Populaire Bijbelverzen uit Nugana 6

Delen

Ta Ieoba nuana i ‘ebunina tai ‘i bubuna bare‘uia manuna, ta ‘atenega i ‘elo‘uia.

Ta Ieoba i ‘itena tai ‘ina bubuna to‘umalina ‘i sinabwa bare‘uia, ta ‘atena ‘ina nuanua iauiauna ‘i to‘umali daita tuta iauiauna.

Ta Noa nua‘ole‘ole ‘i lobena Ieoba matanaia.

Noa ‘ina ‘ebetubua getedi. Noa tai adelina paruparuna, ta ‘ana epatao ‘edia ‘i bobo‘ana maibo‘ana: Noa Eaubada a‘ieana si lopilidadana.

Ta Ieoba ‘i ona, Tai ni‘atu ia mweruruina bwa‘a matanega ia da elosaooridi; tomota be, bomitawa be, iage ‘i lookawara be, mwatui manuina be; ia nuaebuni ia bubudi manuna ta ‘enega.

Ta gete ‘i apwesa, ni‘atu tomota si enugana be si saila bwa‘a matanaia, ta natudi mewainedi si tubua ‘edia, ga Eaubada natunao me‘olotodi tomota natudiao mewainedi si ‘itedi ‘aene ‘adi ‘ita bobo‘ana; ta iauiaudi si ‘ita‘esi‘esinuedi ‘ediega mwanediao ‘ediega si ‘ewedi. Ta Ieoba ‘i ona, Iaruiaruagu gea‘abo tai ‘ena ‘i da loina ‘ataia, tauna wate ‘i eesio ta ‘enega: ta ‘enega ‘ana tuta ‘i da iakwara wani anaredi ta tweniti. To didiga bare‘uia si miami tuta gote, ta wate muriega, ‘ena Eaubada natunao me‘olotodi tomota natudi mewainedi ‘edia si rugu, ta mewainedi gogama si enatunedi ‘edia: taudi gete tai waiwai to mia lowaenei, tai nidi ‘adi esana ‘arena ‘i apwesa.

Nadigega Noa ‘i guinua; na‘ieana iage iauiauna Eaubada ‘ena ‘i onaona, nadigega ‘i guinuena.

Ta Eaubada Noa ‘ena ‘i ona, Mataguia esio iauiauna ‘adi ‘ebelosaroni ni‘atu ‘i mai; bare‘u ‘i maa bubuna toilega ‘ediega ta ‘enega; ta, wa ‘ita, bare‘u ma‘enao ia da loesawaridi.

‘Emuia waga kaiwe gopera ‘u da bubu; anua ‘u da bubudi waga nina ‘enaia, ta ‘u da bwada bwadega gamwanega ta guaunega.

Ta Eaubada bare‘u i ‘itena, ta, wa ‘ita, ‘i to‘umali; esio iauiauna ‘ina bubuna ni‘atu si gieto‘umaliena bare‘uia ta ‘enega.

Ta esio iauiauna ‘ediega iage maiawasidi iauna ‘enega iage ‘e bweuna ‘e bweuna ‘enega ‘e rua ‘u da me‘edi waga ‘enaia, be ma‘emuao wa da bobo‘ana; me‘olotona ta mewainena.