Populaire Bijbelverzen uit MARKUS 12

Deel

I Yesus nusumimbahi, “Parenta kahimotongange ko i'i: ‘Raringihe ko, ei i kumu tau Israel! Mawu Ruata ngi kite, Mawu e'e mang simbau. Kindaghite su Mawu Ruata ngi kumu dingang u kal᷊abo u naung ngi kumu, dingang u kaul᷊i u jiwa ngi kumu dang kaul᷊i u sipirang i kumu dang dingang u katatoghasi kumu.’ Parenta karuange ko i'i: ‘Kindaghie sinsul᷊ungu, musul᷊ung i kau kumindaghiu watangeng u sisane.’ Seng takoae l᷊ai parenta kowal᷊inge ko lebe l᷊abo bou parenta darua i'i.”

Kute I Yesus nukui manga tumatuhu-E bou e'e nangul᷊i si sire, “Tuhunge ko pakapia i'i: Tau kowawine wal᷊u susa e'e seng nutaho lebe maul᷊i sukasi bou kaul᷊i ko nitaho u manga taumata ko wal᷊inge. Watu u i sire kaul᷊ie nangonggo bou lebe nge kakala i sire. Arawe tau ko kowawine wal᷊u e'e maneng kere'e kasusa nge nangonggo u patiku kaul᷊i ko ene si sie – ko hino ngi i pake guna ngi puwiahi.”

Su tempo ngu kukaiang mutatingong u kasi u sasumba su l᷊al᷊ung u Wal᷊e-Ngu Mawu, Yesus kaputuhunge manga taumata ko mutaho u doi ngi sire su l᷊al᷊ung u kasi e'e. Maul᷊i taumata kala mutaho doi ngi sire maraul᷊i; Wuhue pia singkatau ko kowawine wal᷊u ko susa nusumongo l᷊ai. I sie nutaho u doi nge witu ko kaesi darua ko kadiokang u harigange.

Dang taumata mambeng kumindaghi u Mawu Ruata dingang u kaul᷊i u naunge dang dingang u kaul᷊i u sipirange dang dingang u kaul᷊i u katatoghase. Dang l᷊ai i sire mambeng kumindaghi u sinsul᷊unge kere watangenge si sane. E'e lebe kapia nge sul᷊ungu manumba sasumba ko itutung dang manga sasumba kowal᷊inge su Mawu Ruata.”

“Ho, boko kere'e,” angkung I Yesus, “Onggo e si Kaisar apa ko koa i Kaisar, dang su Mawu Ruata apa ko koa u Mawu Ruata.” I sire naherang nakaringihi si Sie.