Populaire Bijbelverzen uit Juan 15

Deel

»Mʉ uva bakurubʉ. Machi mʉ bakuru juabʉ. Chi mʉ baara nuree Dachi Akõreba kʉ̃ria b̶uu ãrea waud̶ai, mʉ machi baara niid̶eeba. Machiba mʉʉswãe Dachi Akõre baita poyaa waud̶aabai.

Mʉ baara nureásturu mʉ machi baara nii kĩra. Bakuru jua chi karr jidauwẽa b̶uubʉrã ara istu poyaa chaukau. Ara mau kĩra machi mʉ baara nureewãebʉrã Dachi Akõreba kʉ̃ria b̶uu poyaa waud̶aabai.

»Machi mʉ baara nureebʉrã, mʉ bed̶ea ijãa paneeduubʉrã, id̶ísturu joma machiba kʉ̃riaduu. Mau mʉʉba deai.

Machiba mʉ jʉrʉ adaud̶aabasii. Mʉaburu machi jʉrʉ adausii. Bakuru jõ b̶eraakau chaubarii kĩra, mʉʉba machi b̶usii wãd̶aped̶a biꞌia waud̶amera. Mʉʉba machi jʉrʉ adausiid̶eeba machiba mʉ Chachamaa mʉ trʉ̃d̶eeba id̶iiduu ichiba deai.

Ẽbẽra ichi kõpaero karibai baita biuruubʉrã, ab̶au bid̶a mau audeara poyaa kʉ̃ria b̶uabai.

Chi mʉ bakuru jua chaud̶akau ichiba joma tarikuai, maamina chi bakuru jua chaubadau kauwa tarikuabarii aude chaud̶amera.

Mʉʉba waubi b̶uu bed̶ea naubʉ: machi chiya ãrea kʉ̃riásturu mʉʉba machi ãrea kʉ̃ria b̶uu kĩra.

Machi Dachi Akõreba kʉ̃ria b̶uu ãrea wauduubʉrã unubid̶ai biawãra mʉ baara nibabadau. Maka unubid̶ai mʉ Chacha chi mechiu nii.

»Mʉ chi uva bakuru biawãrabʉ. Mʉ Chacha mau nubariibʉ.

Chi mʉ baara b̶uuwãe mʉ Chachaba ãyaa jirakuai bakuru jua chaukau kĩra. Mau bakuru jua poaruud̶e dachiba araa ped̶aped̶a baabadau.

»Joma mau mʉʉba jara b̶uu, machi mʉ baara ãrea kĩrajʉʉ nuread̶amera.

Mʉʉba waubi b̶uu bed̶ea ijãaduubʉrã, chi mʉʉba kʉ̃ria ua b̶uuba nuread̶ai. Ara mau kĩra mʉ Chachaba waubi b̶uu bed̶ea ijãabariid̶eeba chi ichiba kʉ̃ria ua b̶uuba nuread̶ai.

Waya mʉʉba machimaa jaraaruu: Chiya kʉ̃riásturu.

Machi nau iujãad̶ebenarã basirã maarãba machi kʉ̃riad̶ai basii ãchid̶ebenad̶eeba. Maamina mʉʉba machi nau iujãad̶ebena adoesii ãchi diware nuread̶amera. Maud̶eeba machi kĩramaabadau.