Populaire Bijbelverzen uit ᒐᓂᓯᔅ 6

Deel

ᑎᐸᔨᒋᒐᓱᐤ ᒋ ᒪᒋᔨᐛᓱᐤ ᑲᒋ ᐅᓯᐊᑦ ᐃᔪᐛ ᑭᔭ ᓇᒪ ᐅᒋ ᒥᔽᔨᑎᒻ ᐅᑕᐃᒡ᙮

ᐊᑯ ᑎᐸᔨᒋᒐᓱᐤ ᒂ ᐛᐱᒪᑦ ᐃᔪᐛ ᓇᔅᒡ ᐊ ᒥᒋᑥᔨᒋ ᐅᑕ ᐊᔅᒋᒡ, ᑭᔭ ᐊᓯᑯᒻ ᒥᒋ ᐃᑕᔨᑎᒧᐅᓂᔪᐤ ᒥᒄ ᒋ ᑎᑯᓂᔪᐤ ᐅᑕᐃᐛᒡ᙮

ᒥᒄ ᓄᐛᔨᒋ ᒋ ᓇᐊᔨᑎᒥᐃᑯᐤ ᑎᐸᔨᒋᒐᓱᐤ᙮

ᐊᐅᑯᐤ ᐊ ᐃᓯ ᑎᐸᒋᒪᑭᓄᐅᑦ ᓄᐛ ᐅᑦ ᐊᓂᔅᑯᑕᐸᓇ᙮ ᓄᐛ ᒥᒄ ᒋ ᐸᐃᑯᓱᐤ ᑲ ᑯᐃᔅᑯᑕᑎᓯᑦ ᐃᔪᐤ ᐅᑕ ᐊᔅᒋᒡ ᑭᔭ ᓇᓂᑎᒻ ᒋ ᓇᐊᔨᑎᒪᐊᐤ ᒋᓴᒪᓂᑐᐛ ᒥᒄ ᒐᒂᔪᐤ ᑲ ᐃᑐᑕᐧᒃ

ᐊᑯ ᑎᐸᔨᒋᒐᓱᐤ ᐊᔅᒋᔄᑦ, “ᓂᑭ ᓂᓱᐅᓇᒋᐊᐅᒡ ᒥᓯᐛ ᐃᔪᒡ ᐊᔅᒋᔪᐤ ᑲ ᐅᒋ ᐅᓯᐃᒂᐤ, ᒥᓯᐛ ᐃᔪᒡ ᑭᔭ ᐊᐛᓯᓯᒡ, ᒥᓐᑐᓯᒡ ᑭᔭ ᐱᔭᓱᐅᒡ ᐃᔅᐱᒥᒡ, ᓂ ᒥᒋᔨᐛᓯᓐ ᑲᒋ ᐅᓯᐃᒂᐤ᙮”

ᐃᔅᐱ ᑲ ᒥᒐᑎᒡ ᐃᔪᒡ ᐅᑕ ᐊᔅᒋᒡ ᑭᔭ ᑲ ᐃᔪᔨᒋ ᐅᑕᓂᓱᐛᐛ, ᒋᓴᒪᓂᑐᐤ ᐅᑦ ᐃᔨᒪ ᒋ ᐛᐱᒪᔪᐛ ᐊᓂᔭ ᐃᔪᐛ ᐅᑕᓂᓯᔪᐛ ᐊᔅᐱᔅ ᒥᔪᔎᐎᔨᒋ ᑭᔭ ᒋ ᐅᑎᓇᒪᓱᐅᒡ ᒐ ᐎᐅᒡ᙮ ᐊᑯ ᑎᐸᔨᒋᒐᓱᐤ ᐊᔅᒋᔄᑦ, “ᓇᒪᔭᐤ ᓇᓂᑎᒻ ᒐ ᑕᔨᒋ ᓂᑦ ᐊᒐᒂ ᐊ ᑕᑦ ᐃᔪᐤ, ᐊ ᒪᔭᑎᓯᑦ, ᒥᒄ ᐸᐃᑯ ᒥᑕᓯᒥᑎᓄᐤ ᐊᓱ ᓂᓱᔪᐤ ᑕᑐᐳᓇ ᓂᑭ ᒥᔭᐤ ᐊᐛᓐ ᒐ ᐃᔅᐱᔅ ᐱᒪᑎᓯᑦ᙮” ᐃᔭᐱᒡ ᒋ ᑕᐅᒡ ᒥᔅᑕᐸᐅᒡ ᐅᑕ ᐊᔅᒋᒡ, ᒧᔭᒻ ᒋᓴᒪᓂᑐᐤ ᐅᑦ ᐃᔨᒪ ᑲ ᐎᒋᒪᔨᒋ ᐊᓂᔭ ᐃᔪᐛ ᐅᑕᓂᓯᔪᐛ ᑭᔭ ᒋ ᑕᔪᐛ ᐅᑦ ᐊᐛᓯᒧᐛᐛ, ᒋᒋᐛ ᒋᓴᐱᐅᒡ ᐅᒡ ᐎᐱᒡ ᐃᔪᒡ ᑭᔭ ᒋ ᐊᔭᐅᒡ ᒥᔅᑯᓯᐅᓂᔪᐤ᙮

