Populaire Bijbelverzen uit Juan 2

Deel

I nangyariyan iye ti Cana tu prubinsiya ni Galilea u kadipalonguwan a makataka-taka a ginimet ni Jesus. Sakay ti iye a ginimet na ay impeta na u kapangyariyan na, sakay naniwala nikuna u disepulus na hide.

Sakay kinagi ni Jesus nikuna, “Ináng-Ináng dyanák mo dipalonguwan, awan palla odas para ipeta ko u kapangyariyan ko.”

Kinagi ni Jesus tu utusan hide, “Putatán moy ti dinom i tapayane hide.” Sakay pinutat de ngane iye hide. Káttapos ay kinagi ni Jesus nide, “Mangsalduk kam sakay iyangay moy he tu mamahala ti handaanáy.” Nangsalduk ngane hide sakay inyangay de tu mamahala.

Tinábbeg hide ni Jesus, “Hábbaán moy i templowáy a iye, sakay tu alay nu tállo a aldew ay pataknággán ko a huway.”

Naggimet siya ti pangyabat na a lubid, sakay pinaluwas na tu Templo u maglako hide. Imbatikal na u pilak hide nu mágpalit hide ti pilak sakay impasakáb na u lamisaan de hide. Kinagi be ni Jesus tu máglako hide ti kalapate, “Ibutan moy he i ina hide! Diyan moy gimitán a palengke i bilayáy nama ko!”