Populaire Bijbelverzen uit LUKAS 17

Deel

Bou e'e I Yesus nangul᷊i su tau e'e, “Puwangung te, dang dakoe ral᷊eng. Ual᷊ingu i kau mangimang si Sia, ikau naul᷊e.”

Boko i sie mukoa dosa si kau paka pitu silou dang sintinia sumongo si kau dang mangul᷊i, ‘Ia mundo ampung,’ ampunge we i sie.”

Su tempong singkatau bou sire natitong humoneu i sie seng naul᷊e, i sie nusul᷊e dingang u mal᷊uasi apiru kapundalonge Mawu Ruata. Bou e'e su saruang I Yesus, i sie nusuba nutarimakase si Sie. Tau e'e singkatau Samaria.

Watu'u e'e, pakal᷊aingati! Boko anau simbau u mukoa dosa, nae atore i sie. Boko i sie musisili, ampunge i sie.

Bou e'e I Yesus nangul᷊i, “Wal᷊ingewe pia mapul᷊ong katau ko nipakaul᷊e? Suapa we i sire sio e'e?

Mawu nusumimbahi, “Boko i kumu pia pangangimang kere kal᷊abou watungu sawi, i kumu makaul᷊i su kau murbei i'i, ‘Kasawue i kau dang kasuang te su l᷊auri,’ Nal᷊ahe kau i'i sarung tumuhu parentangu.”

Taumata ko mutawakal᷊i mupakasal᷊amatu puwawiahe, sarung kailangengu puwawiahe. Arawe taumata ko kailangengu puwawiahe i sie sarung mupakasal᷊amati.

I Yesus nangul᷊i su manga tumatuhu-E, “Manga hal᷊i ko makakoa taumata mukoa dosa nal᷊ahe sarung pia. Kateho silaka su taumata ko makakoa sabapie! Mapiang boko watungu gilimang ni'iki su l᷊ehie, bou e'e i sie irume su l᷊auri i sie makakoa singkatau bou manga rario i'i mukoa dosa.

Su l᷊oungu Ahusu Taumata sarung ipakal᷊ahe, kakakoae musul᷊ungu su tempongi Nuh su tempong horo. Taumata nukumang, nanginung dang nukawing, kere'e turusi-turusi sarang i Nuh nusumu su l᷊al᷊ung u kapal᷊i dang dalukung nusumongo dingang u nakawinasa apang taumata kaul᷊ie e'e.