Populaire Bijbelverzen uit Pewaliana 11

Deel

Hei Io mohawaꞌ, “Iohi hieꞌe haroboꞌ ngkodeꞌ hante haꞌanu wiharoluhi. Hieꞌe hongkoꞌlu mampeluka rowali, hei mepongka hinewowoꞌena hapolu to rokodokoꞌi rowali, tontona hingkiꞌ mewali. Agina mengkohouKi mampomokawewoꞌ wiharora inoꞌo, horiana hawaꞌmohi momebahaꞌ wiharo.”

Katoꞌo rotiꞌi womo, “Humeimoki mampotiꞌi haꞌanu bolaꞌ ngkodeꞌ hante haꞌanu tambi to dingkaoꞌ himpololoꞌo wute pe laniꞌ hingkeꞌna robahaꞌki toaꞌ hei anioꞌki mokaꞌa-kaꞌa pe umbo-umbo.”

Io horiana wute hinewoꞌena bolaꞌ ngkodeꞌ tiꞌo nikokeneꞌi Babeli, alaꞌ itoꞌomo konopokawewoꞌne Pueꞌ PUEꞌ Ala wiharo i humanele duniaꞌ, hei katoꞌomo konopopokaꞌa-kaꞌare Pueꞌ PUEꞌ Ala pe humanele duniaꞌ.

Uluꞌana, lekiꞌna toaꞌ i duniaꞌ haꞌanu wiharolu hei powiharora hibobali.

Katoꞌo mengkohoumo PUEꞌ Ala mampeꞌele bolaꞌ ngkodeꞌ hante tambi to dingkaoꞌ to roꞌaro manusiaꞌ tiꞌohiꞌo.

Watoꞌomo konopopokaꞌa-kaꞌare PUEꞌ Ala mepongka katoꞌo pe humanele duniaꞌ, hei ropeꞌohaꞌki mampopetotiꞌi bolaꞌ ngkodeꞌ tiꞌo.