Populaire Bijbelverzen uit Sɩngre 3

Deel

Pagã gesame tɩ tɩɩgã biis yaa sõama tɩ rɩ, la a bee neer tɩ gese, la a yaa tɩɩg sẽn wat ne ratem tɩ rɩ n paam yam vẽnegre. Dẽ, pagã yãka tɩɩgã bil n dɩ, la a kõ a sɩdã sẽn dag n be ne yẽnda wã me t'a rɩ.

Waaf rag n yaa sɩlem soab n yɩɩd we-rũmsã fãa Wẽnnaam Sẽn-Ka-Saab sẽn maanã. Waafã soka pagã yaa: «Sɩd-sɩdã, rẽ yĩnga, Wẽnnaam yeela yãmb tɩ y ra rɩ tɩɩsã fãa sẽn be zẽedã zĩigẽ wã biis sɩda?»

Mam na n ninga beem foom ne pagã sʋka, la fo yagengã ne pagã yageng sʋka. Pagã yageng na n bedsa fo zugu, la fo na n pogla yẽnda nao-kãsenkãare.»

Wẽnnaam yeela pagã yaa: «Mam na n kɩtame tɩ fo tʋdb wakat yɩ toog wʋsg ne-fo. Fo rogem na n yɩɩ toogo. Fo ratmã ne f yamã na n loee ne f sɩdã. La fo sɩdã na n sooga foom ne f ratmã fãa.»

La fo na n kaaga f rĩir tʋʋlg n yaool n paam dɩɩb n dɩ. Hal tɩ ta daar ning fo sẽn na n lebg n leb tẽng tomẽ wã. B sẽn yãk tẽng tom n maan foomã yĩnga. Bala, fo yaa tẽng tom, la fo na n leb n leba tẽng tomẽ.»

Wẽnnaam yeela raoã yaa: «Fo sẽn sak f pagã noorã, n dɩ tɩɩg ning mam sẽn dag n yeel foom tɩ f ra rɩ wã biisã yĩnga, mam na n ninga kãab-wẽng tẽn-gãongã zugu. Tẽn-gãongã na n paama kãab-wẽng fo yĩnga. Fo vɩɩmã tɛka, f na n namsa wʋsg n yaool n paam f rɩɩbo.

Wẽnnaam Sẽn-Ka-Saab yeela yẽnda yaa: «Ãnda n yeel foom tɩ f yaa f zaala? M mi tɩ fo ka rɩ tɩɩg ning mam sẽn yeel foom tɩ f ra rɩ wã biis la?»

Wẽnnaam sẽn dig ninsaal n yiis zẽedã zĩig pʋgẽ wã loogr zugẽ, b ninga Serubẽ-rãmb Edɛn zẽedã zĩig yaanga, ne sʋʋg sẽn wit bugum t'a wẽnemded zĩigã fãa, n gũud zẽedã zĩigã sor ning sẽn dabd tɩɩg ning biis sẽn kõt vɩɩmã sẽnẽ wã.

A Ãdem pʋda a pagã yʋʋr t'a Hawa, sẽn dat n togs t'a ‹vɩɩm›, yẽnda sẽn yaa nin-vɩɩsã fãa ma wã yĩnga.