ᓄᐛ ᒋ ᐃᑐᑎᒻ ᒥᓯᐛ ᑲ ᐃᑎᓱᒥᑯᑦ ᒋᓴᒪᓂᑐᐛ᙮

ᐊᑯ ᒋᓴᒪᓂᑐᐤ ᐊᑕᑦ ᓄᐛᔨᒋ, “ᓂᒋ ᐎᔭᔨᑕᓐ ᒐᒋ ᓂᓱᐅᓇᒋᐃᒂᐤ ᒥᓯᐛ ᐃᔪᒡ ᐅᑕ ᐊᔅᒋᒡ, ᐎᔨᐛᐤ ᐛᒋ ᒥᓴᒡ ᒥᒋᑐᑎᒧᐅᓐ ᐅᑕ ᐊᔅᒋᒡ᙮ ᓂᐦᐃ, ᓂᑭ ᓂᓱᐅᓇᒋᑕᓐ ᐊᔅᒋᔾ ᑭᔭ ᐃᔪᒡ᙮

ᒐ ᐅᓯᑕᔨᓐ ᐊ ᒥᓴᒡ ᐅᐤᑦ, ᐊ ᐱᓯᑯᓯᒡ ᒥᔅᑎᑯᒡ ᒐ ᐊᐱᒋᐃᑥᐤ, ᐱᒍᐤ ᒐ ᒋᐳᔅᒋᓂᑲᒐᔨᓐ ᐱᑎᑭᒥᒡ ᑭᔭ ᐎᐎᑎᒥᒡ᙮

ᒋᓴᒪᓂᑐᐤ ᒋ ᒋᑕᐸᑎᒻ ᐊᔅᒋᔪᐤ ᑭᔭ ᒋ ᐛᐸᑎᒻ ᑲ ᐃᔅᐱᔅ ᒥᒋᑥᒥᑭᓂᔨᒡ, ᒥᓯᐛ ᐊᐛᓐ ᑲ ᑕᑦ ᐅᑕ ᐊᔅᒋᒡ ᒋ ᒥᒋᑥᐤ ᒥᒄ ᒐᒂᔪᐤ ᑲ ᐃᓯ ᐃᑐᑕᐧᒃ᙮

ᒐ ᐳᓯᐃᑥᐤ ᓇᓂᓱ ᒥᓯᐛ ᑕᑐᐎᒡ ᐊᐛᓯᓯᒡ, ᓇᐸ ᐊᐛᓯᔅ ᑭᔭ ᓄᓴ ᐊᐛᓯᔅ, ᒐ ᐳᓯᐃᑥᐤ ᐊᓐᑕ ᐅᐤᑎᒡ᙮ ᒐ ᑭᓄᐛᔨᒥᑥᐤ ᒐᒋ ᐱᒪᑎᓯᒡ ᒪᒂᒡ ᐃᔅᒋᐸᒐ᙮