Populaire Bijbelverzen uit João 1

Deel

Iagere etaidure ji. Emeartorure ji. Nou meartorure jiwugere ure Pao Kurireu oredo emage.

Awu motokare raga mare Bakaru Remawu ure. Awu Bakaru Remawu mugure Pao Kurireu apo rugadu. Awu Bakaru Remawu Pao Kurireu nure ema.

Nou Bakaru Remawu koiare ure boe edudo aino. Nou Bakaru Remawu ure nono ia jorugu pemegareu mogadure. Nou Bakaru Remawu umode boe erduwado turo pegareuji, turore jiboeji boečoji nou bakaru remawu ure nono jorugu mogadure. Mare jorugu ji karega inagoino. Nou Bakaru Remawu ure boe erduwado boe pemegareuji rugadu. Dujire inagoino. Nou Bakaru Remawu ure boe erduwado dukeje boe erduwamode turo pegareuji rugadu. Dujire inagoino. Ro pegareuge ere nono boečo mogadure. Mare boečo ji karega inagoino. Ro pegareuge erore jiboe pegare. Dujire inagoino. Mare ro pegareuge emodukare Bakaru Remawu akedudo jamedu.

Bakaru Remawu ure imedudo pudumi. Rakojere pagabo. Emare meardu kurire boei rugadu. Emare ro pemegare boei jamedu. Boe jokodu jire akoino boe emeartoruwo ji rugadu. Pardure Pao Kurireu ure maku aiwu ro kurireuji. Pao Kurireu onaregedu mitodu nure ema dukodire ure turo rakareu maku nou tonaregedu ai.

Pao Kurireu koiare ure awu Bakaru Remawu udo boe jamedu boe towuje. Ia ukare towujeboe bokwakare moto jamedu boe parugajeje, baru tadaboe jamedu. Ure boe jamedu boe towuje rugadu. Nou Bakaru Remawu koiare ure boe edudo aino. Nou Bakaru Remawu ure nono ia jorugu pemegareu mogadure. Nou Bakaru Remawu umode boe erduwado turo pegareuji, turore jiboeji boečoji nou bakaru remawu ure nono jorugu mogadure. Mare jorugu ji karega inagoino. Nou Bakaru Remawu ure boe erduwado boe pemegareuji rugadu. Dujire inagoino. Nou Bakaru Remawu ure boe erduwado dukeje boe erduwamode turo pegareuji rugadu. Dujire inagoino. Ro pegareuge ere nono boečo mogadure. Mare boečo ji karega inagoino. Ro pegareuge erore jiboe pegare. Dujire inagoino. Mare ro pegareuge emodukare Bakaru Remawu akedudo jamedu.

Nou barogwato João Batista jordure Jesus kodure pudae duji. Akore: – Makudure boe ero pegareu mori čewu Pao Kurireu aku ovelha reo. Emare umode boe ero pegareu barigu boe epiji. Jesus jire João Batista akoino.

Pao Kurireu koiare ure Bakaru Remawu udo moto towuje. Nou Bakaru Remawu aregodure moto ka. Jesus jire inagoino. Mare moto kejewuge erduwakare ji. Aregodure ture towujewu moto ka tuwobe etae, mare uwobe etaidukare ji.

Jorugu remawu jire João Batista akoino. Urugumode boe eiamedu boei. Mare jorugu karega. Jesus jire akoino.

Marigudu Pao Kurireu ure tumeardae maku Moisés ai Judeu doge eno bakaruwo ema. Mare maigodu aino čare Jesus Cristo ure boe erduwado Pao Kurireu meardu kurire boei rugadu duji. Ure boe erduwado Pao Kurireu ro pemegareuji. Ure boe erduwado bakaru remawuji.