Populaire Bijbelverzen uit मर्‌कुस 14

Deel

ओइ कहिक्, “ए बुबइ, बुबा, तोरो लागि सभइ कुरा सम्‍भब बाटि। इ दुखको बोट्‌को मइभि हटाइदे। तर मोरो इच्‍छा जस्‍ने नाहो, तोरो इच्‍छा जस्‍ने होखुस्।”

जाग्‍गे रहेउ, पर्‌थना गर्‌हेउ र ताहान पापमा फसालार जाँचमा झिन पर्‌हेउ। साच्‍चि, मन त तयार बाटि, तर जिउ कमजोर बाटि।”

साच्‍चि, मइ ताहान्‍के कतिन, सन्‍सारभरि जाहाँ जाहाँ इ नाम्‍रो खबर पर्‌चार गरेताइ, ओइथि पनि एइ बेटिइ ज्‍या गर्‌लाटि एख्‍रो सम्‍झनामा इ धन्‍दाको चर्‌चा गरेताइ।”

ओइ उनहान्‍के कहिक्, “मोरो मन बेस्‍के दुखि होख्‍लाटि कि मर्‌बिन जस्‍ने होख्‍लाटि। ताहान एइथि बिसो र जाग्‍गे रहेउ।”

उनहान खाइधार्‌लो बेरा येसुइ रोटि लिहिकनि परमेस्‍वरके धन्‍येबाद दिहिक् र रोटि टुक्‍राइकनि उनहान्‍के देतिहि कहिक्, “लेओ, इ मोरो जिउ हो।”

ओख्‍रोपाछु ओइ बोट्‌को लिहिकनि धन्‍येबाद दिहिकनि उनहान्‍के दिहिक्, र उनहान सभइ जनाइ बोट्‌कोभि खावाइ। अनि येसुइ उनहान्‍के कहिक्, “इ त धेरे जनाइ मुक्‍ति पाउस् कहिकनि बगाहेलार मोरो रकत हो। परमेस्‍वरइ मानिसहान्‍सिन गर्‌लो नयाँ करारके एइ रकतइ काम लाग्‍लार बनाताइ।

येसुइ उनहान्‍के कहिक्, “ताहान सभइ जना पाछु हटिकनि जिताओ, क्‍यारेकनि धर्‌मसास्‍त्‌रमा यस्‍नो लेखेलाटि, ‘मइ चरुवाके मार्‌तिन, र भेडाहान इतेउते छित्‍रेतात्।’

उठो, आब जाहुँ। चाहो, मर्‌हाइ धोखा देलार मानिस नजिके बाटि।”

तब येसुइ पतरुसके कहिक्, “साच्‍चि, मइ तोर्‌हाइ कतिन, आज राति भाल्‍या दुइ पल्‍ट चिच्‍याए कते आघु तइ मर्‌हाइ चिने नाचिन्‍तिन कहिकनि तिन चोटि असुइकार गर्‌तेर।”