Populaire Bijbelverzen uit Kejadian 9

Deel

Nyabukopura, ayupu ton dukdongopbuka nyabuk. Anyapmasin nyalin yupu, el lak len ning ati ara, duwa noutamak arye, manusinamnya ato ning deipniba, pia dinamlulume. Ara, narye anggun ap, tonda anggun ap, neika ulalum kam un ning nirya ap ati, nyapdeipsine. Wini talak arye, dipdongobuka, aminyan doyanamle talak noutamak nirya ara, anyalinmasin yupu pia dipkoprob aupnamle. Kum bataknamne. Ati akunuma, na manusinamnya duwa noutamak akunum deipmana ati, aning eipmunyopura, ‘E, Allah arye nun tukwak mutuku unyap ninye ap, kam un ning nirya ap ati, nyalin ning nyapsuk yupu, el laka nyalin ning ara, akunuma,’ tenenamlulume.

Ati manusinamnya ara, dua noutamak lak uplye talak nirya ara, narye dipkoprob eipnamne. Eipnyopura, Allah arye, anggun tukwak mutuku ululum kam un ning ayala-yala nirya ati, “Mekwen arye, tonap kum opnamsine,” nyabuka, nyalin yupu nyapmasin ara, pia tenenamne. Anyapmasin yupu ara, pia kum winipnamle. Allah arye, nyabuk.

Yatanye do nirya atonunuk, sikce yuk nang ak obicopura, yuk nang arye, sik ona deiyok nang ati opnamake. Ara, talye ati kum bukni, Allah arye, el ulye touk, mitik anun el urasin atouk, nun ninye kwepdeipsuk ati, ninye olana pia meme.

Atalak anyuk bukni aminyan ara, Allah arye, Nuh ap, elce deiamuk mapu ap ati teleb yupu nyapdeibukce, teleb kipdeibuk. Ayupu nyabuk. Anggun nirya ara, mapu weik delinamlume. Weik deipmunyeba, yupa weik upnin balamica ani, tukwak mutuku im sirya, mutuku sirya nirya binuka unamake.

Yata ning do nirya, kam ulirye, balamle ning ayala-yala nirya ara, anggun din ning ati arepsine. Minop talak ara, tukwak arye, palamuk ning bok-bok ning ayala-yala nirya anggun dina ati areamsise touk, wini talak ara, aning-aning nirya dukdongopbuka arepsine. Aning nirya ara, dina telebe nyapsine.

Tukwak mutuku deice kam ulye ning ayala-yala nirya ara, anggunti arepsine. Tukwak mutuku kam ulye ning nirya ap, im deice lakuka balamle maka yala nirya ap, tuku deice yanibuka balamle ning ayala nirya ap, laut mekwen deice ulye mek pum bal ikan yala nirya ap, sik ninye tukwak ninye ati ilil weik upnamle. Sik amu tamuk unamake.

Allah arye nyabukopura, Nuh ap, el mapu silip ap ati nyabuk. “Anggun nirya ara, neika ulamunce, mapu weik delinamlume. Tukwak mutuku noutamak binuka ulamunce, yupa weik upnin banamlume.” Allah arye, nyabuk.