Populaire Bijbelverzen uit Lir. 21

Deel

Wele Omunyali Owa Bioosi abiita Sara chikhabi nga aaloma, mala amukholela nga aamulaka.

Wele aulila kumumilo kwo omusoleeli oyo, mala malaika owa Wele alaanga Hakari amureeba ali, “Hakari, siina sikhunaania? Okharia tawe, sikila Wele aulile liilila lio musoleeli niio ali ao. Yinyokha, obukule omusoleeli, omumeeme mala omuoleelesie sikila ndamukhola abe ekholo emboofu.”

Sara aesia mala asaalila Aburahamu omwana owe sisoleeli mumase keewe ke busaakhulu, mu siise nisio Wele aaba ne amubooleele.

Mala Sara aloma ali, “Wele andereere chinjekho. Buli mulala okane aulile alachekha ne nase.”

Ne kakhali Wele aboolela Aburahamu ali, “Okhabiililwa sikila omusoleeli wowo no mukhasi wowo nasioobi tawe, siosi siosi nisio Sara akhuboolela, khola nga akhubooleele, sikila khubirira mu Isaaka olanyoola lisaaye nilio nakhulaka.

Ne nja khukhola omwana wo mukhasi nasioobi yesi abe ekholo, sikila ali lisaaye liowo.”