Populaire Bijbelverzen uit LUKAS 24

Deel

Nen, an neisena nen hit wokhisagain, iluk abok yagahisasikhe a'nogo, ogo. An nenat hinoba pelakhisa wesigin o. Mene re, Allah omame pogoroba nen hinoba oan louk i wagi'lek werek kwelek ya re, hinebe o sili yomaat logoino o,” iluk wene warisasikhe.

At ebe yoma lego. Allah nen arat eluget fikhemo o.

A'nogo hilingitunem, it aremnogo weak-weak ineil afumak salagaikhe mene selek agaikhesik he, enegat futfesukwa. Enegat futfesukwa meneat he, at ebe it inanggele'ma nen ka laga heat longgosikhe. A'nogo longgosikhemo it-it mel isukwa: ”Eige! Ebekwe waga logolik he, wene Allah ane lisu palek mene pilingisogo yaganisugu kwelek he, ninendawinggen agaiyek agasik ninendawimo kagauk ikhe a'nogo lek nogo?” iluk isukwa.

A'nogo inendawinggen kagalogo yagaisikhi logolik, ”Allah nen Kristus ayonggo fembik lakfei wesigin isikhe mene lisu mel iluk palek werek: Yi enggin ti enggin hilik-hilik wa'lasimbigen, enggi pire warek logombik henaganek meneba re wa'la'luk lagaikharek oba nen eluk asigin o, iluk lisu palek werek. Nen, ekhe mel iluk lisu palek weregat: Hit afuni weak hilingiti lagep mene andi, herakfisaluk hinobabut hebelhep halok he, Allah nen sebelogo legetfisagain o, iluk, at enu hombuk palogo wene ikhi logolik he, ero o Yerusalem huli nen yagaisaluk, pikhit huli yi awi ti awi inunggulenu lombok mondok yagaisilik laga logoino, iluk Allah ane lisu palek weregaro.

Wagaukwasik ineilenggen kwelakhasukwa re, oumo warek helep mene to'morogo yagarogo fesukwa a'nogo limbilogo lakfesukwama kwe hurik were'ma ineilenggen hasukwa. Hasukwasik, inebe oumo kwi lagaukwa re, at Yesus warek ebe le'ma ineilenggen hasukwa.