Populaire Bijbelverzen uit GENESIS 26

Delen

Agnaedca iti daytoy a daga, ket siac addaacto kenca, ket bendicionancanto; ta kenca ken iti putotmo itedconto amin dagitoy a dagdaga, ket patalgedacto ti sapata nga insaptac ken Abraham nga amam

Ket pagaduecto ti putotmo a cas cadagiti bitbitwen ti langit, ket itedconto iti putotmo amin dagitoy a dagdaga; ket amin a nasnacion iti daga mabendicionandanto iti putotmo; Gapu ta ni Abraham impangagna ti timecco, ket tinungpalna ti patigmaanco, dagiti bilbilinco, dagiti pagalagadac ken linlintegco.

Ket pimmanaw idiay, ket nangcali iti sabali a bobon, ket saanda a kinasusic maipuon itoy: ket pinanagananna iti Rehobot (Disso), ket kinunana, Gapu ta ita ni Jehova iniccannatayo ti disso a nawaya, ket rumang-aytayto iti daga.

Ket ni Jehova nagparang kencuana, ket kinunana, Dica sumalog idiay Egipto; agtaengca iti daga nga ibagacto kenca

Ket isu nangbangon idiay iti maysa nga altar, ket inawaganna ti nagan ni Jehova, ket pinatacderna idiay ti sapawna: ket sadiay dagiti ad-adipen ni Isaac nagcalida ti maysa a bobon.