Populaire Bijbelverzen uit ماتّا 7

Delen

«ضالبات ربّي راد‑اون‑يفك، سيگّلات دارس را‑تافم، سّضوقّرات‑ن سرس راد‑اون‑يرژم.

اشكو كولّو وانّا‑ت‑يضالبن راد‑اس‑يفك، د‑وانّا دارس ءيسيگّيلن را‑دارس‑ياف، د‑وانّا‑ن‑يسّضوقّورن راد‑اس‑يرژم.

«كولّو وانّا ءيسفلدن ءي‑يواليون‑اد‑ينو ار‑سرسن‑يسكار، ءيرواس ارگاز ءيطّافن لعاقل، ءيبنا تيگمّي‑نس ف‑يسلي.

سكارات د‑كولّو‑مدّن غمكنّا ترام ا‑ت‑ديدون‑سكارن. اوال‑اد ا‑يسّمونّ كولّو ما‑يتياران غ‑شّرع ءولا لانبيا.

والاينّي ءينوكما ءيمي لّي‑يتاوين س‑تودرت، ءيشقو‑وغاراس‑نس، ءيدروس ما‑ت‑يتافان.

«كشمات غ‑يمي ءينوكمان. هان يوسعا ءيمي ياضني لّي‑يتاوين س‑لهالاك، ءيرخو‑وغاراس‑نس، ءيگّوت ما‑گيس‑يكشّمن.

ژرات كونّي، واخّا دا‑تسكارم ما‑يُخشنّ تيسّانم ا‑تفكم تيميخار فولكينين ءي‑تاروا‑نّون. ءوگُّار ن‑مايان ا‑را‑ياكّا باباتون ن‑يگنّا ما‑يفولكين ءي‑ويلّي‑تي‑تضالابنين.

«ا‑ور‑تينيم ف‑يان ءيس‑يُخشن، ا‑ور‑فلّاون‑ييني ربّي ءيس‑تُخشنم. اشكو غايلّي تّينيم ف‑وييّاض ا‑را‑فلّاون‑يتياونّا، ءولا لعبرت لّي‑س‑ا‑تّعبّارم ءي‑وييّاض ا‑س‑راد‑اون‑يتياوعبّار.

ءيمّا كولّو وانّا ءيسفلدن ءي‑يواليون‑اد‑ينو ءور‑ا‑سرسن‑يسكار، ءيرواس ارگاز ءينوفلن، ءيبنا تيگمّي‑نس ف‑وملال.

ماخ ا‑ن‑تّمنادت ارفتوس ءيمژّين لّي‑ن‑يلّان غ‑تيط ن‑گماك، ءور‑تّ‑اكُّ‑تيويت غ‑تگّجديت لّي‑يلّان غ‑تيط‑نّك؟ مامنك ا‑تريت ا‑تينيت ءي‑گماك ‹ادج‑يّي اد‑اك‑د‑سّيتّيغ ارفتوس‑ان ا‑ك‑يلّان غ‑تيط،› ءيمّا كيّي تلّا‑ياك‑تگّجديت غ‑تيط؟

«رارات لعاقل اشكو راد‑د‑دارون‑اشكين كرا ن‑مدّن ار‑تّينين ءيس‑گان لانبيا والاينّي ار‑سّكيركيسن. ءوشّانّ اد‑گان، لسن‑د سرون تيملسيت ن‑وولّي باش ا‑كُن‑غوين. ءيمّا نتني زغ‑لغلّت‑نسن ا‑زغ‑را‑تن‑تّيسّانم، اشكو ءور‑ا‑ياكّا‑وزگُّار اضيل، ءولا‑دا‑تاكّا‑تسكرا ءيكوزارن.

تاسغارت ءيفولكين ار‑تسكار لغلّت ءيفولكين. تاسغارت يُخشنّ ار‑تسكار لغلّت يُخشنّ.

ءور‑تژضار‑تسغارت ءيفولكين ا‑تفك لغلّت يُخشنّ، ءولا تژضار‑تسغارت يُخشنّ ا‑تفك لغلّت ءيفولكين.

والاينّي كرايگاتّ تاسغارت نّا‑ور‑ياكّان لغلّت ءيفولكين، را‑ستّ‑يبّي‑وفلّاح ءيلوح‑تّ‑ين غ‑لعافيت.