Populaire Bijbelverzen uit Lir. 26

Delen

Menya mu sibala sino, ne ndaba ne nawe mala ndakhubiita chikhabi. Ndakhuelesia ewe ne lisaaye liowo kamaloba kano koosi. Ndakhola nga nechubila Aburahamu, paapa wowo.

Ndakucha lisaaye liowo libe likali nga ching'enieesi mala ndilielesia kamaloba kano koosi. Ne khubirira mu lisaaye liowo bibala bioosi bie khu sibala bilibiitwa chikhabi. Ndakhuelesia chikhabi sikila Aburahamu aria kumumilo kwase ne kamalaka kase.”

Arura abwenao mala ayaba esebele ekiindi. Khwiyo se balomanilakho tawe, nio akitiuukha lisina ali, “Reoboti.” Aloma ali, “Sikila luno Wele Omunyali Owa Bioosi akhukholeele bubweyaangu mala khulakucha mu sibala sino.”

Wele Omunyali Owa Bioosi amubonekhela mala amuboolela ali, “Okhekha wacha e Misiri tawe, menya mu sibala nisio kane khuboolele.

Nio Isaaka ombakha alutare abwenao mala esaaya Wele Omunyali Owa Bioosi. Asimikhao liiema liewe. Ne abwenao bakholi ba Isaaka bayabao esebele.