэм ащыщхэр апэ хъущтых, апэ итхэм ащыщхэри ауж къинэщтых.

Унэ бысымыр къэтэджынышъ, къэлапчъэр зыщыфишӀыжьыщт сыхьатыр къэсышт. ЕтӀанэ «Тхьэматэ, къэлапчъэр къытфыӀух» шъуӀоу, кӀыбым шъудэтэу, къэлапчъэм шъукъытеонкӀи мэхъу. Джащыгъум ащ къышъуиӀожьыщт: «Шъо хэтми шъузщыщыр сшӀэрэп».

Хьау, аущтэу щытэп, сэ шъосэӀо! Ау шъуипсэкӀодшӀагъэхэм шъуафыкӀэмыгъожьмэ, шъори зэкӀэ ащ фэдэ къабзэу шъукӀодыщт.

Ау ащ къышъуиӀощт: «Шъо хэтми шъузщыщыр сшӀэрэп, санэӀу шъуикӀ, зэкӀэ шъо бзэджашӀэхэр!»

– Тхьэм и Тетыгъошхо зыфэдэр сыда? – къыӀуагъ Исус. – Ар сыдым фэзгъэдэна? Ар зыфэдэр андэгурацэр ары. Ар лӀы горэм къышти, ихатэ щишӀагъ. Ар къэкӀи, чъыгы хъугъэ, ошъогу бзыухэри икъутамэхэм атесхэ хъугъэ.