Populaire Bijbelverzen uit Juan 21

Deel

Koped̶aad̶akare Jesusba Simón Pedromaa id̶isii: —Simón, Jonás warr, ¿bichiba mʉ biꞌia kʉ̃ria b̶uka, cha naarãba mʉ kʉ̃ria panuu audeara? Pedroba panausii: —Maerã mʉ Mechiu, bichiba kuitaa b̶uu mʉʉba bichi kʉ̃ria b̶uu. Jesusba jarasii: —Mʉ ijãa nuree biꞌia nu b̶uase oeja nubariiba ichi oeja chekerã nubarii kĩra. Jesusba waya Pedromaa id̶isii: —Simón, Jonás warr, ¿mʉ kʉ̃ria b̶uka? Pedroba panausii: —Maerã mʉ Mechiu, bichiba kuitaa b̶uu mʉʉba bichi kʉ̃ria b̶uu. Jesusba jarasii: —Chi mʉʉd̶e ijãa nuree ãrea nu b̶uase oeja nubariiba ichi oeja chekerã nubarii kĩra. Jesusba waya id̶isii: —Simón, Jonás warr, ¿mʉ kʉ̃ria b̶uka? Mauba b̶es õbea id̶isii. Pedro kĩra nomaa b̶eesii, Jesusba b̶es õbea id̶isiid̶eeba. Maabae ichiba jarasii: —Mʉ Mechiu, bichiba joma kuitaa b̶uu. Bichiba kuitaa b̶uu mʉʉba bichi kʉ̃ria b̶uu. Jesusba jarasii: —Chi mʉʉd̶e ijãa nuree ãrea nu b̶uase oeja nubariiba ichi oeja chekerã nubarii kĩra.

Mʉʉba biawãra jaraaruu: kũudrãaed̶e bichi du ab̶a paru jʉ̃bachii bichi wã kʉ̃riaruumaa wãi baita. Maamina bichi chõra b̶eeruud̶e waabenarãba bichi jua jirad̶ai paru jʉ̃bid̶ai baita. Maabae adoed̶ai bichi wã kʉ̃riawẽa b̶uumaa.

Jesusba jarasii: —Maka b̶uubʉrã chi ãtarraya jua biare b̶atásturu. Makaburu jidaud̶aika. Ara makʉd̶e ichiba jarad̶a kĩra wausid̶au. Maabae chi ãtarraya poyaa errud̶aabasii b̶eda ãrea jidausid̶aud̶eeba.

Maka panuud̶e Simón Pedroba jarasii: —Mʉ do b̶atad̶e wãaruu. Maud̶e ãchiba jarasid̶au: —Dai bichi baara wãd̶ai. Ara makʉd̶e jãbad̶e ataud̶aped̶a wãsid̶au. Maamina mau ẽsabud̶e b̶eda jidaud̶aabasii.