Populaire Bijbelverzen uit Yowani 1

Deel

Sira rana ji nazibo nya tao a kano omanoyong jya tao am abneken na sira akma ney anak ni Ama ta do to.

No kaji na pa amaogan no karawan am amyan rana o Ciring ni Ama ta do to. O Ciring rana am macilovot ji Ama ta do to. O Ciring am manoyong a Tao do to.

O zezak am cirain na o kasarisaryan. So ji na makahespi so mazngang no masari.

So nipeyvaliw no Ciring a tao a macikaop jyaten a tey rako so pangangarilawan a tey manoyong. So nipakacittan namen rana so azwazway na. So ikanoyong na abo so ikararwa angayan no azwazway. Ta iya rana am veyvowen na Anak ni Ama ta do to.

Ciring o nyamaog na ni Ama ta do to so makakaday. So ikabo no asa ka maoran no karawan a ji na nyamaog no Ciring eya. O Ciring ni Ama ta do to am ori o yapwan no inawan no tao. O inawan rana am zezngang a ikavyay no tao.

Ikadwa na araw am macita ni Yowani si Yeso a mai. Maniring si Yowani am, “Oya rana am akmey kagling a nitovoy na ni Ama ta do to a omahap so tao do peyraratenan da.

O Ciring rana am amyan rana do karawan a nipangamaog na ni Ama ta do to so karawan. Am kaji da makatenngan jya no tao do karawan. Mangay do pacikeylyan na am to da nazibwan no tao do dang.

O zezak rana am manoyong a zezngang apo do teyngato a tomiray so tao do karawan.

O iwawalam na ni Ama ta do to o nipangnanao na ni Moyse a onotan ta. Am o pangangarilawan na kano manoyong a nanao na ni Ama ta do to am ori o nyai na ni Yeso Kizisto do tao do karawan.