Populaire Bijbelverzen uit PALABURU 9

Deel

Petondoni kabareʼenya bali pojanji pai komi sangkani pai pura-pura anu tuwu, seʼi Kudika pinoraaku ri limu mewali petondoni woʼu pojanji-Ku pai lino.

Ane ndikita pinoraa ri limu, Yaku da mangangkita pai da mangaendo pojanji-Ku anu bereʼe kabalinya setu ri oyoku pai waʼa anu tuwu ri lino.

Tolino ndapapewali ewa Yaku; Inceʼe painaka, isema ntano anu mampepate tolino, siʼa seʼe woʼu da napepate ntolino.

Ndadonco i mPue Ala i Noho pai waʼa ananya ndatoʼo, “Ndipomulimo da naka sondo, waʼa mulimi da mampeari sambawo lino seʼi.

Pura-pura setu maya mewali pangkonimu, ewa waʼa mpinamuya anu mayawuyu; pura-pura setu kupepombaika ri siko da mewali pangkonimu.

Mpengaya-ngaya tonci pai bau sangkani pinatuwu anu ntaninya da maekanya ri siko. Tau seʼe pura-pura setu reʼe ri raya ngkuasamu.

Mewali, komi ndipomulimo naka sondo, da naka waʼa mulimi mampeari sambawo lino.”