Populaire Bijbelverzen uit Gha ta Wəshi 1

Deel

Ma ke Shala: «Pate ɓəmə wəndə ŋelɛ kala ghəa ɓəmə, kala pa ta ɓəmə. Nza hɛ kaka sleke kelepe nyi kwa ndərə, 'yɛ nyi yitea ghweme, wəshi keseɗa nyi jama jama ba'a wəshi keseɗa nyi ɓɛhwɛ ɓɛhwɛ nyi kedzeghwa te hɛɗi!» Pa Shala pate wəndə ŋelɛ kala pa ta ŋkɛ, kala pa ta Shala pate ŋkɛ. Yɛ za le male pate hɛ ŋkɛ.

Pa Shala wəpikɛ hɛ, ma ke sha hɛ: «Yate mə ya ba'a mbakete mə geva kwele kwele, viɗikɛ mə hɛɗi ba'a sleke mə ŋkɛ. Nza mə kaka sleke kelepe nyi kwa ndərə, 'yɛ nyi yitea ghweme ba'a pɛtɛa wəshi keseɗa nyi kedzeghwa te hɛɗi!»

Ma te gha ta və ne, pa Shala pate yɛ ghweme le hɛɗi.

Pa shɛ kese va hɛɗi we, shalala se ŋkɛ. Ŋkwesle ya zhiɓə kənəa ndərə nya wəba. Sefəa Shala nde gavele dzeyi kənəa yɛ yɛmə.

Tagha gɛ, ma ke Shala: «Nza waŋe shɛ!» Pa waŋe menete geva.

Ma newe ke Shala sha wəshi nyi menete ŋkɛ ne, zlahe ganyɛa nci. Pa tɛhwɛɗi menete geva, ghwɛaɗɛaɗɛa ŋkwa kiɗinyɛ: kwa ŋkwaŋe ta hɛ ŋkɛ.

Newe ke Shala ne, ganyɛke waŋea shɛ, pa ŋkɛ nehemte yɛ waŋe le ŋkwesle.

Ma ke Shala zhɛkwa: «'Ya kave ŋayɛ yayata gwəzə nya keya te hɛɗi ba'a yayata wəfe nya nza felehwe ta ŋkɛ mbe ya ta ŋkɛ. Kawəshi kezeme ta ŋayɛ tenza hɛ.

Pa Shala hekate waŋe kaveci, pa ŋkɛ hekate ŋkwesle kaviɗi. Pa tɛhwɛɗi menete geva, ghwɛaɗɛaɗɛa ŋkwa kiɗinyɛ: kwa ghate ta hɛ ŋkɛ.

Ma ke Shala zhɛkwa: «Veyi geva ŋkwa kala kwalekwə nya medzəɓə kwelɛ tepe ta yɛ yɛmə kezha nehe hɛ bake mbe!»

Kave nda gwəzə kwa menjaɓa 'ya ke pɛtɛa wəshi keseɗa nyi te hɛɗi, yɛ 'yɛ nyi yitea ghweme, yayata wəsə nya kedzeghwa te hɛɗi ba'a nya nza mpi hwe kawəsə kezeme.» Pa ŋkɛ menete geva kala nyagha.

Ma ke Shala zhɛkwa: «Menete geva wəshi nyi kewaŋe ŋkwa pelɛ ghweme kezha nehe yɛ veci le viɗi. Nza hɛ kawəshi kencɛ yɛ gəsəkə, yɛ hɛ ba'a va nyi keɓela geva

Tagha gɛ, ma ke Shala: «Pesete geva wəshi te hɛɗi: mama ta gwəzə ba'a wəfe nyi keya, nyi nza mama ta felehwe ta nci mbe ya ta nci!» Pa ŋkɛ menete geva kala nyagha.

Pa Shala veyi ŋkwa nya kenehemte yɛ yɛmə nyi kwake kwake le nyi pelɛghə.

Pəɗəfə wəshi pesete geva te hɛɗi: gwəzə nyi nza ya ta nci kala mama ta nci ba'a wəfe nyi keya kala mama ta nci. Ma kwa nakɛ Shala ne, ganyɛke ŋkɛ.

Pa Shala pate wəshi nyi kewaŋe ŋkwa nyi jama jama bake: ma nya kwele ne, kezha sleke ŋkwa nya heveci. Ma nya ɓɛhwɛ, kezha sleke ŋkwa nya heviɗi, pa ŋkɛ pate yɛ saseregwa perə.

Ma ke Shala zhɛkwa: «Tsenete geva yɛmə nyi kwake yitea ghweme te ŋkwa nya kwetɛŋe yitea ncake geva ŋkwa nya keghwele ghwele!» Pa wəsəa shɛ menete geva kala nyagha. Pa Shala hekate nda slə ke ŋkwa nya keghwele ghwelea shɛ kahɛɗi, pa ŋkɛ hekate yɛmə nyi ketsenete geva kandərə. Ma kwa nakɛ Shala ne, ganyɛke ŋkɛ.

Pa Shala wəpikɛ hɛ, ma ke: «Yate mə ya, mbakete mə geva, viɗikɛ mə yɛmə nyi kwa yɛ ndərə ba'a yate ya yɛ 'yɛ kwele kwele te hɛɗi!»

Ma ke Shala zhɛkwa: «Yate ya mama ta wəshi keseɗa te hɛɗi: wəshi keseɗa nyi ki ghɛ, wəshi keseɗa nyi ɓɛhwɛ ɓɛhwɛ ba'a wəshi keseɗa nyi hwa gamba, kala mama ta nci!» Pa ŋkɛ menete geva kala nyagha.

Ma ke Shala zhɛkwa: «Menete geva ŋkɛ kanza mama ta wəshi nyi nza mpi hwe kwa ndərə ba'a zlə yɛ 'yɛ yitea ghweme kənəa hɛɗi!»

Tsagha pate mama ta wəshi keseɗa nyi hwa gamba, mama ta wəshi keseɗa nyi ki ghɛ ba'a mama ta wəshi keseɗa nyi ɓɛhwɛ ɓɛhwɛ Shala. Ma kwa nakɛ Shala ne, ganyɛke ŋkɛ.