Populaire Bijbelverzen uit Luka 14

Deel

“Kufumbwa muntu uboola kulindime, mukuti abe sikwiiya wangu, weelede kundiyandisya kwiinda mbwayanda wisi, banyina, mukaintu wakwe, bana bakwe, banabokwabo balombe abasimbi, nibuba buumi bwakwe.

Awalo ooyo uutabwezi mapenzi mbuli ciingano cakwe akunditobela, takonzyi kuba sikwiiya wangu.

Nkaambo ooyo uulisumpula uyoofwiinsigwa, pele ooyo uulifwiinsya uyoosumpulwa.”

Mbubonya oobo anywebo kufumbwa uutafutatali akusiya zyoonse nzyajisi, takonzyi kuba sikwiiya wangu pe.

Nguni akati kanu uunga wayanda kuyaka ŋanda ndafu, katasaanguni kukkala ansi akubala mali ngajisi kubona kuti naa alazulizya kuyasya ŋanda ndafu eeyo akwiimanizya. Nkaambo kuti watalika buyo ntalisyo, mpoonya yaakumukacila kumanizya, boonse baibona bayootalika kumuseka, akwaamba kuti, ‘Amulange muntu ooyu, watalika kuyaka, pele wakacilwa kumanizya mulimo wakwe!’

Pele kuti wacita pobwe, utambe bacete, balema, basunkuta, aboofu, noyoolemekwa nkaambo balo tabajisi cakukubweedezezya pe. Walo Leza uyookulumbula ciindi bantu babotu baakubusigwa kubafu.”

“Munyo mubotu, pele kuti naa munyo wasampuka, ino inga walunzigwa buti? Tuucikwe mulimo nikuba kubulongo naa mulwi wabufumba bwamumunda pe, ulaba buyo wakusowa. Amuswiilisisye, kuti kamujisi matwi aakumvwisya!”