Populaire Bijbelverzen uit Džiibén 12

Delen

I Me sozdáva tútyr bari nacyja, i Me bahtiakirava tut, i barjakirava lav tyró; i tútyr javéla bahtiakiribén vaš javirénge. Me bahtiakirava manušén, savé javéna te bahtiakiren tut, i kon prokošel tut, odolén Me prokošava; i dre túte javéna bahtiakirde saré kherítka ródy pe phuv.”

I, ake, Raj Devél phendiá Avramoske: “Džá tyré phuvjátyr, tyré rodóstyr i tyré-dadéskire kheréstyr, pe doiá phuv, saví Me túke sykaváva.

I gijá Avrámo, syr phendiá Raj Devél léske; i gijá lésa Loto. Avramoske sys eftadešá padž berš, kiéli jov gijá krig Xaranostyr.

I Devél sykadyjá Avramoske, i phendiá: “Daja phuv Me dáva tyré rodóske, savó javéla angíl.” I jov kerdiá altárjo odój Ráske-Devléske, Savó sykadyjá léske.