Populaire Bijbelverzen uit YOHANES 13

Deel

Naria parenta nabou kuwai ka komi iwe'i: Komi kana mosipotowe samba'a bo samba'a. Nasimbayu ewa Aku nompotowe komi iwetu wo'u komi kana mosipotowe samba'a bo samba'a. Ane komi mosipotowe samba'a bo samba'a kana ranjani ntau puramo komi etu anaguru-anaguruku.”

Jadi ane Aku e'i, Guru bo Pue komi, nompakaede koroku nombarama kada komi, masipato komi wo'u mompakaede koro komi mosirama kada samba'a bo samba'a. Aku nompopokita ka komi saongu jonjo ala nuapa to nipowiaku etu wo'u rapowia komi samba'a bo samba'a.

Nanguli Yesus ka i'a, “We'i-we'i da'apa ninjanimu nuapa batuana to nikawiaku e'i. Tapi nggapurina kana munjani.”

Aku mpu'u-mpu'u notesa ka komi, samba'a batua da'a neliu nggabete katuwuna nggari ja'i madikana. Iwetu wo'u samba'a tau nipakau da'a neliu nggabete katawuna nggari tau nompakau i'a.

Ane etu manoto ranjani komi, madamba mpu'umo komi ane komi mompowia to nitesaku etu.

Jadi nekanggoremo I'a nombawonju baju nggumbana, pade nialana saongu handu nipo'una ri kopena. Naopu etu nialana ue nitolina riara loya. Pade nompamulamo I'a nombarama kada anaguruna samba'a bo samba'a. Pade nipe'ena kada ira ante handu to nipo'u ri kopena etu.