Populaire Bijbelverzen uit Luke 6

Deel

ဒဲႈတိုန်းတအီး။ ပဲမာ်နံင်ကတူႈအီး ဒဲႈတိုန်းတပဲ မှယ်ဒိုရ်ပ်ုန်ဒဲႈတိုန်းပဲ။ စဝ်ဖြားနံင်ႎီရ်ဒဲႈတိုန်းဘိုး တောပ်ဘည်ထာန်ဒဲႈတိုန်းပဲတအီး။”

တိုအီးကျကဲနီန် ခေဲင်ပ္လေဖိူမ်ကဲ ဆမားရိူဝ်ႈနှဲလိူည်ခံင်ကျ။ တိုအီးအာဝ်ကျကဲနီန်မာ် ခေဲင်ပ္လေဖိူမ်ကဲ ဆမာရိူဝ်ႈနှဲလိူည် ခံင်အာဝ်ကျ။ ကြောႈက္လာင်းအီလေႈခေဲင်မိုည်ႇပဲဒီန် မိုႈပ်ုန်ရိူဝ်ႈနှဲ အီတိူရ်ႈနောႈဖိူမ်ပဲ။”

ပဲလိုအူန်းမေတ္တာတရာန်ဆူ လိုရေဲန်ဒဲႈအကျိုးတကဲ။ ဆြားဒဲႈ မည်အူန်းပ်ုန်အာန်း ကနာည်နံင်ႎီရ်ဘိူန်း။ ဂေါႇမိုႈစဝ်ဖြားအူန်းမေတ္တာ တကဲအီအာဝ်နံပ်ကေးစူး ကာည်း တိုအီးဟာည်းကဲနီန် ဆာ်မိုႈပဲရေဲန်ဒဲႈ ပဲနံင်ဘိူန်းကေးစူးအကျိုးဒါင်း ကာည်း ဘိူန်းပဲန်ကောန်ႎါးစဝ်ဖြားမျြံတ်။

ဂေါႇမိုႈကူန်ပဲစဝ်ဖြားနီန် မိူဝ်ႈနိုက်မေတ္တာကရုဏာ ပဲမာ်လိုမိူဝ်ႈနိုက်မေတ္တာကရုဏာဘာည်းအ်ုန်ယာ့်။”

“ဆဲႈဒီန် မည်ဟာဝ်းချှာင်အီး၊ ဆာ်ဘာည်းနီန် ပဲမာ်နံင်အာဝ်ကတူႈမ ပ်ုန်ချှာင်စဝ်ဖြား။ မည်ဟာဝ်းဟြာင်းအီုင်ဂ္လံတ်တအီး၊ ဆာ်မိုႈဘည်ဒီန် ပဲမာ်နံင်အာဝ်ကတူႈမ အီုင်ဂ္လံတ်ပ်ုန်ဟြာင်းစဝ်ဖြား။ ပ္လိုတ်ခွါင်းဒဲႈ တအီး၊ ဆာ်ရေဲန်ဘည်ဒီန် စဝ်ဖြားစီနံင် ပ္လိုတ်ခွင်းဒဲႈတအယ်။

စဝ်ဖြားယေရှုစီဒါႈ “အောနံင်က္လာင်းတပဲ အီတငါဝ်းကဇေန်နီန်။ လိုအူန်းမေတ္တာ တရာန်ဆူ။ ရေဲန်ဒဲႈအကျိုးမှိူမ် တကဲအီကအီရ်ႈအယ်။ မှာန်းဆုဒဲႈကဲအီကီန်အယ် ဘိူန်းအကျိုးမံင်ဂလာ တစဝ်ဖြား။ မှာန်းဆုဒဲႈတကဲ အီလီလာနဘာည်းတမည်း။

ပုင်ရံင်ကြောႈက္လာင်းအယ်တအီး ဒဲႈအ်ုန်နှေရ်ပ်ုန်ဆိင်ဒဲႈအယ်တအီးကြောႈက္လာင်းတအယ်။

ဆာ်အူအီးအူကဝ် ကထာႇငါည်မည်း ဒဲႈအ်ုန်ကထာႇထဲင်ဘိုး အူကဒါႇ။ အူအီးအူကဝ် ဆာ်မှာန်းဆဒေါတမည်း ဒဲႈထဲင်ဘိုး ဆဒေါခေဲင်မည်းတအ်ုန်။ ကဲအီမှာန်း အူမျိုးအူလှေတမည်း ပါ်ဒိုႇဒိုည်ႇ ဒဲႈတိုန်းဒိုႇတကဲ။ အူအီးအူကဝ် ဆာ်တိူဝ်ႈအူန်းဂြူမည်း မည်ႎီရ်မှာန်းဘိုးတကဲ။

“တံင်ဟေကျ ဘည်ပ္လေးအ်ုန်တပ္လေကျ၊ တံင်ဟေဆာ်အာဝ်ကျမာ် အာဝ်ဆမာဘယ်ဒေ ပ္လေးပ္လေကျ။

တိူရ်ႈအယ်ဒါပ္လေ ဘယ်အေ့က္လာင်း ဘည်မိုႈတံင်။ ဘည်အာဝ်ဘိူန်းပဲႈ ပ္လေကဒိုတ်တတံင်ဟေပအောႇ ပ္လေကဘီမာ် အာဝ်ဘိူန်းမပဲႈခေဲင်တံန်။