Populaire Bijbelverzen uit Лука 3

Deel

Кана алаи о дюняс болдяспэс ко Иоанн, сас болдо ли о Исус, тай кана пал ко болдипэ Ов зборизэлас э Дэвлэса, пхутэрдило опрэ удар, тай опэр Лэстэ фулистино о Шужо Духос, фулистино андэ тэни, сар голуби. Тай опрал шунлило сэси: — Ту — Мо дэхло Чяво! Ту — Ми лош!

Адалэски о Иоанн пхэнэлас лэнги алаенги: — Мэ болав тумэн панеса, ай кан авэл Одова, Саво май зорало мандар, мэ на керав тэ пхутрав э кустик Лэски минидэндэ. Ов кан болэл тумэн э Шужэ Духоса тай ягаса.

Дилэнца сикавэн, кай ачявдянус тумарэ бэзя. Ма тюшундиен тэ пхэнэн андэ тумэндэ: «Амаро дад — о Авраам!» Пхэнав тумэнги, кай ко Дэл си зор тэ керэл пуен э Авраамески акалэ барэндар.

О товэр пашло ко корини ки тэрэкеско, тай саво тэрэки на анэл лаче имиша, кан овэл чиндо тай чито андэ яг.

Сар си яздимэ андэ книжка ки прарокески Исаиески: «Сэси шунлёл ки ливади: "Гортярэн о дром э Сагбуски, керэн доврус о тхан, опрал савэстэ Ов кан накхел! Кажни хорипэ мэ овэл пхэрдо, тай кажни горас тай учё тхан — мэ фулен тэлэ; о болавдэ дрома мэ овэн доврус, тай о камбуря дрома — мэ гортён, тай алаи о дживиндэ тэ дикхен э Дэвлэско кутардипэ"».