Populaire Bijbelverzen uit LUKAS 17

Deel

Pade niuli Yesus ka tau etu, “Pekanggoremo bo kalaumo. Nabelomo ju'amu sabana komi nomparasaya Aku.”

Ane i'a mowia maja'a ri ja'i komi pitunggani riara saeo pade butu nggani i'a marata merapi ampu ri ja'imu, komi kana mombaampungi i'a.”

Tempo samba'a nggari ira nanggita korona nabelomo, natinggulimo i'a mpaka ri ja'i Yesus ante nombatoiya-toiya Alatala ante suara namangga. Pade notimbakotumo i'a ri ngayo Yesus ante nanguli tarima kasi ri ja'ina. Tau etu i'amo samba'a tau nggari Bagia Samaria.

Sabana etu komi kana mainga. Ane maria sampesuwumu mowia silaka ontiakamo i'a. Pade ane i'a majea pade merapi ampu, ampungimo i'a.

Pade nangulimo Yesus, “Naria sampulu mba'a tau pane'a to nipakabeloku. Ri umbamo ira to sasiona?

Nangepe etu nangulimo Yesus, “Ane pomparasaya komi aga sakedi lau nasimbayu ewa wua kayu to nakedi mpu'u, komi mamala manguli ka kayu bete e'i, ‘Kawukamo pade kau polinjamo mpaka ri tatongo ntasi.’ Pade natantumo kayu etu kana molinja.”

Tau aga nantora katuwuna mboto tapi da'a nantuki dota Alatala, da'a namala matuwu mabelo sampe ri kasae-saena. Tapi tau to nantuki Alatala ante da'a nantora katuwuna mboto, etumo tau to namala matuwu mabelo sampe ri kasae-saena.

Pade nangulimo Yesus ka topantuki-topantuki I'a, “Natantumo kana maria saba-sabana sampe tau mowia silaka. Tapi mandasa mpu'umo tau to mompakeni tau ntanina mowia silaka. Nabelopa i'a ratajiaka riara ntasi ante saongu watu bete niso'o ri tambolona pade i'a mombabagiu samba'a ngana nggedi sampe i'a mowia silaka.

Tempo Aku, Ana nu Manusia marata banepia pokainggu manusia kana masimbayu ante pokainggu manusia tempo nabi i Nuh nggaolu. Ira nanggoni nanginu pade norongo nosiporongo ewa biasa sampe nabi i Nuh nesua riara sakaya betena. Naopu etu nanggabuntu puramo ue ri dunia e'i sampe pura-pura tau ntanina etu namate.