Populaire Bijbelverzen uit PĚNDARIADI 12

Deel

Iạ mapakakoạ hitenu e mal᷊awọ kụ i sire sarung makoạ kawanua masěllahẹ̌. Iạ e sarung měngal᷊amatẹ̌ si kau ringangu mapakasěllahu arengu, kụ i kau sarung makoạ al᷊amatẹ̌. Iạ e sarung měngal᷊amatẹ̌ si sai-sain něngal᷊amatẹ̌ si kau ringangu měngane si sai-saim mangane si kau. Kụ ual᷊ingu i kau tangu Iạ sarung měngal᷊amatẹ̌ patikụ bansa e su dunia.”

MAWU e něhengetang si Abram, ”Sěbangko wọu wanuanu, wọu tal᷊oarang balagu e ringangu wọu wal᷊eng amangu e, kakoạ sol᷊ong banua Takụ nitul᷊ada si kau.

I Abram natimu pitum pul᷊o l᷊ima su taunge, piạ i sie naněntangu Haran, natuhụewe kere titam MAWU e si sie. I Abram e nakoạ sol᷊ong ěntanang Kanaan sěngkaral᷊eng dingang i Sarai kawinge, ringangu i Lot anạu tuarine, dingangu kal᷊awọu arětạ e ringangu manga ěllange nạung kinaěbakeng i sire su Haran. Ene i sire nahumpạ e su Kanaan.

MAWU e nẹ̌těngkatodẹ u watangenge si Abram dingangu nẹ̌bera si sie, ”Ini e wanua sarung Takụ ighěllị su hitenu.” Bọu e i Abram něndarisị u pananěmbaěng sěmbaụ sene waugu MAWU e nạung seng bọu nẹ̌tengkatodẹ si sie.