Populaire Bijbelverzen uit युहन्‍ना 11

Deel

येसुडे़ॽ खो लुसु, “सिघे़ॽपॽआजि हिङ्‌बोक्‍खुबानुङ ए़ॽसिमे हिङ्‌मवा पिघुबा कानोॽ ले़ङे। काबेॽ बिस्‍वास ले़ःॽखुबा सिघे़ॽहोङ्‌सो मो हिङ्‌बोॽइये। मोबा काबेॽ बिस्‍वास ले़ःॽनुङ हिङ्‌बोक्‍खुबाजि इन्‍डोक्‍पेॽसो सिमिने। इमा हे़ने़ॽ इगो खाबेॽ बिस्‍वास ले़न्‍डुए ?”

येसुडे़ॽ मारथा लुसु, “इमा के़ॽ हे़न लुबॽआ ने़ॽने, ‘हे़ने़ॽ बिस्‍वास ले़टुहोङ निवाहाङ्‌मि महिमा खाङ्‌डोॽइन्‍डुए।’”

मोबा येसु हाबा।

तर इगो लम्‍बवाँ खेम्‍नुङ येसुडे़ॽ लुसु, “इगो टुक्‍मवाडे़ॽ याॽमि सेॽनेसुनि, तर इगोबाङ निवाहाङ्‌मि महिमा लिरो लुनुङ लिटे़, इगोबाङ निवाहाङ्‌मि पसामि महिमा लिरो।”

इडोॽ लुसेॽनुङ येसु इडोॽ कासाङ बेॽए सेम्‍लाबेॽ वोसा, “लाजरस, पाखे़ॽयु आबे!” मो सिघे़ॽपॽआ लाजरस हुक सराङ हिःक्‍पॽआ, नजिक चेॽडे़ॽ यिप्‍पॽआनुङ्‌नोॽ पाखे़ॽयु आबा। येसुडे़ॽ माहाजि लुसुजि, “आक्‍कोमि सिचेॽ हेम्‍बेबेॽनुङ खो खे़ॽमेॽटानुमे।”

मोबा येसु बेॽलो दुःखि लिनुङ लाजरसमि येःॽमाबेॽ खडा। इगो येःॽमा इक्‍को रुम्‍मुकपेॽ टुसे, मो होङ्‌सिॽयु खे़ॽठामबेॽ इक्‍को बेॽए रुङ्‌गोॽवाडे़ॽ टे़क्‍पॽआ ले़टा।

मोबा ए़क्‍साङ येसुडे़ॽ लुसु, “कानिङ्‌मि लङ्‌गाम लाजरस इम्‍डिघे़टे़, हागो खो इम्‍माबाङ हुम्‍बोक्‍सिॽ मोबेॽ खे़ॽए़ङे।”